|
|
 |
| (GMT+08:00)
2005-06-17 20:27:47
|
 |
|
ບາດກ້າວຫົວລ້ຽວຫົວຕໍ່ຂອງອີຣັກໃນການຊຸກຍູ້ຂະບວນວິວັດສ້າງລັດຖະທຳມະນູນ
cri
Author: mo
ຕາມຂ່າວCRI: ວັນທີ 16 ມິຖຸນາ, ທ່ານມາລິຄິ ບຸກຄົນນ້ຳເປີທີສອງຂອງພັກອິສຣາມດາວາທີ່ນຳໂດຍທ່ານຈາຟາລີ ນາຍົກລັດຖະມົນຕີລັດຖະບານຂ້າມຜ່ານອິສລາມ ສະມາຊິກຄະນະກຳມະການຮ່າງລັດຖະທຳມະນູນອີຣັກປະກາດວ່າ, ຄະນະກຳມະການຮ່າງລັດຖະທຳມະນູນອີຣັກໄດ້ຕົກລົງເຫັນດີເພີ່ມຜູ້ແທນນິກາຍຊຸນນິດ 25 ຄົນເຂົ້າຄະນະກຳມະການ.
ການຕົກລົງດັ່ງກ່າວແມ່ນບັນດາຝ່າຍອີຣັກຜ່ອນສັ້ນຜ່ອນຍາວກັນໂດຍຜ່ານການປຶກສາຫາລືກັນ. ໃນສະມາຊິກນິກາຍຊຸນນິດ 25 ຄົນທີ່ເພີ່ມໃໝ່ນັ້ນ, ມີ 15 ຄົນແມ່ນກຳມະການທາງການ, ອີກ 10 ຄົນແມ່ນທີ່ປຶກສາ. ໃນສັບປະດາໜ້າ, ນິກາຍຊຸນນິດຈະສະເໜີລາຍຊື່ສະມາຊິກຜູ້ໃໝ່ໃຫ້ຄະນະກຳມະການຮ່າງລັດຖະທຳມະນູນພິຈາລະນາອະນຸມັດ. ສະພາແຫ່ງຊາດອີຣັກກໍຈະອອກຖະແຫລງການຕາມຫລັງ, ຮັບຮອງການເປີດກວ້າງຂອງຄະນະກຳມະການຮ່າງລັດຖະທຳມະນູນ.
ບຸກຄົນວິເຄາະເຫັນວ່າ, ເຈົ້າໜ້າທີ່ອີຣັກຜ່ອນສັ້ນຜ່ອນຍາວກັບນິກາຍຊຸນນິດມີມູນເຫດດັ່ງລຸ່ມນີ້: ກ່ອນອື່ນ, ໃນຫລາຍມື້ມານີ້, ການເຄື່ອນໄຫວດ້ວຍກຳລັງຮຸນແຮງອີຣັກໄດ້ເລື່ອນຂັ້ນ, ທະຫານຕຳຫລວດແລະສາມັນຊົນອີຣັກ ທະຫານອາເມລິກາໄດ້ຕາຍແລະບາດເຈັບຢ່າງຫລວງຫລາຍ. ອົງການປະກອບອາວຸດໂດຍຖືກຳລັງນິກາຍຊຸດນິດເປັນກຳລັງຕົ້ນຕໍນັ້ນໄດ້ກໍ່ການເຄື່ອນໄຫວດ້ວຍກຳລັງຮຸນແຮງເຫຼົ່ານີ້, ແມ່ນພົວພັນກັບຄວາມເສຍໃຈທີ່ນິກາຍຊຸນນິດຖືກປັດປ່າຍຢູ່ນອກຂະບວນວິວັດສ້າງສາການເມືອງຄືນໃໝ່ຂອງອີຣັກ. ເພື່ອຊັກຊວນອົງການຕໍ່ຕ້ານປະຖິ້ມກຳລັງອາວຸດແລ້ວເຂົ້າຮ່ວມການເມືອງ, ເຈົ້າໜ້າທີ່ອີຣັກຈຳເປັນຕ້ອງເລັ່ງບາດກ້າວຜ່ອນສັ້ນຜ່ອນຍາວໃຫ້ນິກາຍຊຸດນິດເຂົ້າຮ່ວມການເມືອງອີຣັກ.
ຖັດມາ, ການສ້າງສາການເມືອງອີຣັກຄືນໃໝ່ໄດ້ກ້າວເຂົ້າສູ່ໄລຍະຫົວລ້ຽວຫົວຕໍ່. ຮ່າງລັດຖະທຳມະນູນທີ່ວາງອອກກ່ອນວັນທີ 15 ສິງຫາປີນີ້ຖ້າໄດ້ຮັບຜ່ານໃນການເອົາປະຊາມະຕິທົ່ວປວງຊົນເມື່ອເດືອນຕຸລາແລ້ວ, ຈະສ້າງພື້ນຖານໃຫ້ແກ່ການເລືອກຕັ້ງທົ່ວໄປທີ່ຈັດຂຶ້ນໃນເດືອນທັນວາຕາມແຜນການ. ຕາມລັດຖະທຳມະນູນສະບັບຊົ່ວຄາວ, ໃນ 18 ແຂວງຂອງອີຣັກ, ທະແນມແຕ່ຜູ້ມີສິດເລືອກຕັ້ງ 2/3 ຂອງ 3 ແຂວງເວົ້າບໍ່ຕໍ່ລັດຖະທຳມະນູນແລ້ວ, ຮ່າງລັດຖະທຳມະນູນກໍຈະຫຼົ້ມເຫຼວ, ປັດຈຸບັນ, ນິກາຍຊຸນນິດໄດ້ກວມສ່ວນຫລາຍໃນ 3 ແຂວງເປັນຢ່າງໜ້ອຍ, ທີ່ຈິງແລ້ວ, ມັນມີສິດຢັບຢັ້ງ. ຕາບໃດ, ລັດຖະທຳມະນູນບໍ່ໄດ້ຮັບຜ່ານໃນການເອົາປະຊາມະຕິ, ກໍຈະຍົກເລີກລັດຖະສະພາ, ຈັດການເລືອກຕັ້ງຄືນໃໝ່, ຂະບວນວິວັດການເມືອງຂອງອີຣັກຈະຖອນຄືນຫລັງ.
ສາມ, ອາເມລິກາຫວັງຢ່າງແຮງກ້າວໃຫ້ການສ້າງສາການເມືອງອີຣັກຈະດຳເນີນຢ່າງສຳເລັດຜົນ. ຖ້າຂະບວນວິວັດການເມືອງອີຣັກປະລາໄຊຢ່າງໜັກໜ່ວງແລ້ວ, ອາເມລິກາກໍຈະຕົກຢູ່ໃນຂຸມຂີ້ຕົມອີຣັກຖອນຕົວອອກບໍ່ໄດ້. ທະຫານອາເມລິກາ 1 ແສນກວ່າຄົນຈະຖອນອອກຈາກອີຣັກໃນເວລາໃດກໍຈະບໍ່ມີເວລາກຳນົດໄດ້, ສະນັ້ນ, ອາເມລິກາກໍໃຊ້ກຳລັງໜີບຕໍ່ເຈົ້າໜ້າທີ່ອີຣັກ, ຮຽກຮ້ອງໃຫ້ເອົາຄົນນິກາຍຊຸນນິດເຂົ້າຮ່ວມຂະບວນການຮ່າງລັດຖະທຳມະນູນ, ເພື່ອຮັບປະກັນຄວາມໄວ້ໃຈໄດ້ຂອງຂະບວນການສ້າງລັດຖະທຳມະນູນແລະດຳເນີນໄປຢ່າງສຳເລັດຜົນ.
ນອກນີ້, ສະມາຊິກທາງການຂອງນິກາຍຊຸນນິດ 15 ຄົນທີ່ເຂົ້າຮ່ວມຄະນະກຳມະການຮ່າງລັດຖະທຳມະນູນນັ້ນ ມີແຕ່ເຂົ້າຮ່ວມການຫາລືມາດຕາລັດຖະທຳມະນູນທໍ່ນັ້ນ, ບໍ່ມີສິດລົງຄະແນນສຽງຢ່າງເປັນທາງການ. ການແກ້ໄຂບັນຫາຕົວແທນຂອງນິກາຍຊຸນນິດໃນຄະນະກຳມະການຮ່າງລັດຖະທຳມະນູນ, ໄດ້ແຜ້ວທາງໃຫ້ແກ່ການດຳເນີນການສ້າງລັດຖະທຳມະນູນຢ່າງສະດວກ, ເຮັດໃຫ້ຂະບວນການສ້າງສາການເມືອງຄືນໃໝ່ຂອງອີຣັກໄດ້ຜ່ານຜ່າວິກິດການອີກເທື່ອໜຶ່ງ.
|
|
|
