|
|
 |
| (GMT+08:00)
2005-06-08 16:48:41
|
 |
|
ສະພາບແວດລ້ອມການສຶກສາຢູ່ຈີນນັບມື້ນັບດີຂຶ້ນໄດ້ເຮັດໃຫ້ຈຳນວນນັກສຶກສາຕ່າງປະເທດມາຮຽນຢູ່ຈີນຫລາຍຂຶ້ນຊັກໄຊ້(ສຽງ)
cri
Author: mo
|
ຫວ່າງມໍ່ໆນີ້, ກະຊວງສຶກສາທິການຈີນປະກາດວ່າ, ປີ2004, ລວມມີນັກສຶກສາຕ່າງປະເທດ 1 ແສນ 1 ໝື່ນຄົນມາຮຽກຢູ່ຈີນ, ຈຳນວນນັກສຶກສາຕ່າງປະເທດໄດ້ເພີ່ມຂຶ້ນຫລາຍກວ່າປີ 2003 42%. ເຈົ້າໜ້າທີ່ກະຊວງສຶກສາທິການຈີນເຜີຍໃຫ້ຮູ້ວ່າ, ລັດຖະບານຈີນຈະສືບຕໍ່ໃຊ້ມາດຕະການຊຸກຍູ້ນັກສຶກສາຕ່າງປະເທດມາຮຽນຢູ່ຈີນ. ຕໍ່ໄປເຊີນຟັງບົດແຈ້ງຂ່າວລະອຽດ.
ຕາມສະຖິຕິຂອງກະຊວງສຶກສາທິການຈີນ, ນັກສຶກສາຕ່າງປະເທດ 1 ແສນ 1 ໝື່ນຄົນແມ່ນມາຈາກ 178 ປະເທດ, ເຊິ່ງຫລາຍກວ່າໝູ່ແມ່ນ ສ.ເກົາຫລີ ຍີ່ປຸ່ນ ອາເມລິກາ ຫວຽດນາມ ແລະອິນໂດເນເຊຍ.
ແຕ່ໃດມາ, ລັດຖະບານຈີນກໍສົ່ງເສີມນັກສຶກສາຕ່າງປະເທດມາຮຽນຢູ່ຈີນຢ່າງຕັ້ງໜ້າ, ໄດ້ສະໜອງຄ່າໃຊ້ຈ່າຍລາຍຈຳເພາະ, ທັງອອກແຮງສ້າງລະບອບຄຸ້ມຄອງທີ່ຄົບຖ້ວນບໍລິບູນ, ໄດ້ບຳລຸງສ້າງຄູອາຈານທີ່ສອນນັກສຶກສາຕ່າງປະເທດໂດຍສະເພາະງວດໜຶ່ງ. ພ້ອມກັນນັ້ນ, ການຕ່າງປະເທດແລະເສດຖະກິດຈີນໄດ້ພັດທະນາຢ່າງບໍ່ຢຸດຢັ້ງ, ກໍໄດ້ມີກຳລັງອັນມະຫາສານດູດດຶງນັກສຶກສາຕ່າງປະເທດມາຮຽນຢູ່ຈີນ. ທ່ານນາງເສິນອິງຮຸຍ ເຈົ້າໜ້າທີ່ກະຊວງສຶກສາທິການຈີນທີ່ຮັບຜິດຊອບວຽກງານນັກສຶກສາຕ່າງປະເທດມາຮຽນຢູ່ຈີນວິເຄາະວ່າ:
ໃນຫລາຍປີມານີ້, ຄຽງຄູ່ກັບການພັດທະນາຂອງການຕ່າງປະເທດແລະເສດຖະກິດຈີນ, ໂດຍສະເພາະແມ່ນການສຶກສາໄດ້ຂະຫຍາຍຕົວອອກ, ໄດ້ເຮັດໃຫ້ປະເທດຍິ່ງຫລາຍນັບມື້ນັບຮັບຮອງການສຶກສາຊັ້ນສູງຂອງຈີນ, ເຂົາເຈົ້າໄດ້ຄັດເລືອກນັກຮຽນຍິ່ງຫລາຍມາຮຽນຢູ່ຈີນ. ພ້ອມກັນນັ້ນ, ເສດຖະກິດຈີນໄດ້ພັດທະນາຢ່າງວ່ອງໄວໄດ້ເຮັດໃຫ້ຜົນສະທ້ອນຂອງຈີນຂະຫຍາຍກວ້າງອອກ, ວັດທະນະທຳດັ້ງເດີມຂອງຈີນໄດ້ດູດດຶງນັກສຶກສາຕ່າງປະເທດມາຮຽນຢູ່ຈີນນັບມື້ນັບຫລາຍຂຶ້ນ.
ນັກສຶກສາຕ່າງປະເທດທີ່ມາຮຽນຢູ່ຈີນໃນປີ2004ຕ່າງຮຽນຢູ່ໂຮງຮຽນຊັ້ນສູງແລະສະຖາບັນການສຶກສາອື່ນໆ 420 ແຫ່ງຂອງຈີນ, ໃນນັ້ນ, ເກືອບ 95% ແມ່ນໃຊ້ທຶນເອງ. ວິຊາສະເພາະຂອງນັກສຶກສາຕ່າງປະເທດໄດ້ກ່ຽວພັນເຖິງຂົງເຂດພາສາ ວັດທະນະທຳ ເສດຖະກິດ ກົດໝາຍ ພ້ອມດ້ວຍວິຊາການຊ່າງ ອຸດສາຫະກຳ ກະສິກຳແລະການແພດເປັນຕົ້ນ.
ທ້າວກີຈູນຄວົນ ຂອງສ.ເກົາຫລີຮຽນຢູ່ວິທະຍາຄານຄຸ້ມຄອງເສດຖະກິດຂອງມະຫາວິທະຍາໄລປັກກິ່ງ, ດຽວນີ້ກຳລັງຮຽນປີ 3. ລາວເຫັນວ່າ, ມາຮຽນຢູ່ຈີນແມ່ນການຄັດເລືອກທີ່ສະຫລາດທີ່ສຸດໃນຊີວິດຂອງຕົນ. ເພາະວ່າ, ຢູ່ວິສາຫະກິດໃຫຍ່ຈຳນວນໜຶ່ງຂອງສ.ເກົາຫລີ, ໂດຍສະເພາະແມ່ນສະຖາບັນການເງິນ, ຕ້ອງການພະນັກງານທີ່ຮູ້ຈັກປະເທດຈີນຫລາຍທີ່ສຸດ; ລັດຖະບານສ.ເກົາຫລີກໍເອົາໃຈໃສເປັນພີເສດຕໍ່ຜູ້ຮູ້ພາສາຈີນ. ຄົນເກົາຫລີໃຕ້ຖ້າຮຽນຈົບຈາກມະຫາວິທະຍາໄລຊື່ສຽງຂອງຈີນແລ້ວ, ໃນເວລາປະກອບອາຊີບກໍຈະໄດ້ຮັບເງິນເດືອນຫລາຍກວ່ານັກສຶກສາທີ່ຮຽນຈົບຈາກມະຫາວິທະຍາເຊອຸ່ນ ເຊິ່ງເປັນມະຫາວິທະຍາໄລທີ່ມີຊື່ສຽງກວ່າໝູ່ຂອງສ.ເກົາຫລີ. ລາວເວົ້າວ່າ:
ຍ້ອນວ່າລັດຖະບານແລະວິສາຫະກິດໃຫຍ່ປະຕິບັດນະໂຍບາຍພິເສດຈຳນວນໜຶ່ງ, ດຽວນີ້, ຊາວເກົາຫລີໃຕ້ທີ່ມາຮຽນຢູ່ຈີນນັບມື້ນັບຫລາຍ. ໝູ່ຮຽນຂ້ອຍທີ່ຮຽນຢູ່ມັດທະຍົມປາຍແຫ່ງດຽວກໍມີ 6-7 ຄົນມາຮຽນຢູ່ມະຫາວິທະຍາໄລປັກກິ່ງ.
ເຊັ່ນດຽວກັນທ້າວກີຈູນຄວົນ, ຊາວເກົາຫລີໃຕ້ຫລາຍຄົນເຫັນວ່າ, ມາຮຽນຢູ່ຈີນຈະເຮັດໃຫ້ຕົນເອງມີໂອກາດຫລາຍໃນພາຍໜ້າ. ແຕ່ທ່ານນາງເສີນອິງຮຸຍ ເຈົ້າໜ້າທີ່ກະຊວງສຶກສາທິການຈີນເຫັນວ່າ, ນັກສຶກສາຕ່າງປະເທດທີ່ຄືດັ່ງທ້າວກີຈູນຄວົນນັ້ນບໍ່ພຽງແຕ່ແມ່ນຂົວສະພານແຫ່ງການຮ່ວມມືແລະໄມຕີຈິດຂອງປະຊາຊົນສອງປະເທດທໍ່ນັ້ນ, ກໍແມ່ນຊັບພະຍາກອນຜູ້ມີຄວາມຮູ້ຄວາມສາມາດທີ່ລ້ຳຄ່າຂອງປະເທດສົ່ງອອກແລະປະເທດທີ່ຮັບເອົານັກສຶກາຕ່າງປະເທດ. ທ່ານນາງເຜີຍໃຫ້ຮູ້ວ່າ, ຂະແໜງການສຶກສາຂອງຈີນໄດ້ໃຊ້ມາດຕະການຫລາຍຊະນິດມາດູດດຶງເອົານັກສຶກສາຕ່າງປະເທດຍິ່ງຫລາຍ.
ມາດຕະການເຫຼົ່ານີ້ລວມທັງການເພີ່ມທະວີການສຶກສາແລະຄຸ້ມຄອງນັກສຶກສາຕ່າງປະເທດທີ່ມາຮຽນຢູ່ຈີນແລະການສ້າງຖັນແຖວຄູອາຈານ; ບູລະນະລະບອບປິ່ນປົວແລະປະກັນໄພສັງລວມຂອງນັກສຶກສາທີ່ມາຮຽນຢູ່ຈີນ, ສະໜອງສິ່ງຄ້ຳປະກັນຍິ່ງຫລາຍໃຫ້ແກ່ນັກສຶກສາຕ່າງປະເທດ; ສ້າງລະບົບຄຸ້ມຄອງຂໍ້ມູນຂ່າວສານກ່ຽວກັບການຮຽນຢູ່ຈີນໃນທົ່ວປະເທດ, ເພີ່ມທະວີການບໍລິການແລະການຄຸ້ມຄອງນັກສຶກສາຕ່າງປະເທດ.
|
|
|
