|
|
 |
| (GMT+08:00)
2005-06-21 16:19:07
|
 |
|
ການເຄື່ອນໄຫວເຂດຊາຍແດນຈະເລີ່ນແລະເຮັດໃຫ້ປະຊາຊົນຮັ່ງມີໄດ້ສ້າງຄວາມສຸກໃຫ້ແກ່ເມືອງເຫີລົງເຜົ່າມານ
cri
Author: huachunmei
ຫຼັງຈາກປູກໝາກແຕງຫວານແລ້ວ, ກໍໄດ້ຍົກລະດັບຊີວິດການເປັນຢູ່ຂອງຊາວກະສິກອນຕາແສງເຫີລົງໃຫ້ສູງຂຶ້ນກວ່າແຕ່ກ່ອນຢ່າງຫຼວງຫຼາຍ. ບ້ານເຊີຊານໃນຕາແສງດັ່ງກ່າວມີຊາວກະສິກອນເຜົ່າແມນຈູ່ຜູ່ໜຶ່ງຊື່ວ່າປາຍປາວຄູ້. ແຕ່ກ່ອນ, ເພິ່ນປູກແຕ່ເຂົ້າ, ກໍສາມາດກຸ້ມກິນທໍ່ນັ້ນ, ແຕ່ວ່າ, ເມື່ອປີ 1998 , ໄດ້ເລີ່ມປູກໝາກແຕງຫວານຢູ່ໃນຜາມແລ້ວ, ລາຍໄດ້ກໍມີຮອດ 25 ພັນຢວນຕໍ່ປີ. ດຽວນີ້, ທ່ານປາຍປາວຄູ້ໄດ້ຜ່ານຊີວິດອຸດົມຮັ່ງມີພໍສົມຄວນແລ້ວ, ຄົນທັງຫຼາຍໄດ້ຖືເພິ່ນເປັນແບບຢ່າງໃນການສ້າງຮັ່ງຄຸນມີແລະບ້ານອື່ນໆກໍເຊີນເພິ່ນເປັນພະນັກງານເຕັກນິກ.
ໃນປະຈຸບັນ, ຢູ່ເຂດຕາເວັນອອກສ່ຽງເໜືອຂອງຈີນ, ໝາກແຕງຫວານທີ່ປູກຢູ່ຕາແສງເຫີລົງນັ້ນແມ່ນມີຊື່ດົງດັງ. ອົງການປົກຄອງຕາແສງໄດ້ຕັ້ງຕະຫຼາດຈຳໜ່າຍຢູ່ຕາມຕົວເມືອງໃຫຍ່ແລະປານກາງຕ່າງໆຄືເຊີນຢາງ, ຮາເອີປິງແລະຊາງຂຸນເປັນຕົ້ນໃນເຂດຕາເວັນອອກສ່ຽງເໜືອຂອງຈີນ, ອັນເປັນການສ້າງຊ່ອງທາງຈຳໜ່າຍອັນໝັ້ນທ່ຽງໃຫ້ແກ່ຊາວກະສິກອນ. ໂດຍຜ່ານພຶດຕິກຳແລະຊອກຄົ້ນໃນຫຼາຍປີມານີ້, ຊາວກະສິກອນຍັງໄດ້ຕັ້ງໝູ່ຄະນະຮ່ວມສຳພັນກັນຈຳໜ່າຍແລະບໍລິການຮ້ອຍກວ່າຄະນະຕາມສະເໜີໃຫ້ຮູ້ວ່າ, ໝາກແຕງຫວານທີ່ປູກໃນຕາແສງດັ່ງກ່າວມີສ່ວນໜຶ່ງຍັງເອົາອອກໄປຂາຍຢູ່ລັດເຊຍ.
ເມື່ອກ່າວເຖິງການພັດທະນາໃນຂັ້ນຕໍ່ໄປ, ທ່ານຫວ່າງໂຈເຊີນເວົ້າວ່າ, "ແຕ່ນີ້ຕໍ່ໄປ, ຈະຕ້ອງເຈາະຈົງຍົກລະດັບການນຳໃຊ້ວິທະນາສາດເຕັກນິກເຂົ້າໃນການປູກໝາກແຕງຫວານໃຫ້ສູງຂຶ້ນ, ດັດແປງເຕັກນິກເພາະປູກ, ຫຼຸດປະລິມານໃຊ້ຝຸ່ນເຄມີແລະຢາຂ້າສັດຕູພຶດໃຫໜ້ອຍລົງ, ເຮັດໃຫ້ໝາກແຕງຫວານກາຍເປັນເຄື່ອງກິນສີຂຽວແລະເຄື່ອງກິນໄຮ້ສາທາລະນະໄພ, ເມື່ອເຮັດໄດ້ແນວນີ້ແລ້ວ, ກໍເຮັດໃຫ້ຜະລິດຕະພັນດັ່ງກ່າວຍິ່ງຂາຍດີຢູ່ຕາມຕະຫຼາດ."
ເພື່ອອຳນວນວຽກບໍລິການແກ່ຊາວກະສິກອນໃຫ້ດີຂຶ້ນ, ອົງການປົກຄອງຕາແສງເຫີລົງກໍໄດ້ອູ້ມຊູຄອບຄົວຊາວກະສິກອນທີ່ຍັງຫຍຸ້ງຍາກຢູ່, ກູ້ເງິນໃຫ້ພວກເຂົາເຈົ້າເພື່ອປູກໝາກແຕງຫວານ, ຍົກເວັ້ນເກັບພາສີສ່ວນໜຶ່ງຈາກຊາວກະສິກອນທີ່ປູກໝາກແຕງຫວານໃນປີທຳອິດ, ເພື່ອອຳນວຍຄວາມສະດວກໃຫ້ຂາວກະສິກອນສົ່ງຜະລິດຕະພັນອອກໄປຂາຍຢູ່ແຫ່ງອື່ນໆແລະໃຫ້ລົດຕ່າງຖິ່ນເຂົ້າມາຊື້ຢູ່ຕາແສງ. ທາງຕາແສງຍັງກຽມຈະລົງທຶນ 6 ລ້ານກວ່າຢວນເພື່ອແປງແລະດັດສ້າງທາງແລະຂົວ, ພ້ອມທັງວາງແຜນການພາຍໃນເວລາສອງປີຈະສ້າງຕາແສງດັ່ງກ່າວໃຫ້ກາຍເປັນແຫຼ່ງຜະລິດແລະຕະຫຼາດຂາຍຍົກແລະຈຳໜ່າຍໝາກແຕງຫວານນທີ່ໃຫຍ່ກວ່າໝູ່ຢູ່ພາກຕາເວັນອອກສ່ຽງເໜືອຂອງຈີນໃຫ້ສຳເລັດ.
ນອກຈາກປູກໝາກແຕງຫວານແລ້ວ, ຕາແສງເຫີລົງຍັງຈະປູກແລະປຸງແຕ່ງຜະລິດຕະພັນກະສິກຳແລະຜະລິດຕະພັນສຳຮອງອື່ນໆອີກ, ຕົວຢ່າງຄື, ໝາກແຟຼສແລະເຫັດເປັນຕົ້ນ, ພ້ອມທັງຕັ້ງໜ້າດູດດຶງເອົາພໍ່ຄ້າຢູ່ແຫ່ງອື່ນໆມາລົງທຶນລະດົມນ້ຳໃຈບຸກຄົນທີ່ປາຖະໜາຢາກຕັ້ງໂຮງຈັກໂຮງງານ, ເປີດກວ້າງຈຂະໜາດ, ຊອກຫາເສັ້ນທາງຮັ່ງມີສີສຸກໃຫ້ແກ່ຊາວກະສິກອນ.
1 2
|
|
|
