ຕາມ​ຂ່າວ​CRI: ຕອນ​ຄ່ຳ​ວັນ​ທີ 3 ມິຖຸນາ​ນີ້, ກອງ​ປະຊຸມ​ຄວາມ​ປອດ​ໄພ​ອາຊີ​ຄັ້ງ​ທີ 4 ​ໄດ້​ໄຂ​ຂຶ້ນຢູ່​ສິງກະ​ໂປ. ​ໃນ​ກອງ​ປະ​ຊຸມ​ທີ່ຈະ​ດຳ​ເນີນ​ເປັນ​ເວລາ 3 ມື້​ເທື່ອ​ນີ້, ລັດຖະ​ມົນ​ຕີ​ກະ​ຊວງ​ປ້ອງ​ກັນ​ປະ​ເທດ ​ເຈົ້າໜ້າ​ທີ່​ລັດຖະບານ​ແລະ​ຜູ່​ຊ່ຽວຊານ​ດ້ານ​​ຄວາມ​ປອດ​ໄພ​ຈະ​ປຶກ​ສາ​ຫາລື​ກັນ​ກ່ຽວ​ກັບ​ຫົວ​ຂໍ້ຄວາມ​ປອດ​ໄພ​ຄື ການ​ຕ້ານ​ລັດທິ​ກໍ່​ການ​ຮ້າຍ​ແລະ​ການ​ຮ່ວມ​ມື​ຄວາມ​ປອດ​ໄພ​ເທິງ​ທະ​ເລ​ເປັນຕົ້ນ.

​ໃນ​ພິທີ​ໄຂ​ກອງ​ປະຊຸມ, ທ່ານ​ລີ​ຊຽນລົງ ນາຍົກລັດຖະມົນຕີສິງກະ​ໂປ​ໄດ້​ກ່າວ​ຄຳ​ປາ​ໄສ​, ຮຽກ​ຮ້ອງ​ໃຫ້​ບັນດາ​ປະ​ເທດ​ທີ່​ຮ່ວມ​ປະຊຸມ​ພ້ອມ​ກັນ​ພະຍາຍາມ, ​ເພື່ອ​ປົກ​ປັກ​ຮັກ​ສາ​ຄວາມ​ປອດ​ໄພ​ແລະ​ສະຖຽນລະ​ພາບ​ຂອງ​ພາກ​ພື້ນ.

ວັນ​ທີ 4 ມິຖຸນາ ທ່ານ​ລາມສ໌ຟິວ ລັດຖະມົນຕີ​ກະຊວງປ້ອງກັນປະ​ເທດ​ອາເມ​ລິ​ກາ​ໄດ້​ກ່າວ​ໃນ​ກອງ​ປະ​ຊຸມ​ວ່າ, ​ເວົ້າສຳລັບ​ອາ​ເມ​ລິ​ກາ​ແລະ​ປະ​ເທດ​ອື່ນໆ​ໃນ​ໂລກ​ແລ້ວ, ການ​ໂປ​ໂລ​ຂຶ້ນ​ຂອງ​ຈີນບໍ່​ເປັນ​ການ​ຂົ່ມຂູ່.