|
ທ່ານເຢີນສຽນສີກັບເພງຂອງທ່ານ
cri
Author: mo
|
ປັດຈຸບັນ, ທ່ານເຢິນສຽນສີແມ່ນດາລາເພງ ທັງເປັນດາລາຮູບເງົາແລະໂທລະພາບທີ່ມີຊື່ສຽງດົງດັງ, ແຕ່ຫົວທີ, ທ່ານໄດ້ຂຶ້ນຊື່ລືນາມຍ້ອນຮ້ອງເພງ. ປີ 1997, ຜູ້ຜະລິດດົນຕີທີ່ມີຊື່ສຽງຂອງໄຕ້ຫວັນຊື່"ສຽວສົງ"ໄດ້ແຕ່ງແຜ່ນCD"ຊິນທ້າຍຢວນ""ໃຈອ່ອນໂພດ"ໃຫ້ທ່ານເຢິນສຽງສີໂດຍສະເພາະ, CDແຜ່ນນີ້ຂາຍດິບຂາຍດີ, ພາຍຫຼັງມາ,  ທ່ານເຢິນສຽນສີໄດ້ອັດຈຳໜ່າຍCDສ່ວນຕົວອີກຫລາຍແຜ່ນຢ່າງຕໍ່ເນື່ອງກັນ, ຄືປະມວນເພງ"ນົກປິນ", "ນາງສຽວແສ" "ຂ້ອຍແມ່ນຄົນມີເງິນ" ແລະ"ສອງຂົ້ວ"ເປັນຕົ້ນ.
ເພງທີ່ທ່ານຈະໄດ້ຟັງໃນອັນດັບຕໍ່ໄປແມ່ນເພງ"Liangji" "ສອງຂົ້ວ". ທຳມະດາແລ້ວ, ພວກເຮົາມັກເຂົ້າໃຈວ່າ"ສອງຂົ້ວ"ແມ່ນຂົ້ວໂລກໃຕ້ແລະຂົ້ວໂລກເໜືອ, ຊື່ງເປັນສອງບ່ອນທີ່ຫ່າງໄກກັນທີ່ສຸດທັງໜາວຈັດທັງບໍ່ມີຄົນທ່ຽວ, ແຕ່ໃນເພງນີ້, ໄດ້ສະແດງຄວາມໝາຍທີ່ວ່າ: ບ່ອນທີ່ຫ່າງໄກກັນທີ່ສຸດໃນໂລກນີ້, ບໍ່ແມ່ນສອງຂົ້ວໂລກ, ຫາກແມ່ນຄູ່ຮັກທີ່ລື້ງແກວ່ນສະໜິດສະໜົມກັນ, ຕາບໃດ, ທີ່ບໍ່ຮັກກັນແລ້ວ, ກໍເຫຼືອແຕ່ຄວາມເຍືອກເຢັນແລະມິດງຽບ, ບໍ່ມີຫຍັງຈະເວົ້າແລະເຫີນຫ່າງປານຄົນບໍ່ຮູ້ຈັກກັນ. ທ່ານເຢິນສຽນສີມອບເພງນີ້ໃຫ້ຄູ່ຮັກກັນໃນໂລກ, ຫວັງໃຫ້ພວກເຂົາເຈົ້າຖະນຸຖະໜອມຜູ້ທີ່ຕົນຮັກແລະຫວງແຫນທີ່ຢູ່ຄຽງຂ້າງ, ຢ່າປະລະຢ່າງງ່າຍໆ.
1 2 3
|
|
