|
|
 |
| (GMT+08:00)
2005-06-10 16:58:43
|
 |
|
ການປຽບທຽບເນື້ອໃນລະຫວ່າງປຶ້ມປະຫວັດສາດທີ່ຈີນຍີ່ປຸ່ນແລະສ.ເກົາຫຼີຮຽບຮຽງກັບປຶ້ມຮຽນປະຫວັດສາດທີ່ຮຽບຮຽງໂດຍປີກຂວາຂອງຍີປຸ່ນ
cri
Author: li
ປຶ້ມ"ປະຫວັດສາດສະໄໝມໍ່ແລະສະໄໝປະຈຸບັນຂອງສາມປະເທດອາຊີຕາເວັນອອກ"ທີ່ນັກປາດຈີນຍີ່ປຸ່ນແລະສ.ເກົາຫຼີຮ່ວມກັນຮຽບຮຽງກັບປຶ້ມຮຽນປະຫວັດສາດປີກຂວາຂອງຍີ່ປຸ່ນໄດ້ມີການບັນລະຍາຍຕ່າງກັນຕໍ່ເຫດການສຳຄັນໃນປະຫວັດສາດຈີນແລະຍີ່ປຸ່ນ,ຕໍ່ໄປແມ່ນການປຽບທຽບຕອນສຳຄັນທີ່ແຕກຕ່າງກັນ.
1 ການສັງຫານໂຫດນານກິ່ງ
ປຶ້ມຮຽນປະຫວັດສາດທີ່ຮຽບຮຽງໂດຍປີກຂວາຂອງຍີ່ປຸ່ນ: ບໍ່ໄດ້ກ່າວເຖິງການສັງຫານໂຫດນານກິ່ງ,ມີແຕ່ຂຽນໃນໝາຍເຫດວ່າ,"ການຕັດສິນຢູ່ໂຕກຽວເທື່ອນີ້ຮັບຮອງວ່າ,ໃນເວລາທະຫານຍີ່ປຸ່ນຍຶດຄອງນານກິ່ງເມື່ອປີ 1937 ນັ້ນ ໄດ້ຂ້າປະຊາຊົນຈີນຫຼວງຫຼາຍ. ແຕ່ສະພາບຕົວຈິງກ່ຽວກັບເຫດການດັ່ງກ່າວຍັງມີຂໍ້ສົງໄສໃນດ້ານຂໍ້ມູນ,ມີຄວາມເຫັນຕ່າງກັນຫຼາຍ,ໃນຊູ່ມື້ນີ້ ຍັງຄົງແມ່ນເລື່ອງທີ່ໂຕ້ຖຽງກັນ."
ໜ້າທີ 131 ຂອງປຶ້ມ"ປະຫວັດສາດສະໄໝມໍ່ແລະສະໄໝປະຈຸບັນຂອງສາມປະເທດອາຊີຕາເວັນອອກ"ໄດ້ຂຽນຢ່າງຈະແຈ້ງວ່າ:"ໂດຍອີງຕາມການສຳຫຼວດຂອງສານທະຫານຕັດສິນອາຊະຍາກອນສົງຄາມຍີ່ປຸ່ນທີ່ນານກິ່ງຈີນໃນປີ 1946,ຮັບຮອງວ່າ,ມີ 1 ແສນ 9 ໝື່ນກວ່າຄົນຖືກທະຫານຍີ່ປຸ່ນຂ້າຕາຍເປັນຮວມໝູ່ແລະທຳລາຍສົບ,ຍັງມີ 1 ແສນ 5 ໝື່ນກວ່າຄົນຖືກຂ້າຕາຍເປັນຄົນໜຶ່ງສອງຄົນ,ສົບພວກເຂົາເຈົ້າຖືກອົງການກຸສົນນານກິ່ງຝັງ."ໃນເອກະສານຕັດສິນທີ່ໂຕກຽວເຄີຍບັນທຶກໄວ້ວ່າ,ໃນ 6 ອາທິດຕົ້ນທີ່ທະຫານຍີ່ປຸ່ນຍຶດຄອງນັ້ນ,ສາມັນຊົນແລະຊະເລີຍເສິກທີ່ຖືກຂ້າຢູ່ນານກິ່ງແລະເຂດອ້ອມແອ້ມມີ 2 ແສນຄົນຂຶ້ນໄປ."
2. ເຫດການຂົວລູໂກ
ປຶ້ມຮຽນປະຫວັດສາດທີ່ຮຽບຮຽງໂດຍປີກຂວາຍີ່ປຸ່ນ: ຕອນກາງຄືນວັນທີ 7 ກໍລະກົດປີ 1937,ຢູ່ຂົວລູໂກທີ່ຊານເມືອງປັກກິ່ງ,ທະຫານຍີ່ປຸ່ນທີ່ພວມຊ້ອມລົບໄດ້ຖືກປືນຍິງທີ່ບໍ່ຮູ້ມາຈາກໃສ. ຕອນເຊົ້າມື້ລຸນມາ,ຝ່າຍຈີນໄດ້ຍິງປືນໃສ່ເລື້ອໆ,ແລ້ວເຂົ້າສູ່ສະພາວະສົງຄາມ.
ປຶ້ມ"ປະຫວັດສາດສະໄໝມໍ່ແລະສະໄໝປະຈຸບັນຂອງສາມປະເທດອາຊີຕາເວັນອອກ": ຕອນກາງຄືນວັນທີ 7 ກໍລະກົດປີ 1937 ຢູ່ຊານເມືອງປັກກິ່ງ,ກອງທະຫານຍີ່ປຸ່ນໄດ້ກໍ່ເຫດການຂົວລູໂກ. ຍີ່ປຸ່ນໄດ້ອ້າງວ່າເຫດການນີ້ແມ່ນຍ້ອນກອງທະຫານຈີນຍິງປືນໃສ່ຢ່າງຜິດກົດໝາຍ,ແລ້ວສົ່ງກອງທະຫານງວດໃຫຍ່ເຂົ້າສູ່ຈີນເພື່ອຍຶດຄອງພາກເໜືອຂອງຈີນ.
3. ການປົກຄອງແບບລ່າເມືອງຂຶ້ນຢູ່ໄຕ້ຫວັນ
ແບບຮຽນປະຫວັດສາດທີ່ຮຽບຮຽງໂດຍປີກຂວາຍີ່ປຸ່ນ: ພາຍຫຼັງສົງຄາມລະຫວ່າງຍີ່ປຸ່ນກັບລາຊະວົງເຊັ່ງ,ໄຕ້ຫວັນໄດ້ກາຍເປັນດິນແດນຂອງຍີ່ປຸ່ນ,ຍີ່ປຸ່ນໄດ້ຕັ້ງສຳນັກຂ້າຫຼວງໃຫຍ່ໄຕ້ຫວັນ,ເພື່ອບຸກເບີກແຫ່ງດັ່ງກ່າວ. ປີ 1930 ໄດ້ໃຊ້ເວລາ 10 ປີສຳເລັດພາລະກິດອັນຍິ່ງໃຫຍ່ທີ່ມີລັກສະນະສະຕະວັດ,ທົ່ງພຽງເຈຍນານກາຍເປັນດິນດອນຕອນຫຍ້າທີ່ສີຂຽວ.
ໃນໜ້າທີ 60 ແລະໜ້າທີ 61 ຂອງປຶ້ມ"ປະຫວັດສາດສະໄໝມໍ່ແລະສະໄໝປະຈຸບັນຂອງສາມປະເທດອາຊີຕາເວັນອອກ"ໄດ້ບັນທຶກການປົກຄອງແບບລ່າເມືອງຂຶ້ນຂອງຍີ່ປຸ່ນຢູ່ໄຕ້ຫວັນຄືປາບປາມອິດທິກຳລັງຕໍ່ຕ້ານຍີ່ປຸ່ນຢ່າງບໍ່ໄວໜ້າໄວຕາ; ຂືນຮິບເອົາປ່າໄມ້ຂອງປະຊາຊົນໄຕ້ຫວັນ,ກຳນົດສ່ວຍສາອາກອນທີ່ບໍ່ສົມເຫດສົມຜົນທີ່ສຸດເພື່ອປຸ້ນສະດົມເສດຖະກິດ; ດຳເນີນການສຶກສາທີ່ຕ່າງກັນ,ຫ້າມບໍ່ໃຫ້ໃຊ້ພາສາຈີນ,ປະຕິບັດນະໂຍບາຍບັງຄັບຫັນເປັນຊົນເຜົ່າດຽວກັນ.
4,ເຫດການ 18 ກັນຍາ
ປຶ້ມຮຽນປະຫວັດສາດທີ່ຮຽບຮຽງໂດຍປີກຂວາຍີ່ປຸ່ນ: ຄຽງຄູ່ກັບພັກກົກມິນຕັງໂຮມປະເທດຈີນເປັນເອກະພາບກັນ,ຂະບວນການປັດປ່າຍຍີ່ປຸ່ນຂອງຊາວຈີນກໍໄດ້ຮຸນແຮງຂຶ້ນ,ເຫດການທີ່ທຳລາຍທາງລົດໄຟໝັນຈຸໃຕ້ແລະທຳຮ້າຍເດັກນ້ອຍຍີ່ປຸ່ນນັ້ນເກີດຂຶ້ນເລື້ອຍໆ.
ປຶ້ມ"ປະຫວັດສາດສະໄໝມໍ່ແລະສະໄໝປະຈຸບັນຂອງສາມປະເທດອາຊີຕາເວັນອອກ": ຕອນກາງຄືນວັນທີ 18 ກັນຍາປີ 1928,ທ້າວອີທາອະຄີ ເຊອີຊີໂລແລະທ້າວອີຊີຮາລະ ຄານຈີ ເສນາຊັ້ນສູງຂອງກອງທະຫານກວນຕົງໄດ້ວາງແຜນການກໍ່ເຫດການລະເບີດທາງລົດໄຟໜານໝານຢູ່ມໍ່ໜອງລິວທຽວນະຄອນເສີນຢາງ,ແລ້ວຖິ້ມໜ້າທີ່ຮັບຜິດຊອບໃຫ້ທະຫານພາກຕາເວັນອອກສຽງເໜືອຂອງຈີນ,ແລະຫຼອນໂຈມຕີກອງທະຫານຈີນປະຈຳເສີນຢາງກ່ອນ…
|
|
|
