ຕາມ​ຂ່າວສານ​ຊິນ​ຮວາ: ວັນ​ທີ 8 ມິຖຸນາ​ນີ້ ຢູ່​ທີ່​ພຽງ​ຢາງ, ​ໂຄສົກ​ກະຊວງ​ການ​ຕ່າງ​ປະ​ເທດສ.ປ.ປ.​ເກົາຫຼີ​ໃຫ້​ສຳພາດ​ວ່າ, ສ.ປ.ປ.ເກົາຫຼີພວມ​ຕິດ​ຕໍ່​ພົວພັນ​ກັບ​ອາ​ເມ​ລິ​ກາກ່ຽວ​ກັບ​ການ​ຟື້ນ​ຟູ​ການ​ເຈລະຈາ 6 ຝ່າຍ, ສ່ວນ​ອະນາຄົດ​ຈັດ​ການ​ເຈລະຈາ​ຄືນ​​ໃໝ່ນັ້ນຊີ້​ຂາດຢູ່​ນຳ​ອາ​ເມ​ລິ​ກາ​ທີ່​ຈະ​ສ້າງ​ເງື່ອນ​ໄຂ​ແລະ​ສະພາບ​ແວດ​ລ້ອມ​ທີ່​ຈຳ​ເປັນ​ໄດ້ຫຼືບໍ່.

​ໂຄສົກ​ຜູ່​ນີ້​ກ່າວ​ວ່າ, ປະຈຸ​ບັນພວມ​ເປັນ​ເວລາ​ທີ່​ສ.ປ.ປ.​ເກົາຫຼີກັບ​ອາ​ເມ​ລິ​ກາ​ຕິດ​ຕໍ່​ພົວ​ພັນ​ກັນ​ເພື່ອ​ຟື້ນ​ຟູ​ການ​ເຈລະຈາ 6 ຝ່າຍ, ​ແຕ່​ຫວ່າງ​ມໍ່ໆ​ນີ້ ​ໃນ​ເວລາ​ເຂົ້າ​ຮ່ວມ​ກອງ​ປະ​ຊຸມ​ຄວາມ​ປອດ​ໄພ​ອາຊີ​ທີ່​ສິງກະ​ໂປ, ທ່ານ​ລາມສ໌ຟິວ ລັດຖະມົນຕີກະ​ຊວງ​ປ້ອງ​ກັນ​ປະ​ເທດ​ອາ​ເມ​ລິ​ກາ​ພັດ​ສືບ​ຕໍ່​ກ່າວ​ໂຈມ​ຕີສ.ປ.ປ.​ເກົາຫຼີດ້ວຍ​ເຈດ​ຕະນາ​ຮ້າຍ.

​ໂຄສົກ​ຜູ່​ນີ້​ໄດ້​ຕິຕຽນ​ວ່ານະ​ໂຍບາຍ​ຕໍ່ສ.ປ.ປ.​ເກົາຫຼີຂອງ​ລັດຖະບານ​ອາ​ເມ​ລິ​ກາ​ວຸ້ນ​ວາຍ​ທີ່​ສຸດ, ​ແລະ​ກ່າວ​ລື້​ມວ່າ ການ​ຟື້ນ​ຟູ​ການ​ເຈລະຈາ 6 ຝ່າຍ​ໄດ້​ຫຼືບໍ່​ແມ່ນ​ຊີ້​ຂາດ​ຢູ່​ນຳ​ອາ​ເມ​ລິ​ກາ​ຈະ​ຮັບ​ເອົາ​ຄວາມຮຽກຮ້ອງ​ຕ້ອງການຂອງ​ສ.ປ.ປ.​ເກົາຫຼີຫຼືບໍ່.