|
|
 |
| (GMT+08:00)
2005-06-17 15:02:51
|
 |
|
ທຳນຽບຂາວປະຕິເສດອີກເທື່ອໜຶ່ງກ່ຽວກັບການວາງຕາລາງເວລາຖອນທະຫານອອກຈາກອີຣັກ
cri
ຕາມຂ່າວCRI, ວັນທີ16ມິຖຸນາ, ລັດຖະບານອາເມລິກາໄດ້ປະຕິເສດອີກເທື່ອໜຶ່ງກ່ຽວກັບການວາງຕາລາງເວລາຖອນທະຫານອາເມລິກາທີ່ປະຈຳອີຣັກ.
ໃນງານຖະແຫຼງຂ່າວທີ່ຈັດຂຶ້ນຢູ່ວໍຊິງຕັນໃນວັນທ່16ມິຖຸນາ, ທ່ານແມັກເຄຼເລິນ ໂຄສົກທຳນຽບຂາວອາເມລິກາກ່າວວ່າ, ການກຳນົດເວລາສຸດທ້າຍໃຫ້ຖອນທະຫານອາເມລິກາທີ່ປະຈຳອີຣັກມີແຕ່ຈະທຳລາຍລັດຖະບານໃໝ່ຂອງອີຣັກເທົ່ານັ້ນ, ແລະມີຜົນດີຕໍ່ພວກປະກອບອາວຸດຕ້ານອາເມລິກາ.
ທ່ານແມັກເຄຼເລິນເວົ້າວ່າ, ທ່ານບຸສ ປະທານາທິບໍດີອາເມລິກາຈະສະແຫວງການສະໜັບສະໜູນຂອງສາທາລະນະຊົນຕໍ່ນະໂຍບາຍສົງຄາມອີຣັກຂອງເຂົາ, ແລະຈະພົບປະທ່ານຈາຟາລີ ນາຍົກລັດຖະມົນຕີລັດຖະບານຂ້າມຜ່ານຂອງອີຣັກຢູ່ທຳນຽບຂາວໃນວັນທີ24ມິຖຸນາ, ປຶກສາຫາລືກັນກ່ຽວກັບການຄືບໜ້າທີ່ອາເມລິກາຝຶກຊ້ອມກອງທະຫານຄວາມປອດໄພຂອງອີຣັກ, ຮ່າງລັດຖະທຳມະນູນໃໝ່ຂອງອີຣັກພ້ອມດ້ວຍບັນຫາຕ່າງໆລະຫວ່າງສອງຝ່າຍ, ບັນຫາພາກພື້ນແລະບັນຫາສາກົນເປັນຕົ້ນ.
|
|
|
