|
|
 |
| (GMT+08:00)
2005-06-20 19:33:03
|
 |
|
ງານຕະຫຼາດນັດຄຸນມິງແມ່ນແທ່ນແຫ່ງການຮ່ວມມືເສດຖະກິດການຄ້າຈີນ-ລາວ
cri
|
ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ້ຟັງທີ່ໂຄລົບ, ງານຕະຫຼາດນັດຄຸນມິງປີ2005ທີ່ຈັດຂຶ້ນຢູ່ແຂວງຢຸນນານ ພາກຕາເວັນຕົກສຽງໃຕ້ຂອງຈີນໄດ້ອັດລົງໃນວັນທີ10ມິຖຸນານີ້.
ໃນເວລາປິດງານ, ນັກຂ່າວວິທະຍຸພວກເຮົາໄດ້ເຂົ້າສຳພາດທ່ານສຽວສະຫວາດ ສະຫວັນສຶກສາ ຮອງລັດຖະມົນຕີກະຊວງການຄ້າລາວທີ່ມາເຂົ້າຮ່ວມຕະຫຼາດນັດຄຸນມິງຕາມຄຳເຊີນ. ໃນລາຍການມື້ນີ້, ພວກເຮົາຈະແນະນຳເນື້ອໃນລະອຽດຂອງການສຳພາດເທື່ອນີ້.
ແຕ່ປີ1993ຮອດປະຈຸບັນ, ງານຕະຫຼາດນັດຄຸນມິງໄດ້ຈັດຂຶ້ນ13ຄັ້ງຢ່າງສຳເລັດຜົນ. ແຂວງຢຸນນານກັບປະເທດອາຊຽນມີມູນເຊື້ອມິດຕະພາບລະຫວ່າງປະຊາຊົນແລະການໄປມາຫາສູ່ກັນທາງເສດຖະກິດການຄ້າ, ຫໍວາງສະແດງຂອງປະເທດອາຊຽນໃນງານຕະຫຼາດນັດຄຸນມິງໃນປີນີ້, ເຊັ່ນລາວ, ໄທ, ມຽນມາແລະມາເລເຊຍເປັນຕົ້ນລ້ວນແຕ່ມີຂະໜາດໃຫຍ່ກວ່າທຸກປີທີ່ຜ່ານມາ. ທ່ານສຽວສະຫວາດໄດ້ບັນລະຍາຍງານຕະຫຼາດນັດເທື່ອວ່າ:
(ປ່ອຍສຽງ1)
ຕັ້ງແຕ່ເລີ່ມຈັດງານຕະຫຼາດນັດເປັນຕົ້ນມາ, ຝ່າຍລາວກໍແມ່ນແຂກປະຈຳທຸກປີ, ລັດຖະບານລາວກໍໄດ້ເອົາໃຈໃສ່ໃນລະດັບສູງ. ຕາມໄດ້ຊາບ, ວິສາຫະກິດລາວທີ່ເຂົ້າຮ່ວມງານຕະຫຼາດນັດຄຸນມິງໄດ້ເອົາງານເອສໂປຈີນ-ອາຊຽນທີ່ນານນິງກັບງານຕະຫຼາດນັດຄຸນມິງມາປຽບທຽວກັນແລ້ວເຫັນວ່າ, ການເຂົ້າຮ່ວມງານຕະຫຼາດນັດຄຸນມິງມີຄວາມຮູ້ສຶກດີກວ່າ, ເພາະວ່າໃນງານນີ້ພວກເຂົາເຈົ້າໄດ້ຮັບໃບຈອງຊື້ຫຼາຍສະບັບ, ເຄື່ອງວາງສະແດງທີ່ພວກເພິ່ນເອົາມານັ້ນກໍຂາຍໝົດ.
ໃນເວລາແນະນຳສະພາບເຂົ້າຮ່ວມງານວາງສະແດງຂອງຄະນະລາວໃນປີນີ້, ທ່ານສຽວສະຫວາດກ່າວວ່າ,
(ປ່ອຍສຽງ2)
ຕາມນັກຂ່າວຮູ້ວ່າ, ປະຈຸບັນ, ຝ່າຍຢຸນນານພວມຂະຫຍາຍສ້າງຫໍວາງສະແດງໃໝ່ຂອງງານຕະຫຼາດນັດຄຸນມິງ. ພ້ອມກັນນັ້ນ, ຫໍວາງສະແດງອາຊຽນກໍອາດຈະຂະຫຍາຍກວ້າງອອກ. ງານຕະຫຼາດນັດຄຸນມິງໃນຖານເປັນພາກສ່ວນເພີ່ມຕື່ມຂອງການຂະຫຍາຍການພົວພັນເສດຖະກິດການຄ້າແລະດູດດຶງການລົງທຶນຕໍ່ກັນລະຫວ່າງຈີນລາວ, ຕໍ່ໄປພາຍໜ້າ, ຝ່າຍລາວກໍມີໂຄງຄວາມຄຶດຂອງຕົນ:
ປ່ອຍສຽງ3
ທ່ານສຽວສະຫວາດຍັງກ່າວວ່າ, ງານຕະຫຼາດນັດຄຸນມິງແມ່ນແທ່ນຮ່ວມມືເສດຖະກິດການຄ້າລະຫວ່າງຈີນລາວ. ປະຈຸບັນ, ເຂດການຄ້າເສລີຈີນອາຊຽນໄດ້ເຂົ້າສູ່ໄລຍະປະຕິບັດຕົວຈິງແລ້ວ, ງານຕະຫຼາດນັດຄຸນມິງຈະເສີມຂະຫຍາຍບົດບາດສຳຄັນໃນການສ້າງສາເຂດການຄ້າເສລີ. ທ່ານເວົ້າວ່າ:
(ປ່ອຍສຽງ4)
ທ່ານຜູ້ຟັງທີ່ໂຄລົບ, ທີ່ຟັງມານັ້ນແມ່ນບົດສຳພາດທ່ານສຽວສະຫວາດ ສະຫວັນສຶກສາ ຮອງລັດຖະມົນຕີກະຊວງການຄ້າລາວທີ່ພາດຫົວເລື່ອງວ່າ: ງານຕະຫຼາດນັດຄຸນມິງແມ່ນແທ່ນແຫ່ງການຮ່ວມມືເສດຖະກິດການຄ້າຫວ່າງຈີນລາວ.
|
|
|
