|
|
 |
| (GMT+08:00)
2005-06-15 18:06:50
|
 |
|
ຈີນເຂົ້າຮ່ວມພາລະກິດບຳບັດຄວາມທຸກຍາກຂອງໂລກ(ສຽງ)
cri
Author: MO
|
ຫວ່າງມໍ່ໆນີ້, ຈີນໄດ້ຢ່ວງບາດກ້າວໃໝ່ອີກໃນການເຂົ້າຮ່ວມພາລະກິດບຳບັດຄວາມທຸກຍາກຂອງໂລກ, ສ້າງສູນບຳບັດຄວາມທຸກຍາກສາກົນຈີນເພື່ອເປັນແທ່ນໃຫ້ປະຊາຄົມໂລກແລກປ່ຽນບົດຮຽນບຳບັດຄວາມທຸກຍາກນຳກັນ. ເຈົ້າໜ້າທີ່ຈີນຖືການສ້າງສູນດັ່ງກ່າວນີ້ເປັນການກະທຳຕົວຈິງອີກອັນໜຶ່ງຂອງຈີນໃນການເຂົ້າຮ່ວມພາລະກິດບຳບັດຄວາມທຸກຍາກຂອງໂລກ.
ຈີນແມ່ນປະເທດພວມພັດທະນາທີ່ມີປະຊາກອນຫລວງຫລາຍ, ແລະກໍແມ່ນຜູ້ພຶດຕິກຳສຳຄັນຂອງພາລະກິດບຳບັດຄວາມທຸກຍາກຂອງໂລກ. ແຕ່ຊຸມປີ 80 ສະຕະວັດທີ 20 ເປັນຕົ້ນມາ, ລັດຖະບານຈີນໄດ້ປະຕິບັດແຜນການບຳບັດຄວາມທຸກຍາກລາຍຈຳເພາະ, ໄດ້ແກ້ໄຂບັນຫາກິນອີ່ມນຸ່ງອຸ່ນຂອງຊາວນາຜູ້ທຸກຍາກ 200 ລ້ານຄົນ. ໃນຂະບວນການດັ່ງກ່າວ, ຈີນໄດ້ຮັບການສະໜັບສະໜູນຈາກອົງການຈັດຕັ້ງສາກົນ ແລະອົງການທີ່ບໍ່ແມ່ນລັດຖະບານ ເຊັ່ນທະນາຄານໂລກເປັນຕົ້ນ.
ຈີນຍິນດີຜ່ານການເຂົ້າຮ່ວມພາລະກິດບຳບັດຄວາມທຸກຍາກຂອງໂລກຢ່າງຕັ້ງໜ້າເພື່ອຕອບແທນການຊ່ອຍເຫຼືອຂອງປະຊາຄົມໂລກທີ່ມີຕໍ່ພາລະກິດບຳບັດຄວາມທຸກຍາກຂອງຈີນໃນຫລາຍປີມານີ້. ລັດຖະບານຈີນບໍ່ພຽງແຕ່ໃຫ້ຄຳໝັ້ນສັນຍາວ່າ, ພະຍາຍາມຊຸກຍູ້ການຮ່ວມມືໃຕ້ໆ, ໃນຂອບເຂດຄວາມສາມາດຂອງຕົນ, ຈະຄ່ອຍໆເພີ່ມຄວາມຊ່ອຍເຫຼືອການພັດທະນາແກ່ປະເທດທີ່ທຸກຍາກ, ເພີ່ມການໄປມາຫາສູ່ກັນດ້ານການຄ້າແລະການລົງທຶນກັບປະເທດພວມພັດທະນາ, ຈີນຍັງຍິນດີສະໜອງການຊ່ອຍເຫຼືອທີ່ບໍ່ເຫັນແກ່ຕົວໃຫ້ພາລະກິດບຳບັດຄວາມທຸກຍາກຂອງໂລກ. ນອກນີ້, ຫ້ອງການໜ່ວຍນຳພາການບຳບັດຄວາມທຸກຍາກຂອງລັດຖະບານຈີນແລະກະຊວງການຄ້າຈີນຍັງພ້ອມກັນກັບອົງການUNDPສະຫະປະຊາຊາດລິເລີ່ມສ້າງສູນບຳບັດຄວາມທຸກຍາກສາກົນຈີນໃນຫວ່າງມໍ່ໆນີ້.
ທ່ານລິວຈຽນ ຫົວໜ້າຫ້ອງການໜ່ວຍນຳພາບຳບັດຄວາມທຸກຍາກແລະການພັດທະນາຂອງລັດຖະບານຈີນກ່າວວ່າ:
ການສ້າງສູນສຳເລັດຈະເປັນແທ່ນສຳຄັນທີ່ຄົ້ນຄວ້າທິດສະດີບຳບັດຄວາມທຸກຍາກ, ອົບຮົບພະນັກງານບຳບັດຄວາມທຸກຍາກ, ແລະດຳເນີນພາລະກິດບຳບັດຄວາມທຸກຍາກ, ກາຍເປັນປ່ອງຢ້ຽມຮ່ວມມືລະຫວ່ງຈີນກັບຕ່າງປະເທດໃນຂົງເຂດບຳບັດຄວາມທຸກຍາກ.
ຕາມສະເໜີວ່າ, ສູນດັ່ງກ່າວຈະດຳເນີນການຄົ້ນຄວ້າບັນຫາບຳບັດຄວາມທຸກຍາກໃນຂອບເຂດທົ່ວໂລກ, ອົບຮົບພະນັກງານບຳບັດຄວາມທຸກຍາກຂອງປະເທດພວມພັດທະນາ, ແລະຊຸກຍູ້ການແລກປ່ຽນແລະການຮ່ວມມືລະຫວ່າງຊາດໃນຂົງເຂດບຳບັດຄວາມທຸກຍາກ.
ທ່ານມາລິກ ຜູ້ແທນອົງການUNDPສະຫະປະຊາຊາດປະຈຳຈີນກໍຕີລາຄາສູງຕໍ່ການສ້າງຕັ້ງສູນດັ່ງກ່າວ. ທ່ານກ່າວວ່າ, ຈີນໄດ້ຮັບຜົນສຳເລັດພິເສດໃນດ້ານຫລຸດຈຳນວນປະຊາກອນຜູ້ທຸກຍາກໃຫ້ໜ້ອຍລົງຢ່າງຫລວງຫລາຍ, ແລະໄດ້ທ້ອນໂຮມບົດຮຽນແລະຄວາມຮູ້ອັນອຸດົມສົມບູນ, ເຂົ້າໃຈ ໂຄສະນາແລະຖອດຖອນເອົາບົດຮຽນພັດທະນາຂອງຈີນແມ່ນສຳຄັນທີ່ສຸດ. ປັດຈຸບັນ, ຄວາມທຸກຍາກຍັງແຜ່ລາມຢູ່ຫລາຍທ້ອງຖິ່ນຂອງໂລກ. ລະຫວ່າງປະເທດພວມພັດທະນາ, ລະຫວ່າງລັດຖະບານກັບອົງການບຳບັດຄວາມທຸກຍາກສາກົນຄວນຊົມໃຊ້ຄວາມຮູ້ແລະຂໍ້ມູນຂ່າວສານບຳບັດຄວາມທຸກຍາກ, ເພີ່ມການຮ່ວມມື. ໃນຖານເປັນແທ່ນຊົມໃຊ້ຄວາມຮູ້ແລະຮ່ຳຮຽນເຊິ່ງກັນແລະກັນ, ສູນບຳບັດຄວາມທຸກຍາກສາກົນຈີນຈະຖືອົງການຕົກລົງ ອົງການວິຊາການ ແລະອົງການພຶດຕິກຳດ້ານພັດທະນາພົວພັນກັບມວນຊົນຜູ້ທຸກຍາກ, ຊອກຫາວິທີໃໝ່ແກ້ໄຂບັນຫາ, ຈະເສີມຂະຫຍາຍບົດບາດສຳຄັນໃນຂະບວນວິວັດບຳບັດຄວາມທຸກຍາກຂອງໂລກ.
ສູນບຳບັດຄວາມທຸກຍາກສາກົນຈີນສ້າງຕັ້ງຂຶ້ນກໍໄດ້ເຮັດໃຫ້ບາງອົງການທີ່ບໍ່ແມ່ນລັດຖະບານເອົາໃຈໃສ່ນຳ. ທ່ານນາງສີຕ່ານ ຜູ້ແທນອົງການເມີຊີຄອບສ໌ຂອງອົງການບຳບັດຄວາມທຸກຍາກສາກົນປະຈຳເຂດຈີນໃຫຍ່ກ່າວວ່າ, ອົງການດັ່ງກ່າວຈະເພີ່ມການຮ່ວມມືກັບສູນບຳບັດຄວາມທຸກຍາກສາກົນຈີນ, ພ້ອມກັນດຳເນີນໂຄງການບຳບັດຄວາມທຸກຍາກ.
ໃນຖານເປັນຄູ່ຂາຮ່ວມມືຍຸດທະສາດຮອບດ້ານຂອງສູນບຳບັດຄວາມທຸກຍາກສາກົນຈີນ, ອົງການເມີຊີຄອບສ໌ຍິນດີຫ້າງຫາເງິນກຸສົນຢູ່ຮົງກົງແລະຕ່າງປະເທດດ້ວຍຄວາມສາມາດແລະບົດຮຽນຫ້າງຫາເງິນກຸສົນຂອງອົງການພວກເຮົາ, ແລະຈະປະກອບຄວາມເຫັນທີ່ມີລັກສະນະສ້າງສັນໃນໂຄງການພາຍໜ້າ.
|
|
|
