|
ກອງທະຫານຟີລິບປິນແລະອາເມລິກາຈະເພີ່ມທະວີການຮ່ວມມືໃນການໂຈມຕີອິດທິກຳລັງຫົວຈັດຂອງຟີລິບປິນ
cri
Author: q
ຕາມຂ່າວສານຊິນຮວາ,ວັນທີ7ມິຖຸນາ,ຢູ່ມານີລາ,ເຈົ້າໜ້າທີ່ການທະຫານຟີລິບປິນແລະອາເມລິກາໄດ້ຈັດການເຈລະຈາກັນ,ເຫັນດີເພີ່ມທະວີການຮ່ວມມືໃນການໂຈມຕີອິດທິກຳລັງຫົວຈັດທີ່ຢູ່ເຂດມິນດານາວພາກໃຕ້ຟີລິບປິນ.
ວັນທີ8ມິຖຸນາ,ສື່ມວນຊົນຟີລິບປິນລາຍງານວ່າ,ວັນທີ7ມິຖຸນາ,ທ່ານຟາລອນ ຜູ້ບັນຊາການຂອງກອງທະຫານອາເມລິກາຢູ່ພາກພື້ນປາຊີຟິກແລະທ່ານອາບູ ເສນາທິການໃຫຍ່ກອງທະຫານຟີລິບປິນໄດ້ຈັດການເຈລະຈາກ່ຽວກັບການຮ່ວມມືປ້ອງກັນປະຈຳປີລະຫວ່າງອາເມລິກາ-ຟີລິບປິນ,ສອງຝ່າຍເຫັນດີສືບຕໍ່ເພີ່ມທະວີການຮ່ວມມືດ້ານການທະຫານລະຫວ່າງສອງຝ່າຍແລະພາກພື້ນ.ນອກຈາກຈັດການຊ້ອມລົບຮ່ວມໃຫ້ຫຼາຍກວ່າເກົ່າແລ້ວ,ສອງຝ່າຍຍັງມີແຜນຈະສ້າງສິ່ງກໍ່ສ້າງພົນລະເຮືອນຈຳນວນໜຶ່ງ,ເພື່ອໃຊ້ເຂົ້າໃນການປ້ອງກັນການຫຼອນໂຈມຕີແບບກໍ່ການຮ້າຍ.
|
|
