|
ວັນທີ 11 ມິຖຸນາປີນີ້ກົງກັບບຸນຕວນອູຂອງຈີນ ໃນມະຫາຄອບຄົວປະຊາຊາດຈີນ ມີ29 ຊົນເຜົ່າຄື ເຜົ່າຮ້ານ ເຜົ່າມານ ເຜົ່າມົງໂກນແລະເຜົ່າຕິເບດເປັນຕົ້ນລ້ວນແຕ່ສະເຫຼີມ ສະຫຼອງບຸນຕວນອູ ເຖິງວ່າຮີດຄອງປະເພນີໃນ ເຂດຕ່າງກັນມີອັນຕ່າງກັນກໍຕາມ ແຕ່ມີຈຸດຫນຶ່ງແມ່ນຄືກັນ ເຊັ່ນໃນບຸນຕວນອູ ຄົນທັງຫຼາຍຈະກິນເຂົ້າຕົ້ມ
ເດືອນຫ້າມື້ອອກໃຫມ່ 5 ຄ່ຳ ຈັນທະຄະຕິຈີນແມ່ນບຸນຕວນອູ ທັງເອີ້ນເປັນບຸນຕວນຢ່າງ ບຸນເດືອນຫ້າ ບຸນລະດູຮ້ອນ ເຖິງວ່າມີຊື່ຕ່າງກັນກໍຕາມ ແຕ່ຮີດຄອງປະເພນີໃນບຸນຕວນອູຂອງປະຊາຊົນຈີນໃນແຫ່ງຕ່າງໆແມ່ນຄືກັນ ບຸນຕວນອູແມ່ນຮີດຄອງປະເພນີເກົ່າຂອງຈີນທີ່ມີປະຫວັດ 2000 ກວ່າປີໃນສະໄຫມບູຮານ ເມື່ອຮອດມື້ນັ້ນ ທຸກຄອບຄົວຈະແຂວນຮູບພະຈົ່ງຄຸຍຄືເທບພະເຈົ້າໄລ່ຜີ ຈັດການເຄື່ອນໄຫວຊ່ວງເຮືອ ກິນເຂົ້າຕົ້ມແລະດື່ມເຫຼົ້າເຣອານກາເປັນຕົ້ນ
ຄວາມຫມາຍສຳຄັນທີ່ສຸດໃນການສະຫຼອງບຸນຕວນອູແມ່ນເພື່ອລະລຶກທ່ານສຸຢວນ ນັກກະວີຊົນເຜົ່າຜູ່ຍິ່ງໃຫຍ່ໃນປະຫວັດສາດຈີນ ທ່ານສຸຢວນ ຊື່ພິງ ແມ່ນຄົນເມືອງສູໃນສະໄຫມຈ້ານໂກວ ທ່ານເຄີຍແຕ່ງການບກອນເຜີຍແບໂທດທຳຊະນິດຕ່າງໆຂອງສັງຄົມໃນຄາວນັ້ນ ຍ້ອນອຸດົມການຮັກຊາດຂອງເພິ່ນບັນລຸຜົນເປັນຈິງໄດ້ ທ່ານສຸຢວນຈຳເປັນຕ້ອງ ໂຕນເຂົ້າແມ່ນ້ຳມີ້ໂລໃນເດືອນຫ້າມື້ອອກໃຫມ່ 5 ຄ່ຳ ຕາມເລົ່າລືກັນວ່າ ຫຼັງຈາກທ່ານໂຕນນ້ຳແລ້ວຖືກມັງກອນໂຕໃຫຍ່ລົບກວນ ຄົມທັງຫຼາຍຮູ້ສຶກໂສກສະຫຼົດໃຈຫຼາຍ ເມື່ອຮອດມື້ນັ້ນກໍຖິ້ມເຂົ້າຕົ້ມສີຕ່າງໆໃນແມ່ນ້ຳ ເພື່ອຂັບໄລ່ມັງກອນ ຕາມເລົ່າລືກັນອີກແນວຫນຶ່ງວ່າ ຫຼັງຈາກທ່ານສຸຢວນໄດ້ໂຕນແມ່ນ້ຳມີ້ລໍແລ້ວ ເມື່ອມວນຊົນທ້ອງຖິ່ນນັ້ນໄດ້ຮູ້ຂ່າວແລ້ວກໍພາຍເຮືອມາກອບກູ້ເອົາໃນທັນທີ ເມື່ອພາຍເຮືອໄປຮອດຫນອງຕຸ້ງທິງ ພວກເຂົາເຈົ້າກໍບໍ່ໄດ້ຊອກເຫັນຊາກພົບຂອງທ່ານສຸຢວນ ເວລານັ້ນ ຝົນຕົກແຮງ ເຮືອນ້ອຍໆຢູ່ຕາມຫນອງໄດ້ເຕົ້າໂຮມກັນຢູ່ຂ້າງສາລາທີ່ແຄມຝັ່ງ ເມື່ອຄົນທັງຫຼາຍໄດ້ຮູ້ວ່າແມ່ນເພື່ອກອບກູ້ເອົາທ່ານສຸຢວນ ເລີຍແຂ່ງຝົນ ພາຍເຮືອໄປຫາຫນອງຕຸ້ງທິງ ພາຍຫຼັງມາ ເພື່ອສະແດງຄວາມຄຶດຮອດຄຶດເຖິງທ່ານສຸຢວນ ຄົນທັງຫຼາຍຈຶ່ງພາຍເຮືອຢູ່ຕາມແມ່ນ້ຳ ຕໍ່ມາຈຶ່ງໄດ້ຂະຫຍາຍເປັນການເຄື່ອນໄຫວຊ່ວງເຮືອເທື່ອລະກ້າວ
ຄັນຊັ້ນ ໃນມື້ບຸນຕວນອູຊູ່ມື້ນນີ້ ຄົນທັງຫຼາຍມີຮີດຄອງປະເພນີຫຍັງແດ່?
ຫນຶ່ງແມ່ນກິນເຂົ້າຕົ້ມ:ຮີດຄອງປະເພນີດັ່ງກ່າວແມ່ນມາຈາກບູຮານ ເມື່ອກ່ອນ ຄົນທັງຫຼາຍເອົາເຂົ້າຕົ້ມຂະຫນົມທີ່ເຮັດດ້ວຍເຂົ້າຫນຽວ ຖິ້ມລົງແມ່ນ້ຳໃນເດືອນຫ້າມື້ອອກໃຫມ່ຫ້າຄ່ຳ ເພື່ອບູຊາທ່ານສຸຢວນ ພວກເຂົາເຈົ້າເປັນຫ່ວງວ່າປາຈະກິນເຂົ້າຕົ້ມເຫຼົ່ານີ້ ເລີຍໃຊ້ບົ້ງໄມ້ໄຜ່ໃສ່ເຂົ້າຫນຽວ ແລ້ວຖິ້ມລົງແມ່ນ້ຳ ດຽວນີ້ ໂດຍທົ່ວໄປແລ້ວ ຄົນທັງຫຼາຍບໍ່ຖິ້ມເຂົ້າເຈົ້າແມ່ນ້ຳ ພາກແມ່ນກິນເຂົ້າຕົ້ມແລະກິນເຂົ້າເຣອານກາ ຮີດຄອງປະເພດນີ້ຍັງນິຍົມກັນຫຫຼາຍໃນເຂດລ້ອງແມ່ນ້ຳຢາງເຊ
ສອງ:ຊ່ວງເຮືອ: ຍ້ອນຄົນຈີນບູຮານບໍ່ຢາກໃຫ້ທ່ານສຸຢວນ ຜູ່ມີຄວາມປີຊາສາມາດຕາຍໄປ ແລ້ວຈຶ່ງພາຍເຮືອໄປກອບກູ້ເອົາທ່ານ ພວກເຂົາໄດ້ພາຍເຮືອໄປຮອດຫນອງຕົ້ງທິງ ຍັງບໍ່ໄດ້ພົບເຫັນທ່ານສຸຢວນ ນີ້ກໍແມ່ນແຫຼ່ງກຳເນີດການຊ່ວງເຮືອ ເມື່ອຮອດເດືອນຫ້າມື້ອອກໃຫມ່ຫ້າຄ່ຳ ແຕ່ລະປີ ປະຊາຊົນມັກຈັດການເຄື່ອນໄຫວຊ່ວງເຮືອມາລະລຶກທ່ານສຸຢວນ. ຮີດຄອງປະເພນີຊ່ວງເຮືອໄດ້ແຜ່ຂະຫຍາຍຢູ່ລັດອູ ລັດເຢີແລະລັດສູ. ໃນສະໄຫມເຈົ້າຊີວິດຊຽນລົງລາຊະວົງເຊັງປີທີ 29 ໄຕ້ຫວັນໄດ້ເລີ່ມຈັດການຊ່ວງເຮືອ ນັບມາຮອດປັດຈຸບັນ ໄຕ້ຫວັນຍັງຈັດການຊ່ວງເຮືອໃນເດືອນຫ້າມື້ອອກໃຫມ່ຫ້າຄ່ຳຊູ່ປີ ຮົງກົງກໍຈັດການຊ່ວງເຮືອຄືກັນ ໃນຫຼາຍປີມານີ້ ຊາວອັງກິດກໍ່ເຮັດຕາມຊາວຈີນ ຈັດຕັ້ງທິມຕ່າງປະເທດ ດຳເນີນການເຄື່ອນໄຫວຊ່ວງເຮືອ
ສາມ:ຕິດຖົງຫອມ:ໃນບຸນຕວນອູ ເດັກນ້ອຍມັກຕິດຖົງຫອມມັນບໍ່ພຽງແຕ່ມີຄວາມຫມາຍຂັບໄລ່ຜີສາງມານຮ້າຍທໍ່ນັ້ນ ຫາກຍັງມີບົດບາດເປັນ ເຄື່ອງປະດັບເສື້ອອີກ ຢູ່ໃນຖົງຫອມມີນ້ຳແດງຊ້ຳ ແຮ່ເຣອານກາແລະຢາຫອມ ນອກຖົງເຮັດດ້ວຍຜ້າໄຫມ ມີກິ່ນຫອມສົ່ງອອກມາ ຍັງມັດດ້ວຍເສັ້ນໄຫມສີຕ່າງໆ ແລະເຮັດເປັນຮູບຫຼາຍຢ່າງຫຼາຍແນວທີ່ງາມປານີດ
|
