ໃນຊີວິດຂອງຄົນເຮົາ, ການສຶກສາທີ່ເຮົາໄດ້ຮັບກ່ອນໝູ່ແມ່ນມາຈາກຄອບຄົວ, ມາຈາກການສຶກສາໄລຍະຕົ້ນຂອງແມ່ທີ່ສອນລູກ. ເພື່ອຄົ້ນຄວ້າໃຫ້ຮູ້ຜົນສະທ້ອນຂອງແມ່ທີ່ມີຕໍ່ຊີວິດຂອງຄົນຜູ່ໜຶ່ງ, ນັກຈິດຕະສາດທີ່ມີຊື່ສຽງຜູ່ໜຶ່ງຂອງອາເມລິກາໄດ້ເລືອກເອົາບຸກຄົນຜູ່ສຳເລັດຜົນ 50 ຄົນໃນທົ່ວອາເມລິກາ, ພວກເພິ່ນລ້ວນແຕ່ໄດ້ຮັບຜົນສຳເລັດອັນດີເລີດໃນຂະແໜງການງານຂອງໃຜລາວ. ພ້ອມກັນນັ້ນກໍໄດ້ເລືອກເອົາ 50 ຄົນທີ່ມີການບັນທຶກເຄີບຕ້ອງໂທດ, ແຍກອອກຂຽນຈົດໝາຍໄປໃຫ້ພວກເຂົາເຈົ້າ, ຂໍໃຫ້ພວກເຂົາເຈົ້າເລົ່າຜົນສະທ້ອນຂອງແມ່ທີ່ມີຕໍ່ພວກເຂົາເຈົ້າ. ໃນນັ້ນ, ມີຈົດໝາຍຕອບສອງກ້ານໄດ້ເຮັດໃຫ້ທ່ານປະທັບໃຈທີ່ສຸດ. ຈົດໝາຍກ້ານໜຶ່ງແມ່ນຂອງບຸນຄົນຜູ່ມີຊື່ສຽງຢູ່ທຳນຽບຂາວ, ອີກກ້ານໜຶ່ງແມ່ນຂອງນັກໂທດຜູ່ໜຶ່ງທີ່ພວມຕິດຄຸກ. ສອງຄົນນີ້ເລົ່າເລື້ອງທີ່ຄືກັນ, ຄື, ໃນເວລາຍັງນ້ອຍ, ແມ່ປັນໝາກໂປມໃຫ້ພວກເຂົາເຈົ້າ.
ໃນຈົດໝາຍ, ຂອງນັກໂທດໃນຄຸກຂຽນວ່າ:
ໃນເວລາຍັງເດັກນ້ອຍ, ມື້ໜຶ່ງ, ແມ່ໄດ້ເອົາໝາກໂປມມາຫຼາຍໜ່ວຍ, ສີແດງສິຂຽວ, ໜ່ວຍນ້ອຍໜ່ວຍໃຫຍ່ບໍ່ທໍ່ກັນ. ຂ້ອຍເບິ່ງປຶນ, ກໍເຫັນໜ່ວຍທາງກາງທີ່ທັງໃຫຍ່ທັງສີແດງໜ້າກິນນັ້ນໂລດ, ຂ້ອຍດີໃຈຫຼາຍ, ຢາກໄດ້ທີ່ສຸດ. ໃນຄາວນັ້ນ, ແມ່ເອົາໝາກໂປມມາວາງໄວ້ເທິງໂຕະ, ແລະຖາມຂ້ອຍກັບນ້ອງຊາຍວ່າ, ພວກລູກຢາກໄດ້ໜ່ວຍໃດ? ຂ້ອຍພວມຈະເວົ້າວ່າ, ຢາກໄດ້າໜ່ວຍທີ່ໃຫຍ່ກວ່າໝູ່ແລະແດງກວ່າໝູ່, ນ້ອງຊາຍກໍຍາດເວົ້າຄວາມທີ່ຂ້ອຍຢາກເວົ້ານັ້ນກ່ອນແລ້ວ. ແມ່ຟັງແລ້ວ, ກຶ້ງຕາໃສ່ມັນແລະຕິຕຽນມັນວ່າ, ຜູ່ຄຳຮູ້ຕ້ອງຮູ້ຈັກເອົາສິ່ງທີ່ດີໃຫ້ຜູ່ອື່ນ, ບໍ່ແມ່ນຈະຄິດແຕ່ຕົນເອງ.
ໃນຂະນະນັ້ນ, ຂ້ອຍສະໝອງໄວ, ເລີຍປ່ຽນຄວາມວ່າ, "ແມ່, ລູກຢາກໄດ້ໜ່ວຍນ້ອຍກວ່າໝູ່, ເອົາໜ່ວຍໃຫຍ່ໃຫ້ນ້ອງສາ."
ແມ່ຟັງແລ້ວ, ດີໃຈຫຼາຍ, ຫອມແກ້ມຂ້ອຍບາດໜຶ່ງ, ແລ້ວເອົາໝາກໂປມທີ່ທັງແດງທັງໃຫຍ່ໜ່ວຍນັ້ນໃຫ້ຂ້ອຍເພື່ອເປັນລາງວັນ. ຂ້ອຍໄດ້ສິ່ງທີ່ຂ້ອຍຢາກໄດ້. ແຕ່ນັ້ນມາ, ຂ້ອຍໄດ້ຮຽນຮູ້ເວົ້າຂີ້ຕົວະ. ຫຼັງຈາກນັ້ນ, ຂ້ອຍຍັງຮຽນຮູ້ຕີກັນ ລັກໝົກຈົກຫໍ່ແລະປຸ້ນຈີ້. ເພື່ອໄດ້ສິ່ງທີ່ຕົນຢາກໄດ້, ຂ້ອຍໃຊ້ທຸກວິທີ, ຈົນຮອບປັດຈຸບັນ, ຂ້ອຍຖືກສົ່ງເຂົ້າຄຸກ.
1 2
|