|
ຄະນະກຳມະການນິຕິບັນຍັດປາເລັສຕິນໄດ້ຜ່ານຮ່າງຍັດຕິດັດແກ້ກົດໝາຍວ່າດ້ວຍການເລືອກຕັ້ງ ປາເລັສຕິນໃຫ້ຄຳໝັ້ນສັນຍາວ່າຈະປະສານງານກັບອິສຣາແອນເພື່ອປະຕິບັດແຜນການເຄື່ອນໄຫວແຕ່ຝ່າຍດຽວ
cri
Author: q
ຕາມຂ່າວCRI,ວັນທີ18ມິຖຸນາ,ຄະນະກຳມະການນິຕິບັນຍັດປາເລັສຕິນໄດ້ຜ່ານຮ່າງຍັດຕິດັດແກ້ກົດໝາຍວ່າດ້ວຍການເລືອກຕັ້ງສະບັບໃໝ່.ໃນມື້ດຽວກັນ,ປາເລັສຕິນໃຫ້ຄຳໝັ້ນສັນຍາວ່າຈະປະສານງານກັບອິສຣາແອນເພື່ອປະຕິບັດແຜນການເຄື່ອນໄຫວແຕ່ຝ່າຍດຽວ.
ອີງຕາມຮ່າງຍັດຕິດັດແກ້ກົດໝາຍວ່າດ້ວຍການເລືອກຕັ້ງສະບັບໃໝ່,ຈຳນວນທີ່ນັ່ງຂອງຄະນະກຳມະການນິຕິບັນຍັດປາເລັສຕິນຈະເພີ່ມຈາກ88ທີ່ນັ່ງໃນປັດຈຸບັນຂຶ້ນຮອດ132ທີ່ນັ່ງ,ໃນນັ້ນ,ທີ່ນັ່ງເຄິ່ງໜຶ່ງໃຫ້ເຂດເລືອກຕັ້ງທ່ອງຖິ່ນເລືອກຕັ້ງກຳເນີດຂຶ້ນ,ອີກເຄິ່ງໜຶ່ງໃຫ້ຜູ້ສະໝັກຮັບເລືອກຕັ້ງຂອງບັນດາພັກຝ່າຍຈັດການເລືອກຕັ້ງທົ່ວໄປແລ້ວກຳເນີດຂຶ້ນ.ຮ່າງຍັດຕິດັດແກ້ສະບັບນີ້ຕ້ອງການໃຫ້ທ່ານອັບບາສ ປະທານອົງການອຳນາດແຫ່ງຊາດປາເລັສຕິນອະນຸມັດແລ້ວຈິ່ງເກີດມີຜົນບັງຄັບໃຊ້ຢ່າງເປັນທາງການໄດ້.
ໃນວັນທີ18ມິຖຸນາ,ຢູ່ລາມາລາເມືອງຝັ່ງຕາເວັນຕົກແມ່ນ້ຳຈໍແດນ,ພາຍຫຼັງທ່ານອັບບາສໄດ້ພົບປະທ່ານນາງລາຍສ໌ ລັດຖະມົນຕີການຕ່າງປະເທດອາເມລິກາທີ່ໄປຢ້ຽມຢາມ,ທ່ານອັບບາສກ່າວວ່າ,ປາເລັສຕິນໃຫ້ຄຳໝັ້ນສັນຍາວ່າຈະປະສານສົມທົບກັນກັບອິສຣາແອນຢ່າງສຸດຂີດ,ເພື່ອຮັບປະກັນແຜນການເຄື່ອນໄຫວແຕ່ຝ່າຍດຽວຂອງຝ່າຍອິສຣາແອນໄດ້ຮັບການປະຕິບັດຢ່າງສະດວກ.ທ່ານຍັງກ່າວລື້ມວ່າ,ປາເລັສຕິນຈະສືບຕໍ່ເຄົາລົບສັນຍາຢຸດຍິງທີ່ຕົກລົງກັນກັບອິສຣາແອນ.
|
|
