|
|
 |
| (GMT+08:00)
2005-06-13 21:12:31
|
 |
|
ສະເໜີແຜ່ນCDໃໝ່ຂອງທ່ານລີຈ້ຽນທີ່ໃຫ້ຊື່ວ່າ"ມາເພື່ອເຈົ້າ"(ສຽງ)
cri
Author: mo
|
ທ່ານລີຈ້ຽນ ນັກຮ້ອງຈີນຮຽນຈົບຈາກຂະແໜງວິຊາກິດຈະການເອເລັກໂຕຼນິກມະຫາວິທະຍາໄລຊິງຮວາຂອງຈີນ, ປີ 2001, ທ່ານລີຈ້ຽນກັບທ່ານລູເກິ່ງສູ ໝູ່ຮຽນຂອງທ່ານທີ່ມັກດົນຕີ ໄດ້ຈັດຕັ້ງເປັນຄະນະດົນຕີ"Shuimunianhua", ຮ່ວມກັນແຕ່ງແລະອັດເພງ" Yishengyouni" ໃນຊາດນີ້ໄດ້ມີເຈົ້າ, ແລະເພງ"Zaitaxiang" ຢູ່ບ້ານເພີ່ນເມືອງທ່ານ ເຊິ່ງເປັນເພງທີ່ນິຍົມກັນຫລາຍ. 1 ປີຫລັງ, ທ່ານລີຈ້ຽນໄດ້ອອກຈາກຄະນະດົນຕີ"Shuimunianhua", ແລ້ວຕັ້ງໃຈແຕ່ງເພງ. ປີ 2004, ທ່ານໄດ້ອັດຈຳໜ່າຍແຜ່ນ CD ສ່ວນຕົວແຜ່ນທຳອິດທີ່ໃຫ້ຊື່ວ່າ: Sishuiliunian "ເວລາຜ່ານໄປປານນ້ຳໄຫຼ" ໄດ້ຮັບຄວາມນິຍົມຈາກແຟນເພງທັງຫລາຍ. ຕໍ່ໄປ, ເຊີນຟັງເພງທີ່ມີຊື່ດຽວກັນໃນແຜ່ນCD" Sishuiliunian".
ຕໍ່ໄປ, ເຊີນຟັງເພງ"Xiangwang" "ຝັກໃຝ່ຫາ" ຂັບຮ້ອງໂດຍທ່ານລີຈ້ຽນ. ເນື້ອຮ້ອງແລະທຳນອງຂອງເພງນີ້ກໍແມ່ນທ່ານລີຈ້ຽນເປັນຜູ້ແຕ່ງ. ໄດ້ສະແດງໃຫ້ເຫັນຄວາມປາຖະໜາຕໍ່ອະນາຄົດຂອງຜູ້ແຕ່ງເພງ. ເນື້ອເພງມີຄວາມໝາຍວ່າ: ຂ້ອຍຮູ້ວ່າ ບໍ່ແມ່ນນົກທຸກໂຕຈະປີນສູງໄດ້, ເມື່ອລະດູຮ້ອນຜ່ານໄປ, ຍັງມີດອກໄມ້ທີ່ບໍ່ເຄີຍບານເທື່ອ. ຢາກໃຫ້ເຈົ້າຢູ່ຄຽງຂ້າງເດ, ຊະຕາກຳປ່ຽນແປງບໍ່ມີສິ່ງແນ່ນອນ, ສຳນຶກຮູ້ກຳລັງທົນທານຢ່າງມິດງຽບ. ເມື່ອລົມລະດູບານໃໝ່ພັດກາຍໄປ, ຍັງຮູ້ສຶກໜາວຢູ່, ແຕ່ບໍ່ສາມາດຕ້ານທານຄວາມອົບອຸ່ນທີ່ຝັກໃຝ່ຫາ.
ທີ່ຟັງມານັ້ນແມ່ນເພງ "Xiangwang" "ຝັກໃຝ່ຫາ" ຂັບຮ້ອງໂດຍທ່ານລີຈ້ຽນ.
ເດືອນມິນາປີ 2005, ທ່ານລີຈ້ຽນໄດ້ອັດຈຳໜ່າຍແຜ່ນCDສ່ວນຕົວແຜ່ນທີສອງທີ່ໃຫ້ຊື່ວ່າ"Weinierlai" ມາເພື່ອເຈົ້າ, ໃນCDແຜ່ນນີ້, ທ່ານລີຈ້ຽນໄດ້ເປັນຜູ້ຜະລິດ, ທັງແຕ່ງເນື້ອເພງແລະນົດເພງໃຫ້ 10 ເພງທັງໝົດໃນ CDແຜ່ນນີ້, ພ້ອມກັນນັ້ນ, ທ່ານຍັງທົດລອງໃຊ້ດົນຕີເອເລັກໂຕຼນິກເປັນຕົ້ນ, ເພີ່ມສິສັນໃໝ່ໃຫ້ແກ່ CDແຜ່ນນີ້.
ຕໍ່ໄປເຊີນຟັງເພງ "Weinierlai" ມາເພື່ອເຈົ້າ, ໃນເພງນີ້ໄດ້ສະແດງໃຫ້ເຫັນຄວາມເຂົ້າໃຈຕໍ່ຊີວິດ, ແລະອຸດົມການຂອງຜູ້ທີ່ຕັ້ງອົກຕັ້ງໃຈສະແຫວງຫາຄວາມຝັກໃຝ່.
ເນື້ອເພງມີຄວາມໝາຍວ່າ: ຂ້ອຍສະແຫວງຫາຢ່າງບໍ່ຢຸດຢ່ອນ, ອຸດົມການມາບແມບ, ເພື່ອຊີວິດ, ຂ້ອຍບໍ່ມີເວລາເຊົາເມື່ອຍ. ໃຕ້ແສງຕາເວັນ, ໂລກນີ້ງາມສົດໃສ, ຈະໃຫ້ຂ້ອຍຕາງຕິບບໍ່ເຫັນໄດ້ແນວໃດ. ຂ້ອຍຕັ້ງມາເພື່ອເຈົ້າ, ຂ້ອຍບໍ່ຢ້ານຂື້ນພູປິນຜາ. ຄວາມຮັກສຸດໃຈທີ່ເຈົ້າໃຫ້ຂ້ອຍ ເໝືອນດອກໄມ້ເບັ່ງບານຕະຫລອດໄປ, ນີ້ກໍແມ່ນສິ່ງຍອດຍິ່ງໃນຊົ່ວຊີວິດຂອງຂ້ອຍ.
ທີ່ຟັງມານັ້ນແມ່ນເພງ"Weinierlai" ມາເພື່ອເຈົ້າ. ເພງເອກໃນແຜ່ນCDໃໝ່ຂອງທ່ານລີຈ້ຽນ. ຕໍ່ໄປ, ພວກເຮົາມາຟັງເພງອີກເພງໜຶ່ງຂອງທ່ານລີຈ້ຽນ, ຄືເພງ"Mingtianhaihuizailushang" ມື້ອື່ນຍັງຈະເດີນທາງ.
ເນື້ອເພງມີຄວາມໝາຍວ່າ: ເມື່ອຂ້ອຍບີນຕ້ານລົມຜູ້ດ່ຽວ, ກໍເປັນຫ່ວງວ່າ, ຕົນຈະຫຼົງທາງ. ມື້ອື່ນຂ້ອຍຍັງຈະເດີນທາງ, ແຕ່ດຽວນີ້ຂ້ອຍຍັງງົງ, ຕົວເມືອງທີ່ບໍ່ງ່ວມເຫງົາ ຄົນສັນຈອນໄປຫາບໍ່ຂາດ.
ທີ່ຟັງມານັ້ນແມ່ນເພງ"Mingtianhaihuizailushang" ມື້ອື່ນຍັງຈະເດີນທາງ ຂັບຮ້ອງໂດຍທ່ານລີຈ້ຽນ.
ຕໍ່ໄປເຊີນຟັງຢູ່ນີ້ແມ່ນເພງ"Fuqin" ພໍ່, ນີ້ແມ່ນເພງທີ່ທ່ານລີຈ້ຽນແຕ່ງເພື່ອພໍ່ຂອງທ່ານ. ແລະກໍແມ່ນເພງໜຶ່ງທີ່ທ່ານມັກທີ່ສຸດໃນ CDແຜ່ນໃໝ່ແຜ່ນນີ້. ໃນເພງ, ທ່ານລີຈ້ຽນໄດ້ບັນລະຍາຍການພົວພັນພໍ່ກັບລູກດ້ວຍສາຍຕາອີກຢ່າງໜຶ່ງ, ທ່ານໃຊ້ຄວາມເວົ້າທຳມະດາ, ບໍ່ພຽງແຕ່ໄດ້ສະແດງຄວາມຮັກແລະຄວາມເຄົາລົບຕໍ່ພໍ່, ຍັງໄດ້ສະແດງຄວາມຂໍອະໄພໂທດໃນໃຈຕໍ່ພໍ່ຂອງທ່ານ. ເນື້ອເພງມີຢູ່ວ່າ"ພໍ່ພູມໃຈນຳລູກ, ແຕ່ລູກບບໍ່ເຄີຍຮູ້ສຶກພູມໃຈຍ້ອນພໍ່ຈັກເທື່ອ, ພໍ່ໃຈກວ້າງຂວາງປານນີ້, ລູກແຮ່ງລະອາຍໃຈຕະຫລອດຊີວິດ.
ທີ່ຟັງມານັ້ນແມ່ນເພງ"Fuqin" ພໍ່, ຂັບຮ້ອງໂດຍທ່ານລີຈ້ຽນ.
ມ້ວນທ້າຍລາຍການມື້ນີ້, ພວກເຮົາມາຟັງເພງ"Nixiangcongqianyiyang" ແປວ່າ"ເຈົ້າຄືກັນກັບເມື່ອກ່ອນ". ນີ້ແມ່ນເພງຮັກຈັງຫວະຊ້າ, ທຳນອງອອນຊອນອ່ອນໂຍນ, ບວກກັບການຂັບຮ້ອງທີ່ບໍ່ຟ້າວບໍ່ຝັ່ງປານລົມເຢັນຝົນຝອຍໂຮຍຮຳ, ເຮັດໃຫ້ຄົນກະຕຸ້ນໃຈໂດຍບໍ່ຮູ້ສຶກຕົວ. ເຊີນຟັງໄດ້ເລີຍ. "Nixiangcongqianyiyang" "ເຈົ້າຄືກັນກັບເມື່ອກ່ອນ".
|
|
|
