|
|
 |
| (GMT+08:00)
2005-06-10 21:23:49
|
 |
|
ສິງກະໂປ-ບ່ອນຮ່ຳຮຽນທີ່ດີ(ສຽງ)
cri
Author: da
|
ທ່ານຜູ້ຟັງທີ່ຮັກແພງ,ປີ 2004 ລັດຖະບານສິງກະໂປຈຶ່ງເລີ່ມເຜີຍແຜ່ການສຶກສາຂອງປະເທດຕົນຢູ່ຈີນ,ທີ່ຈິງ ກ່ອນນີ້,ສິງກະໂປກໍໄດ້ມີນັກສຶກສາຈີນຕັ້ງ 1 ໝື່ນກວ່າຄົນແລ້ວ,ການສຶກສາແລະໂຮງຮຽນຂອງສິງກະໂປມີຈຸດດີຈຸດເດັ່ນຫຍັງແດ່ຈຶ່ງໄດ້ດຶງດູດນັກສຶກສາຈີນໄປຮຽນຫຼາຍປານນີ້?ຕໍ່ໄປ ນັກຂ່າວຈະພາທ່ານໄປຊອກຮູ້ຢູ່ສິງກະໂປ.
ໃນເວລາໄປທັດສະນະສຶກສາໂຮງຮຽນມັດທະຍົມຊາວຈີນຕ່າງດ້າວສິງກະໂປແລະໂຮງຮຽນອື່ນໆນັ້ນ ນັກຂ່າວໄດ້ປະກົດເຫັນວ່າ,ໂຮງຮຽນປະຖົມແລະມັດທະຍົມສິງກະໂປໄດ້ມີໂຮງຮຽນຈຸດໜັກ,ໃນໂຮງຮຽນຍັງມີຫ້ອງຮຽນຈຸດໜັກ,ມັດທະຍົມປາຍເຂົ້າມະຫາວິທະຍາໄລຕ້ອງມີການສອບເສັງ,ເປັນແບບສະບັບແລະເຄັ່ງຄັດທີ່ສຸດ.
ນອກນີ້,ຫຼັກສູດທີ່ຕ້ອງຮຽນຂອງນັກຮຽນວິຊາປະຖົມແລະມັດທະຍົມຂອງສິງກະໂປຍັງລວມທັງຫຼາຍວິຊາເຊັ່ນ ປີນຜາ ຫາທາງຢູ່ລອດຢູ່ໃນປ່າ ຈົນກະທັ້ງການໄຕ່ເຊືອກຢູ່ກາງຫາວເປັນຕົ້ນ,ເພື່ອເຝິກຝົນນ້ຳໃຈຂອງພວກເຂົາເຈົ້າ.
ທ້າວເສີນຄວ່ນທີ່ມາຈາກເມືອງເຊີນເຈີ້ນແຂວງກວາງຕຸ້ງແມ່ນນັກຮຽນມັດທະຍົມປີທີ 4 ,ນ້ອງເວົ້າວ່າ,ໃນມື້ທຳມະດາ ຂຸ້ນນຳການຮຽນຫຼາຍ,ແຕ່ໃນຍາມພັກຫຼາຍມື້ສອງເທື່ອໃນປີໜຶ່ງພັດໜ້ອຍທີ່ສຸດທີ່ຈະມີການບ້ານ.ພ້ອມກັນນັ້ນ ນັກຮຽນທຸກຄົນຢ່າງໜ້ອຍຕ້ອງເຂົ້າຮ່ວມການເຄື່ອນໄຫວນອກໂມງຮຽນລາຍໜຶ່ງ,ຈະແມ່ນບານບ້ວງ ບານເຕະຫຼືກອງດົນຕີເຄື່ອງເປົ່າກໍໄດ້.ແຕ່ລະອາທິດມີເວລາເຝິກແອບອັນແນ່ນອນ,ມີອາຈານສອນສະເພາະ,ມີການແຂ່ງຂັນແລະການສະແດງໃນທົ່ວປະເທດເປັນຕົ້ນ.ໃນໂຮງຮຽນຍັງມີການຄົ້ນຄວ້າຫົວຂໍ້ສະເພາະ ເຊິ່ງເປັນໂຄງການສຶກສາທີ່ມີຄວາມໝາຍທີ່ສຸດໃນໝົດປີ,ນັກຮຽນຈະປະກອບເປັນໜ່ວຍຄົ້ນຄວ້າວັດທະນະທຳຢ່າງໜຶ່ງ,ຫຼືປະດິດສ້າງເຄື່ອງເລັກໆນ້ອຍໆ,ຈົນກະທັ້ງແຕ່ງລະຄອນຮ້ອງເອົາເອງກໍໄດ້.ທາງໂຮງຮຽນແຕ່ງອາຈານຊີ້ນຳ,ບາງຄົນຍັງອາດຈະໄດ້ຮັບການຊີ້ນຳຈາກສາດສະດາຈານອາວຸດໂສຂອງມະຫາວິທະຍາໄລແຫ່ງຊາດສິງກະໂປຫຼືມະຫາວິທະຍາໄລວິທະຍາສາດການຊ່າງ.ຕະຫຼອດການຄົ້ນຄວ້າເປັນແບບວິຊາສະເພາະທີ່ສຸດ.
ສິງກະໂປບໍ່ຈຳກັດອາຍຸຂອງນັກສຶກສາທີ່ໄປຮຽນ,ນັກສຶກສາຕ່າງປະເທດທີ່ອາຍຸບໍ່ເຖິງກະສຽນທາງລັດຖະບານສິງກະໂປຍັງອະນຸຍາດໃຫ້ພໍ່ແມ່ມາຢູ່ນຳເພື່ອເບິ່ງແຍງ.
ເຈົ້າໜ້າທີ່ກົມສຶກສາຂອງສິງກະໂປເວົ້າວ່າ,ໂຮງຮຽນປະຖົມແລະມັດທະຍົມຂອງສິງກະໂປ,ທົ່ວໄປແລ້ວ ແມ່ນຮຽນພາສາຮ້ານແລະພາສາອັງກິດໄປພ້ອມກັນ.ໂຮງຮຽນສ່ວນຫຼາຍແມ່ນໂຮງຮຽນຫຼວງ,ແຕ່ຈົງບ່ອນໃຫ້ນັກຮຽນຕ່າງປະເທດ,ທຳມະດາບໍ່ໃຫ້ລື່ນກາຍ 20%.ນອກນີ້ ນັກສຶກສາຕ່າງປະເທດ ສອງປີໃດຍັງຕ້ອງບໍລິຈາກເງິນໃຫ້ໂຮງຮຽນເທື່ອໜຶ່ງ.ເພື່ອສະໜອງຄວາມສະດວກແກ່ນັກສຶກສານອກຕື່ມອີກ,ລັດຖະບານສິງກະໂປຍັງຈັດການສອບເສັງຄຸນວຸດທິເຂົ້າຮຽນໂຮງຮຽນປະຖົມແລະມັດທະຍົມທີ່ລັດຖະບານສະເໜີໃນທົ່ວໂລກ,ການສອບເສັງປະເພດນີ້ ສາມເດືອນຈັດຂຶ້ນເທື່ອໜຶ່ງ.
ໂຮງຮຽນຊັ້ນສູງຂອງສິງກະໂປມີແຕ່ 3 ຫຼັງຄືມະຫາວິທະຍາໄລແຫ່ງຊາດສິງກະໂປ ມະຫາວິທະຍາໄລວິທະຍາສາດການຊ່າງນານຢາງແລະມະຫາວິທະຍາໄລວິຊາຄຸ້ມຄອງສິງກະໂປ,ສາມາດແຈກປະກາດສະນີຍະບັດແຕ່ຊັ້ນປະລິນຍາຕີ ປະລີນຍາໂທແລະປະລີນຍາເອກ,ລະດັບວິຊາສະເພາະຂອງວິທະຍາສາດການຄ້າມະຫາວິທະຍາໄລແຫ່ງຊາດແລະມະຫາວິທະຍາໄລວິທະຍາສາດການຊ່າງນານຢາງລ້ວນແຕ່ຢູ່ໃນຖັນແຖວແຕ່ທີໜຶ່ງຫາທີ 10 ໃນອາຊີ.
ນາງອູສ້ຽວຟ່ານ ນັກສຶກສາວິທະຍາຄານການຄ້າເວົ້າວ່າ,ວິທີການສອນຂອງອາຈານວິທະຍາຄານການຄ້າມະຫາວິທະຍາໄລສິງກະໂປແມ່ນຕ່າງກັບເຂດໃນຈີນ,ເຊັ່ນ ອາຈານສົ່ງເສີມແລະເອົາໃຈໃສ່ທີ່ສຸດນຳການປະກອບຄຳຄິດຄຳເຫັນໃນຫ້ອງຮຽນ,ຄະແນນນີ້ຈະກວມ 10 ເຖິງ 30% ໃນຄະແນນສຸດທ້າຍ.
ກ່ຽວກັບຄ່າຮຽນຂອງນັກສຶກສາຢູ່ສິງກະໂປ,ແມ່ນບໍ່ຖືກ,ຖ້າວ່າຮຽນຢູ່ມະຫາວິທະຍາໄລ,ຄ່າຮຽນແລະຄ່າກິນຄ່າຢູ່ໝົດປີໜຶ່ງກໍຕ້ອງ 1 ແສນຢວນເງິນຈີນຂຶ້ນໄປ,ຖ້າຮຽນ MBA ຫຼື EM, ກໍຕ້ອງ 1 ແສນ 5 ໝື່ນຢວນ.
ຕາມເຈົ້າໜ້າທີ່ທີ່ກ່ຽວຂ້ອງຂອງກົມສຶກສາສິງກະໂປເວົ້າວ່າ,ເຖິງວ່າຄ່າຮຽນຂອງນັກສຶກສາຢູ່ສິງກະໂປແພງຫຼາຍ,ແຕ່ນັກສຶກສາຮ້ອງຂໍແຜນການອຸດໜູນທາງເສດຖະກິດຊະນິດຕ່າງໆເຊັ່ນ ທຶນລາງວັນສຶກສາ ຄ່າຊ່ອຍຄ່າຮຽນແລະເງິນກູ້ຢືມຄ່າຮຽນເປັນຕົ້ນ. ໃນເວລາແລກປ່ຽນກັບນັກສຶກສາ MBA ຢູ່ມະຫາວິທະຍາໄລວິທະຍາສາດການຊ່າງນານຢາງສິງກະໂປ,ນັກຂ່າວໄດ້ຮູ້ວ່າ,ກູ້ເງິນຄ່າຮຽນຢູ່ແຫ່ງນີ້ ຢືມໄດ້ຮອດ 75% ຂອງຍອດຈຳນວນຄ່າຮຽນໝົດປີ,ລັດຖະບານສິງກະໂປຍັງໄດ້ຈົ່ງທຶນສຶກສາຈຳນວນຫຼວງຫຼາຍໃຫ້ນັກສຶກສາຕ່າງປະເທດ,ປີໜຶ່ງມີນັກສຶກສາປະມານ 500-600 ຄົນໄດ້ຮັບທຶນລາງວັນການສຶກສາລາຍນີ້,ເມື່ອໄດ້ເງິນກ້ອນນີ້ແລ້ວ ຄ່າຮຽນ ຄ່າຄອງຊີບແລະຄ່າປີ່ນປົວກໍມີຄົບໝົດ.
ກ່ຽວກັບບັນຫາການສຶກສາຂອງສິງກະໂປ,ທ່ານເຈີນຊື້ເຊີ່ງ ລັດຖະມົນຕີວຽກງານການເມືອງຂອງກະຊວງສຶກສາທິການຂອງສິງກະໂປເວົ້າວ່າ,ໃນຖານເປັນປະເທດເກາະດອນທີ່ຂາດເຂີນຊັບພະຍາກອນ,ການລົງທຶນເຂົ້າໃນດ້ານການສຶກສາຂອງສິງກະໂປກວມມາດຕາ GDP ພຽງແຕ່ຕ່ຳກວ່າການປ້ອງກັນປະເທດ.ລັດຖະບານສິງກະໂປບໍ່ເສຍດາຍລົງທຶນຫຼວງຫຼາຍ ຊອກຫາຜູ້ມີຄວາມຮູ້ຄວາມສາມາດທີ່ດີເດັ່ນໃນອາຍຸຕ່າງກັນຈາກແຫ່ງຕ່າງໆ,ບໍ່ວ່າແມ່ນຜູ້ເກັ່ງກ້າສາມາດຂອງປະເທດຕົນຫຼືມາຈາກຕ່າງປະເທດ ກໍຈະສະໜອງເງື່ອນໄຂທາງວັດຖຸທີ່ດີສົມຄວນໃຫ້,ໂດຍສະເພາະແມ່ນ ການອົບຮົມຜູ້ມີຄວາມຮູ້ຄວາມສາມາດດ້ານຄົ້ນຄວ້າວິທະຍາສາດຊັ້ນສູງ ກໍແຮ່ງເຂັ້ມງວດແລະຕັ້ງອົກຕັ້ງໃຈ.
|
|
|
