|
ລັດຖະບານຈີນຄັດຄ້ານພະດາໄລລາມາໄປດຳເນີນການເຄື່ອນໄຫວການເມືອງຢູ່ປະເທດໃດໆດ້ວຍຂໍ້ອ້າງໃດໆ
cri
Author: MO
ຕາມຂ່າວCRI: ວັນທີ 14 ມິຖຸນາ, ໃນງານຖະແຫລງຂ່າວທີ່ຈັດຂຶ້ນຢູ່ປັກກິ່ງ, ທ່ານລິວຈ້ຽນຊາວ ໂຄສົກກະຊວງການຕ່າງປະເທດຈີນກ່າວວ່າ, ແຕ່ໃດມາ, ລັດຖະບານກາງຈີນກໍຄັດຄ້ານພະດາໄລລາມາໄປດຳເນີນການເຄື່ອນໄຫວການເມືອງຢູ່ປະເທດໃດໆດ້ວຍຂໍ້ອ້າງໃດໆ.
ໃນເວລາຕອບຄຳຖາມຂອງນັກຂ່າວກ່ຽວກັບພະດາໄລລາມາຢ້ຽມຢາມຊູແອັດໃນຫວ່າງມໍ່ໆນີ້, ທ່ານລິວຈ້ຽນຊາວກ່າວວ່າ, ພະດາໄລລາມາແມ່ນຜູ້ພັດຖິ່ນການເມືອງທີ່ຄຸມເສື້ອສາສະໜາແລ້ວດຳເນີນການເຄື່ອນໄຫວແບ່ງແຍກປະເທດຈີນແລະທຳລາຍຄວາມສາມັກຄີຊາດ. ປະຕູສົນທະນາກັບພະດາໄລລາມາຂອງລັດຖະບານກາງຈີນແມ່ນເປີດຢູ່ຕະຫລອດ, ແຕ່ເງື່ອນໄຂແມ່ນພະດາໄລລາມາຕ້ອງເຊົາທຸກການເຄື່ອນໄຫວແບ່ງແຍກປະເທດຊາດ. ຝ່າຍຈີນກໍເຕືອນໃຫ້ປະເທດທີ່ກ່ຽວຂ້ອງເຄົາລົບຄຳໝັ້ນສັນຍາທີ່ຍຶດໝັ້ນນະໂຍບາຍຈີນດຽວ, ຄັດຄ້ານການແຍກຕິເບດເປັນເອກະລາດ, ຊຳລະບັນຫາທີ່ກ່ຽວຂ້ອງຢ່າງເໝາະສົມ, ເພື່ອບໍ່ກະທົບເຖິງການພົວພັນລະຫວ່າງສອງຝ່າຍ.
|
|
