ຕາມ​ຂ່າວCRI: ວັນ​ທີ 4 ມິຖຸນາ​ນີ້ ​ໃນ​ກອງ​ປະຊຸມ​ຄວາມ​ປອດ​ໄພ​ອາຊີ​ຄັ້ງທີ 4 ທີ່​ຈັດ​ຂຶ້ນ​ຢູ່​ສິງ​ກະ​ໂປ, ທ່ານ​ຊຸຍ​ທຽນ​ຄາຍ ຫົວໜ້າ​ກົມ​ອາຊີ​ກະຊວງ​ກາ​ນຕ່າງປະ​ເທດ​ຈີນ​ກ່າວ​ລື້​ມວ່າ, ຈີນ​ຈະ​ສືບ​ຕໍ່​ເດີນ​ໄປ​ຕາມ​ເສັ້ນທາງພັດທະນາ​ໂດຍ​ສັນຕິຢ່າງ​ເດັດດ່ຽວ. ​ແລະ​ຍິນ​ດີ​ຢືນ​ຢັນ​ດ້ວຍ​ບົດ​ຮຽນ​ຂອງ​ຕົນ​ວ່າ: ການ​ພັດທະນາ​ແມ່ນ​ເພື່ອ​ສັນຕິພາບ, ສັນຕິພາບ​ແລະ​ການ​ຮ່ວມ​ມື​ແມ່ນ​ສິ່ງ​ຮັບ​ປະ​ກັນ​ກົກ​ຮາກ​​ແຫ່ງ​ການ​ພັດທະນາ​ແລະ​ຈະ​ເລີ​ນຮຸ່ງ​ເຮືອງ.

ທ່ານ​ຊຸຍ​ທຽນ​ຄາຍ​ກ່າວ​ເນັ້ນວ່າ, ​ເຖິງ​ວ່າ​ຈີນ​ພັດທະນາ​ແລ້ວ​ໃນ​ອະນາຄົດ​ກໍ່ຕາມ, ​ແຕ່​ຍັງ​ຈະ​ຍຶດ​ໝັ້ນນະ​ໂຍບາຍ​ທີ່​ບໍ່​ເປັນ​ເຈົ້າອຳນາດ ບໍ່​ແຜ່​ອຳນາດ ບໍ່​ຮຸກ​ຮານ, ກາຍ​ເປັນ​ກຳລັງ​ເດັດ​ດ່ຽວ​ທີ່​ປົກ​ປັກ​ຮັກສາ​ສັນ​ຕິ​ພາບ​ແລະສະຖຽນ​ລະ​ພາບ. ຈີນ​ຍິນ​ດີ​ອອກ​ແຮງ​ສຸດ​ຂີດ​ຮ່ວມ​ມື​ກັບ​ປະ​ເທດ​ໃຫຍ່​ອື່ນໆ​​ກ່ຽວ​ກັບ​ບັນຫາ​ຄວາມ​ປອດ​ໄພ​ພາກ​ພື້ນ.

ກອງ​ປະຊຸມ​ຄວາມ​ປອດ​ໄພ​ອາຊີ​ຄັ້ງທີ 4 ໄດ້​ໄຂ​ຂຶ້ນຢູ່​ສິງກະ​ໂປ​ໃນ​ຕອນ​ຄ່ຳ​ວັນ​ທີ 3 ມິ​ຖຸ​ນາ​ນີ້ ຈະ​ດຳ​ເນີນ​ເປັນ​ເວລາ 3 ມື້​, ຫາລື​ບັນຫາ​ຄວາມ​ປອດ​ໄພ​ໃນ​ພາກພື້ນອາ​ຊີ​ແລະ​ສິ່ງ​ທ້າ​ທາຍ​ທີ່​ປະ​ເຊີນ​ໜ້າ.