|
|
 |
| (GMT+08:00)
2005-06-15 16:44:24
|
 |
|
ເວລາໄປຢ້ຽມຄົນປ່ວຍຄວນຊື້ຫຍັງໄປຕ້ອນຈຶ່ງຈະເໝາະ?
cri
Author: huachunmei
ໃນຊີວິດປະຈຳວັນ, ຄົນເຮົາກໍມັກຈະໄປຢາມຍາດມິດຜູ່ທີ່ພວມເຈັບເປັນນັ້ນສະເໝີ, ແລະກໍມັກຊື້ເຄື່ອງກິນຢ່າງໃດຢ່າງໜຶ່ງໄປຕ້ອນນຳ. ທ່ານກໍໄດ້ສັງເກດແດ່ບໍ່ວ່າ, ສຳລັບຄົນເຈັບທີ່ເປັນພະຍາດຕ່າງກັນ, ກໍຕ້ອງເລືອດຊື້ເຄື່ອງກິນແນວຕ່າງກັນໄປຕ້ອນ, ຢູ່ໃນນີ້, ມັນກໍມີຄວາມຮູ້ບາງອັນທີ່ເປັນໜ້າສົນໃຈຄືກັນ.
ຕົວຢ່າງຄື, ຖ້າທ່ານຈະໄປຢາມຜູ່ທີ່ຖືຄີງໄຂ່ແຮງຢູ່ນັ້ນ, ທ່ານກໍຄວນຊື້ໝາກໄມ້ແນວແກ້ຮ້ອນໃນກິນແລ້ວຊຸ່ມປາກຊຸ່ມຄໍ, ເຊັ່ນ, ໝາກໂມ ໝາກຈອງ ຮາກບົວສົດ ໝາກກ້ຽງຫຼືນ້ຳໝາກກ້ຽງແລະໝາກໄມ້ກະປ່ອງກໍໄດ້, ເພາະວ່າ, ຜູ່ຖືຄີງໄຂ້ນັ້ນອອກເຫື່ອຫຼາຍ, ຈຶ່ງມັກຫິວນ້ຳແລະຂັບຖ່າຍທາດກາລີອອກຫຼາຍ, ໝາກໂມ ໝາກກ້ຽງແລະໝາກຈອງພັດເປັນໝາກໄມ້ທີ່ມີທາດກາລີຫຼາຍ ກິນແລ້ວກໍຈະຕາບຕື່ມສ່ວນທີ່ຂັບຖ່າຍອອກຈາກຮ່າງກາຍນັ້ນໄດ້.
ຖ້າທ່ານໄປຢາມຜູ່ລົງທ້ອງກໍຢ່າສູ່ຊື້ໝາກກ້ຽງແລະໝາກຈອງໄປຕ້ອນເພາະມັນຈະພາໃຫ້ທ້ອງຊຸແຮງຕື່ມ. ດີທີ່ສຸດແມ່ນຊື້ໝາກໂປມ ໝາກພິລາແລະອື່ນໆ, ເພາະວ່າ, ໝາກໄມ້ປະເພດນີ້, ມັນແກ້ທ້ອງໄດ້ດີ, ສຳລັບຜູ່ລົງທ້ອງບໍ່ຕຸດງ່າຍນັ້ນຕ້ອງຊື້ໄນໝາກບົວ ແປ້ງຮາກບົດທີ່ບຳລຸງມ້ານ, ຫຼືຊື້ນົມຝຸນແລະເຂົ້າໜົມບິສກຸຍໂຊດາໄປຕ້ອນກໍໄດ້.
ຖ້າໄປຢາມຄົນປ່ວຍທີ່ທ້ອງຜູກຫຼືເປັນສະດວງທວານໜັກ, ໃຫ້ຊື້ນ້ຳເຜິ້ງແລະໝາກກ້ວຍທີ່ກິນແລ້ວເຮັດໃຫ້ຖ່າຍສະດວກນັ້ນໄປຕ້ອນ.
ສຳລັບຄົນປ່ວຍເລືອດດັນສູງ ສາຍເລືອດແດງແຂງແລະຜູ່ເປັນໂລກຫົວໃຈ, ກໍຄວນຊື້ໝາກກ້ຽງນ້ຳເຜິ້ງ ໝາກແຫ້ວ ໝາກໂມ ໝາກໂປມ ເຫັດຫູໜູຂາວເປັນຕົ້ນ. ເພາະວ່າ, ເຄື່ອງກິນເຫຼົ່ານີ້ມີວິດຕາມິນເຊແລະເອີຫຼາຍ, ສາມາດເຮັດໃຫ້ເລືອດດັນຕ່ຳລົງ, ແລະເຮັດໃຫ້ອາການສາຍເລືອດແຂງນັ້ນທຸເລົາລົງ.
ເມື່ອໄປຢາມຄົນປ່ວຍທີ່ເປັນພະຍາດດັບອັກເສບ, ດີທີ່ສຸດແມ່ນຊື້ເຄື່ອງກິນຫຼືເຄື່ອງດື່ມທີ່ມີນ້ຳຕານຫຼາຍ, ມີທາດໂປຼຕິນຫຼາຍແລະມີວິດຕະມິນຫຼາຍ, ເຊັ່ນ: ໝາກໄມ້ ປາ ຊີ້ນລ້ວນໆ ແປ້ງນົມ ນ້ຳເຜິ້ງ ນ້ຳໝາກໄມ້ແລະອື່ນໆ.
ສຳລັບຜູ່ເປັນພະຍາດຫຼອດບີ, ບໍ່ຄວນຊື້ຂອງຈືນແລະຂອງທີ່ມີທາດໄຂມັນຫຼາຍໄປຕ້ອນ, ຄວນຊື້ນ້ຳນົມ ນ້ຳເຕົາຮູ້ ໝາກໂມແລະໝາກໄມ້ອື່ນໆ.
ໃນເວລາໄປຢາມຜູ່ຜ່າຕັດແລະກະດູກຫັກນັ້ນ, ທ່ານຄວນຊື້ເຄື່ອງກິນທີ່ມີວິດຕາມິນຫຼາຍ, ມີທາດການຊີອົມແລະທາດໂປຼຕິນຫຼາຍໄປຕ້ອນເພິ່ນ, ເຊັ່ນ: ປາ ຊີ້ນໄກ່ ໄຂ່ ນົມຝຸ່ນ ດູກຂ້າງ ປາກະປ໋ອງແລະໝາກໄມ້ໄປຕ້ອນ.
ໄປຢາມຜູ່ຖືກໄຟໄໝ້ ນ້ຳຮ້ອນລວກຕ້ອງຊື້ເຄື່ອງກິນທີ່ແກ້ຮ້ອນໃນແລະແກ້ພິດ, ເຊັ່ນ: ໝາກໂມ ໝາກຈອງ ຮາກບົວ, ດີທີ່ສຸດແມ່ນໝາກກ້ຽງໝາກພຸກ.
ສຳລັບໄປຕ້ອນຜູ່ເປັນພະຍາດມະເຮັງ, ທ່ານກໍເລືອດຊື້ ໂສມ ໝາກເດືອຍ ນົມຝຸ່ນ ໝາກໄມ້ ໂອວັນຕິນ ເຫັດຫູໜູເປັນຕົ້ນ.
ຖ້າໄປຢາມແມ່ລູກອ່ອນ, ຄົນຈີນມັກຊື້ເຄື່ອງກິນປະເພດ ໄຂ່ໄກ່ ໄກ່ ປາ ກຸ້ງແລະອື່ນໆ, ບາງຄົນກໍຊື້ຕັບໝູແລະໝາກລຳໃຍແຫ້ງໄປຕ້ອນ. ເພາະສອງຢ່າງນີ້ເປັນຂອງກິນບຳລຸງເລືອດ.
|
|
|
