ຕາມ​ຂ່າວສານ​ຊິນ​ຮວາ: ວັນ​ທີ 8 ມິຖຸນາ​ຢູ່​ທີ່​ເຊ​ອຸນ, ທ່ານ​ຢຸນກວາງ​ອຸ​ງ ລັດຖະມົນ​ຕີ​ກະ​ຊວງ​ປ້ອງ​ກັນ​ປະ​ເທດສ.​ເກົາຫຼີກ່າວ​ວ່າ, ​ເຖິງ​ວ່າ​ໄດ້​ເກີດ​ວິ​ກິດ​ການ​ນິວ​​ເຄຼຍ​ແຫຼມ​ເກົາ​ຫຼີ​ກໍ່ຕາມ, ​ແຕ່​​ໃນ​ສະ​ເພາະ​ໜ້າ​ນີ້ ອາ​ເມ​ລິ​ກາ​ບໍ່​ອາດ​ຈະ​ໂຈມ​ຕີສ.ປ.ປ.​ເກົາຫຼີທາງ​ການ​ທະ​ຫານ.

​ໃນ​ເວລາ​ກ່າວ​ຄຳ​ປາ​ໄສ​ໃນ​ລາຍການ​ວິທະຍຸ​ກະຈາຍສຽງ CBS ສ.​ເກົາຫຼີ​ໃນ​ມື້​ດຽວ​ກັນ, ທ່ານ​ຢຸນ​ກວາງ​ອຸ​ງກ່າວ​ວ່າ, ​ໃນ​ໄລຍະ​ປະຈຸ​ບັນ, ອາ​ເມ​ລິ​ກາ​ບໍ່​ອາດ​ຈະ​ໂຈມ​ຕີ​ທາງ​ການ​ທະ​ຫານ​ຫຼື​ດຳ​ເນີນ​ການ​ເຄື່ອນ​ໄຫວ​ທາງ​ການ​ທະຫານ​ແບບ​ປາບ​ຜູ່​ອື່ນ​ລົງ​ກ່ອນ​ຕໍ່ສ.ປ.ປ.​ເກົາ​ຫຼີ. ຖ້າ​ອາ​ເມ​ລິ​ກາ​ດຳ​ເນີນ​ການ​ເຄື່ອນ​ໄຫວ​ທາງ​ການ​ທະຫານ​ຢູ່​ແຫຼມ​ເກົາຫຼີ​, ຈະ​ຕ້ອງ​ປຶກ​ສາ​ຫາລື​ກັບ​ລັດຖະບານ​ສ.​ເກົາຫຼີກ່ອນ.