ຕາມ​ຂ່າວສານ​ຊິນ​ຮວາ: ວັນ​ທີ 5 ມິຖຸນາ​ນີ້ ທ່ານ​ອານ​ນານ ​ເລຂາທິການ​ໃຫຍ່​ສະ​ຫະ​ປະ​ຊາ​ຊາດ​ໄດ້​ຝາກ​ໂທລະ​ເລກ​ອວຍພອນ​ມາ​ໃຫ້​ພິທີ​ເປີດ​ໂຄງການ​ຜູ່​ອາສາ​ສະໝັກ​ງານ​ກິ​ລາ​ໂອ​ລິມ​ປິກ​ປັກ​ກິ່ງ.

ທ່ານ​ອານ​ນານ​ເຫັນ​ວ່າ, ງານ​ກິລາ​ໂອ​ລິ​ມປິກ​ປັກ​ກິ່ງ​ຈະ​ອຳນວຍ​ໂອກາດ​ທີ່​ບໍ່​ເຄີຍ​ມີ​ມາ​ກ່ອນ​ໃຫ້​ແກ່​ສັງຄົມ​ຮັບ​ຮອງ​ຜູ່​ອາສາ​ສະໝັກ​ແລະ​ການ​ພັດທະນາພາລະກິດ​ຜູ່​ອາ​ສາ​ສະ​ໝັກ. ​ໃນ​ໂທລະ​ເລກ​ອວຍພອນ ທ່ານ​ອວຍພອນ​ຢ່າງ​ຈິງ​ໃຈ​​ໃຫ້​ຄວາມ​ພະຍາຍາມ​ຂອງ​ຜູ່​ອາສາ​ສະ​ໝັກ​ຈະ​ຊ່ອຍ​ເຫຼືອງານ​ກິລາ​ໂອ​ລິ​ມປິກປັກ​ກິ່ງປີ 2008 ຈະ​ໄດ້​ຮັບ​ຜົນສຳ​ເລັດ​ຢ່າງ​​​ເຕັມ​ເມັດ​ເຕັມ​ໜ່ວຍ.

ຕອນ​ບ່າຍ​ວັນ​ທີ 5 ມິຖຸນາ​ນີ້ ​ ​ໄດ້​ເປີດໂຄງການ​ຜູ່​ອາສາ​ສະໝັກ​ງານ​ກິລາ​ໂອ​ລິມ​ປິກ​ປັກ​ກິ່ງ​​ຢ່າງ​ເປັນທາງ​ການ. ທ່ານ​ໂລ​ແກ ປະທານ​ຄະນະ​ກຳມະການ​ໂອ​ລິ​ມປິກ​ສາ​ກົນ​ແລະ​ທ່ານ​ລິວ​ສິ ​ເລຂາ​ພັກ​ນະຄອນ​ປັກ​ກິ່ງ ປະທານ​ຄະນະ​ກຳມະການ​ຈັດ​ງານ​ກິລາ​ໂອ​ລິ​ມ ປິກ​ປັກ​ກິ່ງ​ໄດ້​ເຂົ້າ​ຮ່ວມ​ພິທີ​ເປີດ​ໂຄງການ. ຕາມ​ໄດ້​ຊາບ, ຮອດ​ເວລາ​ນັ້ນ ຈະ​ມີ​ຜູ່​ອາສາ​ສະໝັກ 1 ​​ແສນ​ກວ່າ​ຄົນ​ສະ​ໜອງການ​ບໍລິການ​ງານ​ກິລາ​ໂອ​ລິ​ມປິກ​ປັກ​ກິ່ງ​ປີ 2008 ​ໂດຍ​ກົງ.