|
ນັ່ງແນວໃດຈຶ່ງຖືກຫຼັກວິທະຍາສາດ
cri
Author: li
 ແຕ່ລະຄົນກໍຕ້ອງນັ່ງ,ຖ້າເວົ້າວ່າຜູ້ໃດຜູ້ໜ່ງນັ່ງບໍ່ເປັນຄືຊິຢາກຫົວນໍ. ແຕ່ທີ່ຈິງແລ້ວ,ບໍ່ແມ່ນວ່າໃຜກໍຮູ້ຄວາມເລິກລັບຂອງທ່ານັ່ງ,ຄົນປະເພດໃດຄວນນັ່ງແນວໃດ,ທ່ານັ່ງຈະຮັກສາສະພາບແນວໃດແມ່ນດີກວ່າໝູ່?
ໃນເວລາເຮັດວຽກ,ບາງຄົນມັກນັ່ງທ່າໃດທ່າໜຶ່ງບໍ່ປ່ຽນຕັ້ງດົນ,ໂດຍສະເພາະແມ່ນນັ່ງຂາຂຶ້ນຫ້າງເຮັດວຽກ,ຈະພາໃຫ້ກ້ານຄໍແລະຫຼັງມີການຫາບແບກຢ່າງຕໍ່ເນື່ອງ,ເຮັດໃຫ້ກ້າມເນື້ອແລະເອັນຢູ່ຫຼັງຖືກຈ່ອງດຶງດົນເກີນໄປແລ້ວເຮັດໃຫ້ເມື່ອຍ,ພາໃຫ້ເຈັບແອວຢ່າງບໍ່ຮູ້ສາຍເຫດ, ແຕ່ວ່າ,ຖ້າຮັກສາທ່ານັ່ງອັນຖືກຕ້ອງ,ຜ່ານໄລຍະໜຶ່ງ,ກໍຈະເປັນປົກກະຕິຄືນ,ບໍ່ມີບັນຫາຫຍັງອີກ. ນອກນີ້ ນັ່ງຂາຂຶ້ນຫ້າງດົນນານ,ຍ້ອນຂາສອງເບື້ອງໜີບເຕັງກັນ,ຍັງຈະຂັດຂວາງການໝູນວຽນຂອງເລືອດຢູ່ຕາມຂາ,ດົນແລ້ວຈະພາໃຫ້ເອັນຂອດ,ຖ້າອາການໜັກ,ຈະພາໃຫ້ເລືອດໄຫຼກັບບໍ່ສະດວກ,ສາຍເລືອດກັບອັກເສບ,ເລືອດອອກແລະພະຍາດອື່ນໆ. ໃນເວລາເຮັດວຽກ,ວ່າແຕ່ທ່ານເຮັດໄດ້ສອງຂໍ້ດັ່ງລຸ່ມນີ້,ກໍຈະໄດ້ຮັບຜົນປ້ອງກັນເຈັບຄໍແລະຫຼັງ,ຄືໜຶ່ງຮັກສາທ່ານັ່ງໃຫ້ດີ;ສອງແມ່ນມີການເໜັງຕີງຖືກຕ້ອງໃນເວລານັ່ງ.
ຄັນຊັ້ນ,ການເໜັງຕີງຢ່າງຖືກຕ້ອງໃນເວລານັ່ງແມ່ນໝາຍຄວາມວ່າແນວໃດ? ກ່ອນອື່ນ,ຢ່ານັ່ງຢູ່ໃນທ່າດຽວໂດຍບໍ່ປ່ຽນແປງເປັນເວລາດົນນານ,ຄວນມີທ່ານັ່ງທີ່ຖືກຕ້ອງປອດໄພສອງສາມທ່າແລ້ວປ່ຽນແປງເລື້ອຍໆ. ຖັດມາ,ໃນເວລານັ່ງຕັ່ງກົ້ມເກັບເອົາຂອງນັ້ນ,ຄວນຫຍັບໄປຫາແຄມເກົ້າອີ້ກ່ອນ,ຕີນເບື້ອງໜຶ່ງຫຍັບໄປໜ້າ,ມືໜຶ່ງຄ້ຳໂຕ໊ະໄວ້າ,ແລ້ວຄ່ອຍກົ້ມລົງເກັບເອົາຂອງ. ສາມ,ໃນເວລາຫັນຫຼັງເອົາຂອງນັ້ນ ຕ້ອງຫັນໄປໝົດຄີງພ້ອມກັນ. ສີ່,ໃນເວລາໂທລະສັບ,ຢ່າໃຊ້ຫົວແລະໄຫຼ່ໜີບຫູໂທລະສັບ,ຄວນເອົາສອກເບື້ອງຖືຫູໂທລະສັບຄ້ຳເທິງູໜ້າໂຕ໊ະ,ເພື່ອຮັກສາບໍ່ໃຫ້ຄໍຫງ່ຽງແລະຟັງແບບນີ້ກໍ່ບໍ່ເມື່ອຍ.
ທ່ານຕ້ອງລະວັງວ່າ,ບໍ່ແມ່ນວ່າທ່ານັ່ງທີ່ຕົນເອງຮູ້ສຶກສະບາຍກໍແມ່ນນັ່ງທ່າທີ່ຖືກຕ້ອງ. ທ່ານັ່ງທີ່ຖືກຕ້ອງຄວນນັ່ງແອວຊື່,ຫົດທ້ອງ,ຫົດຄາງກະໄຕໜ້ອຍໜຶ່ງ,ຫຸບຂາສອງເບື້ອງເຂົ້າກັນ. ຖ້າເປັນໄປໄດ້,ຄວນໃຫ້ຫົວເຂົ່າສູງກວ່າຕະໂພກເລັກໜ້ອຍ. ຖ້ານັ່ງເກົ້າອີ້ທີ່ມີພະນັກອີງ,ຄວນໃຫ້ແອວແລະຫຼັງຕິດກັບພະນັກ,ເຮັດແນວນີ້ ກ້າມເນື້ອດູກສຸດຫວ່າງແອວຈະບໍ່ເມື່ອຍ. ນັ່ງດົນແລ້ວ,ຄວນລຸກຕີງໜ້ອຍໜຶ່ງ,ເຮັດໃຫ້ກ້າມເນື້ອຂາໂຍະຍານລົງ. ນອກນີ້ ຜູ້ທີ່ເປັນພະຍາດດູກຫຼັງສຸດສວດອອກບໍ່ຄວນນັ່ງຕັ່ງທີ່ຕ່ຳກວ່າ 20 ຊັງຕີແມັດ,ຄວນນັ່ງເກົ້າອີ້ທີ່ມີພະນັກເອື່ອຍອີງ,ແບບນີ້ສາມາດຮັບນ້ຳໜັກສ່ວນໜຶ່ງຂອງຮ່າງກາຍ,ບໍ່ໃຫ້ເຈັບແອວແລະຫຼັງ.
ທ່ານັ່ງທີ່ບໍ່ຖືກຕ້ອງແມ່ນມູນເຫດສຳຄັນອັນໜຶ່ງທີ່ພາໃຫ້ກະດູກສັນຫຼັງຂອງຊາວໜຸ່ມເຍົາວະຊົນຄົດລ້ຽວ. ນັກຮຽນປະຖົມແລະມັດທະຍົມໄດ້ນັ່ງເກົ້າອີ້ແລະຂຽນໜັງສືເທິງໂຕ໊ະທີ່ສູງຕ່ຳບໍ່ເໝາະສົມ,ເດັກນ້ອຍບາງຄົນນັ່ງຂົດຢູ່,ບາງຄົນນັ່ງສະແຄນຂຽນໜັງສື,ເວລາດົນແລ້ວ,ກໍຈະພາໃຫ້ເຈັບແອວເຈັບຫຼັງ. ຖ້າບໍ່ດັດໃຫ້ຖືກຕ້ອງແລະປົວຊ້າ,ຈະພາໃຫ້ເຈັບໜັກເຂົ້າ,ພາໃຫ້ຮູບຮ່າງບົດບ້ຽວ,ກະທົບກະເທືອນເຖິງສັບພະຄຸນຂອງໝາກຫົວໃຈແລະປອດ. ຖ້າໂຕ໊ະ,ຕັ່ງປະກອບຊຸດກັບຮ່າງກາຍຄົນສາມາດແກ້ໄຂບັນຫາຍ້ອນທ່ານັ່ງບໍ່ຖືກຕ້ອງໃນສ່ວນໃຫຍ່.
ເຊັ່ນດຽວກັນ,ທ່ານັ່ງທີ່ບໍ່ຖືກຕ້ອງຍັງຈະກະທົບກະເທືອນເຖິງສາຍຕາ. ໂດຍສະເພາະແມ່ນນັກຮຽນປະຖົມ,ຕ້ອງດັດແກ້ທ່ານັ່ງໃນເວລາຂຽນໜັງສືແລະຄວາມຊີນເຄີຍບໍ່ດີທີ່ອ່ານໜັງສືໃກ້ໂພດກັບຕາ,ຖ້າບໍ່ດັ່ງນັ້ນ ດົນແລ້ວແຮ່ງຈະແກ້ຍາກ. ທຳມະດາແລ້ວ,ທ່ານັ່ງທີ່ຖືກຕ້ອງແມ່ນໜ້າເອິກຫ່າງຈາກໂຕ໊ະກຳປັ້ນໜຶ່ງ,ຕາຫ່າງຈາກໜ້າໂຕ໊ະເຄິ່ງແມັດ.
ຜູ້ທີ່ຕ່ອມໝາກອັນຖະງອກບໍ່ຄວນນັ່ງດົນ,ນີ້ແມ່ນຄວາມຮັບຮູ້ທີ່ຄືກັນຂອງຄົນທັງຫຼາຍ,ທ່ານັ່ງຂອງຜູ້ເປັນພະຍາດນີ້ກໍຕ້ອງລະວັງ,ຄືໃນເວລາຄົນນັ່ງຊື່ໆນັ້ນ ໃຈກາງນ້ຳໜັກພໍດີຢູ່ບ່ອນຕ່ອມໝາກອັນຖະ,ເມື່ອນັ່ງດົນແລ້ວ,ຕ່ອມໝາກອັນຖະທີ່ງອກຂຶ້ນຍ່ອມຖືກນ້ຳໜັກຮ່າງກາຍໜີບເຕັງຢ່າງແນ່ນອນ,ແລ້ວຈະເຮັດໃຫ້ຕ່ອມໝາກອັນຖະທີ່ງອກຂຶ້ນຂະຫຍາຍໄປຫາທໍ່ປັດສາວະ,ກົດໜີບທໍ່ປັດສາວະ,ຖ້າໜັກໜ່ວງ,ຈະເຮັດໃຫ້ຂັບຖ່າຍປັດສາວະຍາກ,ຈົນກະທັ້ງຖ່າຍບໍ່ອອກ. ຖ້າຜູ້ເປັນພະຍາດຕ່ອມໝາກອັນຖະງອກ,ຕ້ອງນັ່ງສະແຄງຊ້າຍຫຼືສະແຄງຂວາຢ່າງເໝາະສົມ,ຈຶ່ງບໍ່ໄປໜີບເຕັງຖືກຕ່ອມໝາກອັນຖະງອກແລະບໍ່ໄປໜີບເຕັງຖືກທໍ່ປັດສາວະ. ນັ່ງແບບນີ້ສາມາດຮັກສາຕ່ອມໝາກອັນຖະທີ່ປົ່ງໃໝ່ໄດ້ດີພິເສດ.
|
|
