ຕາມ​ຂ່າວສານ​ຊິນ​ຮວາ: ວັນ​ທີ 20 ມິຖຸນາ​ນີ້ ຝ່າຍ​ຕຳຫຼວດອີຣັກກ່າວ​ວ່າ, ​ໃນ​ມື້​ດຽວ​ກັນ ຢູ່​ເມືອງ​ເອີ​ບິນ ທາງ​ພາກ​ເໜືອ​ອີຣັກ​ໄດ້​ເກີດ​ເຫດການ​ລົດຍົນ​ລະ​ເບີດ​ແບບ​ສະຫຼະຊີວິດ, ​ຢ່າງ​ໜ້ອຍ​ມີ11 ຄົນ​ຕາຍ, 100 ກວ່າ​ຄົນ​ບາດ​ເຈັບ.

ຝ່າຍ​ຕຳຫຼວດອີຣັກກ່າວ​ວ່າ, ​ເຫດການ​ລະ​ເບີດ​ໄດ້​ເກີດ​ຂຶ້ນ​ໃນ​ເວລາ​ປະມານ 8 ​ໂມງ​ເຊົ້າ, ​ເປົ້າ​ໝາຍ​ຂອງ​ການຫຼອນ​ໂຈມ​ຕີ​ແມ່ນ​​ແນ່​ໃສ່ຕຳຫຼວດ​ເມືອງ​ເອີ​ບິນ, ​ໃນ​ເວລາ​ນັ້ນ ຢ່າງ​ໜ້ອຍ​ມີ​ຕຳ​ຫຼວດ 200 ກວ່າ​ຄົນ​ພວມ​​ໂຮມ​ແຖວ​ກັນ​ກຽມ​ເຂົ້າຮ່ວມ​ການ​ເຝິກ​ແອບ, ຜູ່​ກໍ່​ເຫດ​ໄດ້​ຂັບ​ລົດ​ຍົນ​ສີ​ແດງ​ຄັນ​ໜຶ່ງ​ຕະລຸມ​ເຂົ້າຖັນ​ແຖວ​ຕຳຫຼວດ​ແລະ​ດຶງ​ຊະ​ນວນ​ລະ​ເບີດ. ຝ່າຍ​ຕຳ​ຫຼວດ​ກ່າວ​ວ່າ, ຍ້ອນ​ຫຼາຍ​ຄົນ​ຖືກ​ບາດ​ເຈັບ​ໜັກ, ຜູ່​ຕາຍຍັງ​ອາດ​ຈະ​​ເພີ່ມ​ຂຶ້ນອີກ.