|
|
 |
| (GMT+08:00)
2005-06-22 09:51:30
|
 |
|
ທ່ານບຸສປະທານາທິບໍດີອາເມລິກາພົບປະເຈລະຈາກັບທ່ານຟານວັນຄາຍ ນາຍົກລັດຖະມົນຕີຫວຽດນາມ
cri
Author: q
ຕາມຂ່າວCRI,ວັນທີ21ມິຖຸນາ,ຢູ່ວໍຊິງຕັນ,ທ່ານບຸສ ປະທານາທິບໍດີອາເມລິກາໄດ້ພົບປະເຈລະຈາກັນກັບທ່ານຟານວັນຄາຍ ນາຍົກລັດຖະມົນຕີຫວຽດນາມທີ່ໄປຢ້ຽມຢາມ.ສອງຝ່າຍໄດ້ແລກປ່ຽນຄຳເຫັນກ່ຽວກັບການເພີ່ມທະວີການພົວພັນດ້ານເສດຖະກິດການຄ້າແລະການທະຫານ,ການຮ່ວມມືດ້ານຄວາມປອດໄພລະຫວ່າງສອງປະເທດແລະບັນຫາອື່ນໆ.
ທ່ານບຸສໄດ້ສະແດງຄວາມຍ້ອງຍໍຕໍ່ການພັດທະນາເສດຖະກິດໃນປັດຈຸບັນຂອງຫວຽດນາມ,ພ້ອມທັງຂອບອົກຂອບໃຈນຳລັດຖະບານຫວຽດນາມທີ່ໃຫ້ການຮ່ວມມືແລະການສະໜັບສະໜູນໃນການຊອບຫາຊາກກະດູກທະຫານອາເມລິກາທີ່ເສຍຊີວິດໃນສົງຄາມຫວຽດນາມ.
ທ່ານຟານວັນຄາຍກ່າວວ່າ,ການຢ້ຽມຢາມອາເມລິກາຂອງທ່ານເທື່ອນີ້ເປັນຂີດໝາຍສະແດງໃຫ້ເຫັນວ່າການພົວພັນຫວຽດນາມ-ອາເມລິກາໄດ້ກ້າວຂຶ້ນສູ່ຂັ້ນໄດໃໝ່.
ຕາມໄດ້ຊາບ,ໃນມື້ດຽວກັນ,ທ່ານຟານວັນຄາຍຍັງຈະຈັດການເຈລະຈາກັບທ່ານລາມສຟີວ ລັດຖະມົນຕີກະຊວງປ້ອງກັນປະເທດອາເມລິກາກ່ຽວກັບບັນຫາຊົມໃຊ້ຂ່າວກອງນຳກັນແລະການຮ່ວມມືຕ້ານການກໍ່ການຮ້າຍ.ແລະຈະເຊັນສັນຍາ ກັບຝ່າຍອາເມລິກາກ່ຽວກັບການອະນຸຍາດໃຫ້ຊາວອາເມລິກາຮັບລ້ຽງລູກກຳພ້າກຳພອຍຫວຽດນາມ.
|
|
|
