|
|
 |
| (GMT+08:00)
2005-06-08 23:10:04
|
 |
|
ຮູບເງົາໃນອະນາຄົດ
cri
Author: da
ຮູບເງົາແມ່ນຜະລິດຕະພັນວິທະຍາສາດ-ເຕັກໂນໂລຢີໃນຍຸກປະຈຸບັນ.ຄຽງຄູ່ກັບວິທະຍາສາດເຕັກນິກສູງໄດ້ພັດທະນາໄວທີ່ສຸດນັ້ນ,ກໍຍ່ອມຈະຊຸກຍູ້ໃຫ້ໂສມໜ້າຮູບເງົາມີການປ່ຽນແປງໃນດ້ານກົກຮາກ.ນັກວິທະຍາສາດເຫັນວ່າ,ພາລະກິດຮູບເງົາຈະຈ້ອງຜ່ານ 3 ໄລຍະການພັດທະນາ ຄື: ໄລຍະຮູບເງົາດັ້ງເດີມ ໄລຍະຮູບເງົາຍຸກປະຈຸບັນ ແລະໄລຍະຮູບເງົາໃນອະນາຄົດ.ຮູບເງົາດັ້ງເດີມແມ່ນໄລຍະຮູບເງົາທີ່ສາຍໃສ່ຜ້າຈໍ ລວມທັງຮູບເງົາບໍ່ມີສຽງໃນຟິມໄລຍະຕົ້ນ ແລະຮູບເງົາມີສຽງໃນຟີມແລະຮູບເງົາສີໃນໄລຍະຕໍ່ມາ,ຮູບເງົາຍຸກປະຈຸບັນແມ່ນໄລຍະທີ່ມີທັງຮູບເງົາແລະມີທັງໂທລະພາບຄົງຕົວຢູ່ນຳກັນ,ສ່ວນຮູບເງົາໃນອະນາຄົດນັ້ນແມ່ນຮຽກວ່າ"ຮູບເງົາເທສະ"ທີ່ຕ່າງກັບຮູບເງົາທຳມະດາໃນເມື່ອກ່ອນແລະໃນປະຈຸບັນ.ຮູບເງົາເທສະແມ່ນໃຊ້ເຄື່ອງພິເສດຊະນິດໜຶ່ງທີ່ເຮັດໃຫ້ສີ່ງໃນຟີມເປັນຮູບເງົາໃນມ່ານຕາຂອງຄົນໂດຍໂດຍກົງໂດຍບໍ່ຕ້ອງສາຍໃສ່ຜ້າຈໍ,ມັນເຂົ້າສູ່ສະໝອງຄົນດ້ວຍຮູບການສາມມິຕິໂດຍກົງ.ເມື່ອຮອດຍາມນັ້ນ ຄົນເຮົາກໍອາດຈະບໍ່ຕ້ອງໄປໂຮງຮູບເງົາອີກ,ມີແຕ່ໃຊ້ເຄື່ອງລີໂມດຂະໜາດນ້ອຍອັນໜຶ່ງກໍສາມາດເລືອກເບິ່ງຟີມທີ່ຢາກເບິ່ງຈາກອິນເຕີເນັດອັນມະຫຶມາຢູ່ບ່ອນໃດແລະຍາມໃດກໍໄດ້.
1 2 3
|
|
|
