|
|
 |
| (GMT+08:00)
2005-06-21 16:29:09
|
 |
|
ຈີນປະຕິບັດວິທີປົກປ້ອງສິດປະພັນອິນເຕີເນັດດ້ານບໍລິຫານເພື່ອຊຸກຍູ້ວຽກງານປົກປ້ອງສິດປະພັນ(ສຽງ)
cri
Author: mo
|
ໃນຫລາຍປີມານີ້, ຄຽງຄູ່ກັບຂະແໜງການຕາໜ່າງຂໍ້ມູນຂ່າວສານຂອງໂລກພັດທະນາຢ່າງຟົດຟື້ນຄຶກຄື້ນ, ອິນເຕີເນັດໄດ້ກາຍເປັນຊ່ອງທາງສຳຄັນຊະນິດໜຶ່ງໃນການເຜີຍແຜ່ບົດປະພັນ, ແຕ່ໃນຂະນະດຽວກັນ, ການເຄື່ອນໄຫວລ່ວງລະເມີດສິດແລະລັກລອກແບບຢູ່ເທິງອິນເຕີເນັດກໍໄດ້ປະກົດອອກມາຢ່າງຫລວງຫລາຍ, ບັນຫາປົກປ້ອງສິດປະພັນເທິງອິນເຕີເນັດ, ໄດ້ກາຍເປັນຈຸດສຸມທີ່ບັນດາປະເທດໃນໂລກເອົາໃຈໃສ່ນຳ.
ປັດຈຸບັນ, ຈີນຍັງບໍ່ທັນປະກາດກົດໝາຍກົດບັນຍັດທີ່ສົມຄູ່ກັບສິດເຜີຍແຜ່ຂໍ້ມູນຂ່າວສານເທິງອິນເຕີເນັດນັ້ນຢ່າງເປັນທາງການ, ເພື່ອປົກປ້ອງສິດອັນຊອບກົດໝາຍຂອງນັກປະພັນຢ່າງບັງເກີດຜົນ, ໂຈມຕີການລ່ວງລະເມີດສິດແລະລັກລອກແບບປະເພດຕ່າງໆຢູ່ເທິງອິນເຕີເນັດ, ວິທີການປົກປ້ອງສິດປະພັນເທິງອິນເຕີເນັດດ້ານບໍລິຫານທີ່ກົມລິຂະສິດແຫ່ງຊາດຈີນແລະກະຊວງອຸດສາຫະກຳຂໍ້ມູນຂ່າວສານຈີນຮ່ວມກັນລົງນາມນັ້ນໄດ້ປະຕິບັດໃນວັນທີ 30 ພຶດສະພາຢ່າງເປັນທາງການ, ອັນໄດ້ຕາບຈູນບ່ອນເປົ່າຫວ່າງຂອງຈີນໃນດ້ານປົກປ້ອງສິດເຜີຍແຜ່ຂໍ້ມູນຂ່າວສານເທິງເນັດທາງບໍລິຫານ. ທ່ານນາງຈ້າວຊິ້ວຫຼິງ ເຈົ້າໜ້າທີ່ພະແນກລິຂະສິດຂອງກົມລິຂະສິດແຫ່ງຊາດຈີນໃຫ້ສຳພາດຕໍ່ນັກຂ່າວວ່າ:
ພວກຂ້າພະເຈົ້າໄດ້ທົດລອງການກະທຳແນວໜຶ່ງ, ດ້ານໜຶ່ງແມ່ນໂຈມຕີຜູ້ສະໜອງເນື້ອໃນບົດປະພັນທີ່ລ່ວງລະເມີດສິດ, ພ້ອມກັນນັ້ນ, ຕໍ່ຜູ້ທຸລະກິດອິນເຕີເນັດທີ່ໃຫ້ຄວາມຊ່ອຍເຫຼືອແກ່ການເຜີຍແຜ່ເນື້ອໃນດັ່ງກ່າວຢູ່ອິນເຕີເນັດຢ່າງບັງເກີດຜົນນັ້ນ, ກໍໄດ້ກຳນົດໜ້າທີ່ຮັບຜິດຊອບແລະພັນທະອັນແນ່ນອນຕໍ່ພວກເຂົາເຈົ້າ. ປັບປຸງລະບຽບຕາໜ່າງເປັນແບບສະບັບຈາກດ້ານຮັກສາສິດລວມທາງສັງຄົມແລະຮັກສາລະບຽບການສາທາລະນະສັງຄົມ.
ຕາມສະເໜີວ່າ, ຍ້ອນຜູ້ສະໜອງການບໍລິການຂໍ້ມູນຂ່າວສານດ້ານອິນເຕີເນັດຍາກທີ່ຈະເຮັດຕາມພັນທະສຳຫລວດກວດກາເນື້ອໃນທີ່ສະເໜີໂດຍຜູ້ສະໜອງເນື້ອໃນອິນເຕີເນັດຢ່າງຮອບດ້ານ, ສະນັ້ນ, ວິທີການດັ່ງກ່າວໄດ້ກຳນົດວ່າ, ຖ້າອິນເຕີເນັດມີເນື້ອໃນລ່ວງລະເມີດສິດແລະລັກລອກແບບ, ຜູ້ສະໜອງການບໍລິການຂໍ້ມູນຂ່າວສານບໍ່ຮູ້ຈັກ, ແລະກໍບໍ່ຫາບແບກໜ້າທີ່ຮັບຜິດຊອບ, ມີແຕ່ພາຍໃຕ້ກໍລະນີທີ່ໄດ້ຮັບການແຈ້ງການຈາກນັກປະພັນ, ແຕ່ບໍ່ໄດ້ໃຊ້ມາດຕະການທີ່ສົມຄູ່ກັນ, ທັງມີຜົນຮ້າຍຕໍ່ສາທາລະນະປະໂຫຍດນັ້ນ, ຈຶ່ງຫາບແບກໜ້າທີ່ກົດໝາຍດ້ານບໍລິຫານ.
ອາດເວົ້າໄດ້ວ່າ, ຂໍ້ກຳນົດດັ່ງກ່າວໄດ້ສະໜອງ"ເມືອງທ່າປອດໄພ"ໃຫ້ແກ່ຜູ້ສະໜອງການບໍລິການຂໍ້ມູນຂ່າວສານດ້ານອິນເຕີເນັດ. ທ່ານລົງຈິນເຄີ ຫົວໜ້າຫ້ອງການສັງຄົມຂອງສູນຖະແຫລງຂ່າວເວບໄຊqianlongປັກກິ່ງໃຫ້ສຳພາດຕໍ່ນັກຂ່າວວ່າ:
ພາຍຫລັງວາງວິທີການດັ່ງກ່າວນີ້ແລ້ວ, ສິ່ງທີ່ມີຜົນດີຫລາຍທີ່ສຸດສຳລັບຜູ້ທຸລະກິດການ
ບໍລິການຂໍ້ມູນຂ່າວສານດ້ານອິນເຕີເນັດພວກຂ້າພະເຈົ້າກໍແມ່ນ: ສາມາດປ່ຽນແປງສະພາບທີ່ພວກເຮົາຕົກຢູ່ໃນທ່າຮັບການວິວາດກັນດ້ານລິຂະສິດເຊິ່ງປະກົດອອກມາເລື້ອຍໆໃນເມື່ອກ່ອນ. ເວົ້າໃນດ້ານນອກຕົວແລ້ວ, ນີ້ແມ່ນມີຜົນດີຂ້ອນຂ້າງຫລາຍຕໍ່ການພັດທະນາອິນເຕີເນັດ.
ຍ້ອນການເຜີຍແຜ່ຢູ່ເທິງອິນເຕີເນັດແມ່ນວ່ອງໄວແລະສະດວກ, ແຕ່ກ່ອນ, ພາຍຫລັງຜູ້ມີສິດປະພັນປະກົດເຫັນຕົນເອງຖືກລ່ວງລະເມີດສິດແລ້ວ, ຍາກທີ່ຈະຊອກຫາຜູ້ລະເມີດສິດໄດ້, ຍິ່ງຍາກທີ່ຈະລົບລ້າງຜົນສະທ້ອນຍ້ອນການລ່ວງລະເມີດສິດ. ປັດຈຸບັນ, ອິງຕາມວິທີການດັ່ງກ່າວ, ຜູ້ມີສິດປະພັນຖ້າປະກົດເຫັນວ່າ, ເນື້ອໃນທີ່ເຜີຍແຜ່ຢູ່ເທິງອິນເຕີເນັດໄດ້ລ່ວງລະເມີດສິດປະພັນຂອງເຂົາ, ພາຍຫລັງໄດ້ແຈ້ງໃຫ້ຜູ້ສະໜອງການບໍລິການຂໍ້ມູນຂ່າວສານດ້ານອິນເຕີເນັດຊາບແລ້ວ, ຜູ້ສະໜອງການບໍລິການຂໍ້ມູນຂ່າວສານດ້ານອິນເຕີເນັດຄວນໃຊ້ມາດຕະການໃນທັນທີລົບລ້າງເນື້ອໃນທີ່ກ່ຽວຂ້ອງ, ອັນໄດ້ສະກັດກັ້ນການເຄື່ອນໄຫວລ່ວງລະເມີດສິດຢ່າງບັງເກີດຜົນ.
ຕໍ່ເລື່ອງນີ້, ທ່ານວາງຢົງ ທີ່ປຶກສາຊັ້ນສູງຈີນຂອງສະມາຄົມຮູບເງົາອາເມລິກາກ່າວວ່າ:
ພາກສ່ວນທີ່ກ່ຽວຂ້ອງຂອງຈີນປະກາດວິທີການດັ່ງກ່າວ, ແມ່ນເລື່ອງໜ້າຊົມເຊີຍສຳລັບຜູ້ມີສິດໝົດທຸກຄົນປົກປ້ອງສິດປະພັນຂອງຕົນຢູ່ເທິງອິນເຕີເນັດ.
ແຕ່ສຳລັບຜູ້ດຳເນີນການເຄື່ອນໄຫວລັກລອກແບບໂດຍຈຳເພາະເຫຼົ່ານັ້ນແລ້ວ, ການປະຕິບັດວິທີການດັ່ງກ່າວເໝືອນດັ່ງບີບຄໍພວກເຂົາເຈົ້າ. ຕົວຢ່າງຄື: ຫວ່າງມໍ່ໆນີ້, ສະມາຄົມຂະແໜງການແຜ່ນສຽງສາກົນກ່າວຟ້ອງຕໍ່ກົມລິຂະສິດແຫ່ງຊາດຈີນວ່າ, ໃນສອງປີມານີ້, ມີເວບໄຊແຫ່ງໜຶ່ງສະໜອງການບໍລິການໃຫ້ຜູ້ໃຊ້ອິນເຕີເນັດດາວເພງຈີນທີ່ຖືກປົກປ້ອງລິຂະສິດຢ່າງຂະໜາດໃຫຍ່, ທັງປ່ຽນທີ່ຢູ່IPເລື້ອຍໆ, ເພື່ອຫຼົບຫຼີກການສືບສວນ. ອິງຕາມວິທີການໃໝ່, ຕາບໃດ ຂະແໜງການຄຸ້ມຄອງສິດປະພັນຮັບຮູ້ຕາມກົດໝາຍວ່າແມ່ນເວບໄຊທີ່ລັກລອກແບບ, ຂະແໜງການຄຸ້ມຄອງຂໍ້ມູນຂ່າວສານຂອງລັດຖະບານຫລືອົງການຄຸ້ມຄອງໂທລະຄົມທ້ອງຖິ່ນຈະຊຳລະຕາມກົດໝາຍທີ່ກ່ຽວຂ້ອງຫລືກົດບັນຍັດການບໍລິຫານ.
ຕາມຊາບວ່າ, ປັດຈຸບັນ, ຫ້ອງການລະບອບກົດໝາຍຂອງຄະນະລັດຖະບານຈີນໄດ້ຈັດເອົາການປົກປ້ອງສິດເຜີຍແຜ່ຂໍ້ມູນຂ່າວສານເທິງເນັດເຂົ້າໃນແຜນການນິຕິບັນຍັດປີ 2005, ການນິຕິບັນຍັດດັ່ງກ່າວຈະພິຈາລະນາການປົກປ້ອງສິດປະພັນເທິງອິນເຕີເນັດຢ່າງຮອບດ້ານ.
|
|
|
