|
ຕາມຂ່າວສານຊິນຮວາ: ວັນທີ 4 ມິຖຸນານີ້ ສະພາທ້ອງຖິ່ນເຄິດອີຣັກໄດ້ໄຂກອງປະຊຸມຄັ້ງທຳອິດຢູ່ເມືອງອາບິນ ທາງພາກເໜືອອີຣັກ. ທ່ານຕາລາບານີ ປະທານາທິບໍດີລັດຖະບານຂ້າມຜ່ານອີຣັກໄດ້ກ່າວປາໄສ, ຮຽກຮ້ອງໃຫ້ຊາວເຄິດເປັນແບບຢ່າງປະຊາທິປະໄຕຢູ່ອີຣັກທີ່ຍັງຕົກຢູ່ໃນສະພາບວຸ້ນວາຍແຫ່ງສົງຄາມ.
ທ່ານຕາລາບານີແມ່ນຊາວເຄິດ, ທ່ານປາກພາສາອາລັບຕໍ່ສະມາຊິກສະພາທ້ອງຖິ່ນ 111 ຄົນວ່າ, ໃນສະເພາະໜ້ານີ້ ອີຣັກພວມຕົກຢູ່ໃນໄລຍະຫົວລ້ຽວຫົວຕໍ່, ການສ້າງລັດຖະທຳມະນູນສະບັບຖາວອນທີ່ສາມາດຮັບປະກັນໝົດທຸກຄົນໃນສັງຄົມອີຣັກຢູ່ຮ່ວມກັນຢ່າງສະເໝີພາບ ແມ່ນໜ້າທີ່ອັນສັກກາລະບູຊາຂອງບັນດາຊົນເຜົ່າແລະອົງການສາສະໜາຂອງອີຣັກ. ຕາມແຜນການ, ອີຣັກຈະຈັດການເອົາປະຊາມະຕິທົ່ວປວງຊົນກ່ຽວກັບຮ່າງລັດຖະທຳມະນູນສະບັບໃໝ່ໃນເດືອນຕຸລາປີນີ້.
|
