ຕາມ​ຂ່າວສານ​ຊິນ​ຮວາ: ຕອນ​ຄ່ຳ​ວັນ​ທີ 7 ມິຖຸນາ​ນີ້ ທ່ານ​ຄູບາ ​ໂຄສົກ​ລັດຖະບານ​ຂ້າມ​ຜ່ານ​ຂອງ​ອີ​ຣັກກ່າວ​ວ່າ, ​ໃນ​ສະ​ເພາະ​ໜ້າ​ນີ້ ວັນ​ເວລາ​​ໄຕ່​ສວນ​ທ່ານ​ຊັດ​ດາມ ອະດີດ​ປະ​ທາ​ນາ​ທິ​ບໍ​ດີ​ອີຣັກຍັງ​ບໍ່​ທັນ​ຕົກລົງ​ເທື່ອ, ວັນ​ເວລາ​ທີ່ລະອຽດຄວນ​ໃຫ້​ສານພິ​ເສດ​ອີຣັກມາ​ຕົກ​ລົງ.

ທ່ານ​ຄູບາ​ກ່າວ​ວ່າ, ສານພິ​ເສດຈັດ​ໃຫ້ມີ​ເຈົ້າໜ້າ​ທີ່​ຖະ​ແຫຼງຂ່າວ​ຜູ່​ໜຶ່ງ, ສານ​ຫວັງ​ວ່າ​ຂ່າວ​ກ່ຽວ​ກັບ​ການ​ໄຕ່​ສວນ​ໃຫ້​ເຈົ້າໜ້າ​ທີ່​ຖະ​ແຫຼງຂ່າວ​ປະກາດ​ໂດຍ​ກົງ. ສານພິ​ເສດ​ໄດ້​ອອກ​ຖະ​ແຫຼງ​ການ​ແລ້ວ ​ໂດຍກ່າວ​ວ່າການ​ໄຕ່​ສວນ​ທ່ານ​ຊັດ​ດາມ​ຍັງ​ບໍ່​ມີ​ການຈັດ​ວາງ​ວັນ​ເວລາ​ຢ່າງ​ລະ​ອຽດ​ເທື່ອ, ​ຜູ່​ພິພາກສາ​ຈະ​ພິຈາລະນາ​ການ​ກ່າວ​ຟ້ອງ​ພາຍຫຼັງການ​ສຳ​ຫຼວດ​ເອົາ​ຫຼັກ​ຖານ​ພິ​ຍານ​ສິ້ນ​ສຸດ​ລົງ​ແລ້ວ.