|
ກ່ອນອື່ນຂໍເວົ້າການບົ່ງພະຍາດດ້ວຍວິທີສັງເກດຈາກເລັບມື ເວົ້າທົ່ວໄປແລ້ວ ເລັບມືຂອງຄົນແຂງແຮງຄວນເປັນສີບົວ ທັງເຫຼື້ອມແລະສີຊົ້ງໆຂຶ້ນທາງກາງຫນ້ອຍຫນຶ່ງ ຍາມເປັນພະຍາດຫຼືຂາດວິຕາມິນນັ້ນ ເລັບມືກໍຈະປະກົດມີອາການຕ່າງໆ ເຊັ່ນ:ເລັບມືມີລາຍເປັນເສັ້ນຊື່ແມ່ນຍ້ອນຂາດວິຕາມິນອາ ຖ້າເລັບມືຫາກມີເມັດສີຂາວຄືຍວງຝ້າຍ ອາດຈະແມ່ນບລຳໄສ້ປົກກະຕິ ຖ້າເລັບມືຂາວຊີດແມ່ນຍ້ອນເລືອດຈາງ ຖ້າເລັບມືອ່ອນບໍ່ຫນຽວແມ່ນຂາດທາດບຳລຸງ ຖ້າເປັນຫາກພຽງຄືແປ້ນຫຼືທາງກາງຫຼຸບລົງ ສິເສົ້າໆແລະຜ່ອຍແມ່ນຍ້ອນເລືອດຈາງປະເພດຂາດທາດເຫຼັກ ຖ້າເລັບມືມີລາຍຂວາງແມ່ນອາການປະກົດກ່ອນຂອງໂລກຫົວໃຈວາຍ ຖ້າເລັບມືເປັນສີຊ້ຳໆແມ່ນບອກໃຫ້ຮູ້ວ່າຄົນຜູ່ນີ້ມີພະຍາດສາຍໂລຫິດໃນຫົວໃຈ
ຄວາມຮູ້ທົ່ວໄປທີ່ເຮົາເວົ້າມ່ເມື່ອກີ້ນີ້ແມ່ນເພື່ອໃຫ້ທ່ານສັງເກດເອົາເອງວ່າຕົນເປັນພະຍາດຫຍັງ ແລ້ວຟ້າວໄປຫາຫມໍ ແຕ່ຢ່າກິນຢາເອົາເອງໂລເລ
ວິທີສັງເກດວ່າຕົນຂາດວິຕາມິນຫຍັງ
ຫນຶ່ງ ຜູ່ທີ່ມັກຮູ້ສຶກວ່າຕາສີຈື້ນໆ ຢ້ານແສງ ມັກມີນ້ຳຕາຊືມອອກ ຕາມັກມົວ ຜິວຫນັງຫ້າວແຫ້ງແລະຕາບອດກາງຄືນນັ້ນ ທົ່ວໄປແລ້ວແມ່ນຍ້ອນຂາດວິຕາມິນອາ
ສອງ:ຜູ່ທີ່ຍ້ຽອາຫານບໍ່ດີ ມັກມຶນຕີນມືນມືແລະເສັ້ນປະສາດມັກອັກເສບເລື້ອຍໆນັ້ນສ່ວນຫຼາຍແມ່ນຍ້ອນຂາດວິຕາມິນເບຫນຶ່ງ
ສາມ:ເຫງືອກແລະຜິວຫນັງມັກອອກເລືອດ ປາກບາດຈອດກັນຍາກແມ່ນຍ້ອນຂາດວິຕາມິນເຊ
ສີ່:ຜູ່ທີ່ມີໄຂມັນຫຼາຍໃນເລືອດ ສາຍເລືອດແດງແຂງແລະຕີນມືເຢັນແມ່ນຍ້ອນຂາດວິຕາມິນເອີ
ຫ້າ:ຫົວຂອງເດັກນ້ອຍທີ່ມັກອອກເຫື່ອ ກະດູກອ່ອນ ແລະບໍ່ສູ້ອອກໄປຫຼ໊ນນອກເຮືອນນັ້ນແນ່ນອນແມ່ນຂາດວິຕາມິນເດ
ຜູ່ທີ່ຂາດວິຕາມິນດັ່ງກ່າວມາເທິງນີ້ ວິທີບຳລຸງ ນອກຈາກກິນວິຕາມິນຕາມຄຳສັ່ງຂອງຫມໍແລ້ວ ໃນນອາຫານການກິນນັ້ນ ກໍໃຫ້ທ່ານເລືອກກິນຊິ້ນກິນປາ ຜັກສົດແລະຫມາກໄມ້ທີ່ມີທາດບຳລຸງຕ່າງກັນ ເຊັ່ນ:ໃນຫມາກເຫຼັ່ນ ຫນໍ່ໄມ້ ຜັກກະຫຼ່ຳປີ ຫມາກເຜັດ ຫມາກກ້ຽງແລະອື່ນໆແມ່ນມີວິຕາມິນເຊຫຼາຍ ໃນຫົວກະຫຼົດມີວິຕາມິນອາຫຼາຍທີ່ສຸດ ຊີ້ນລ້ວນໆ ເຄື່ອງໃນສັດ ຫນໍ່ໄມ້ມີວິຕາມິນເບຫນຶ່ງແລະເບສອງ ສຳລັບເດັກນ້ອຍທີ່ຂາດວິຕາມິນເດນັ້ນ ຕ້ອງກິນນ້ຳມັນຕັບປາ ໄຂ່ເຫຼືອງແລະຕັບໄຕຂອງສັດ ສຳລັບຜູ່ທີ່ເລືອດຈາງປະເພດຈາດທາດເຫຼັກນັ້ນກໍໃຫ້ກິນຜັກເຊເລີລີ ຖົ່ວເຫຼືອງ ປູນ້ຳຈືດ ຕັບຫມູແລະຊີ້ນທີ່ບໍ່ປັນນ້ຳມັນນັ້ນໃຫ້ຫຼາຍແດ່
|
