|
|
(GMT+08:00)
2005-06-22 16:10:45
|
|
ຢູ່ປະເທດອາຊີອາຄະເນໄດ້ກໍ່ສ້າງພື້ນຖານໂຄງລ່າງຮອບໃໝ່ຢ່າງເປັນກະແສ(ສຽງ)
cri
Author: da
ຕາມໄດ້ຊາບ,ເພື່ອກະຕຸກເສດຖະກິດເຕີບໂຕ,ປະຈຸບັນ ຢູ່ປະເທດອາຊີອາຄະເນໄດ້ກໍ່ສ້າງພື້ນຖານໂຄງລ່າງຮອບໃໝ່ຢ່າງເປັນກະແສຟົດຟື້ນ.
ແຕ່ປີນີ້ເປັນຕົ້ນມາ,ປະເທດອາຊີອາຄະເນຄືອິນໂດເນເຊຍ ໄທ ມາເລເຊຍເປັນຕົ້ນໄດ້ເລີ່ມກໍ່ສ້າງພື້ນຖານໂຄງລ່າງຢ່າງຂະໜາດໃຫຍ່.
ເດືອນມັງກອນ,ອິນໂດເນເຊຍປະກາດຈະລົງທຶນ 145 ຕື້ໂດລາສະຫະລັດເພື່ອກໍ່ສ້າງພື້ນຖານໂຄງລ່າງ,ແລະໄດ້ວາງແຜນການ 5 ປີ.ທຶນຮອນສຳຄັນໄດ້ຈາກເງິນກູ້ຢືມຈາກອົງການກອງທຶນສາກົນ,ເງິນກູ້ຢືມງວດທຳອິດມີ 22 ຕື້ 500 ລ້ານໂດລາສະຫະລັດ,ລວມ 91 ໂຄງການ,ໃນນັ້ນມີໂຮງໄຟຟ້າເຜົາຖ່ານຫີນສອງແຫ່ງ ໂຄງການຂະຫຍາຍສ້າງສະໜາມບິນຢາກາກຕາແລະທໍ່ສົ່ງອາຍແກັສທຳມະຊາດທີ່ຕົກເປັນມູນຄ່າ 1 ຕື້ 470 ລ້ານໂດລາສະຫະລັດ,ໂຄງການເຫຼົ່ານີ້ຈະເລີ່ມກໍ່ສ້າງໃນທ້າຍປີນີ້.
ເດືອນເມສາ,ມາເລເຊຍປະກາດວ່າ ຈະລົງທຶນ 4 ຕື້ 400 ລ້ານໂດລາສະຫະລັດ,ດັດແປງທາງລົດໄຟໃຫ້ທັນສະໄໝພາຍໃນ 5 ປີຂ້າງໜ້າ,ນອກນີ້ພວມວາງແຜນສ້າງໂຄງການຂະໜາດນ້ອຍ 625 ໂຄງການ.
ໃນຂະນະດຽວກັນ,ລັດຖະບານໄທກໍຜ່ານໂຄງການກໍ່ສ້າງພື້ນຖານໂຄງລ່າງ 5 ປີທີ່ມີມູນຄ່າກໍ່ສ້າງ 59 ຕື້ໂດລາສະຫະລັດ,ຕົ້ນຕໍແມ່ນສ້າງທາງລົດໄຟໃຕ້ດິນສາຍໃໝ່ ທາງລົດໄຟລາງເບົາແລະຄັນຄູຂ້າມອ່າວໄທ.
ຕາມສະຖິຕິຂອງບອສຕັນສິນເຊື່ອທີໜຶ່ງຂອງສວິສ ເຊິ່ງເປັນທະນາຄານລົງທຶນ,ສະເພາະແຕ່ປີ 2005 ປີດຽວ,ປະເທດອາຊີອາຄະເນກໍໄດ້ລົງທຶນ 30 ຕື້ໂດລາສະຫະລັດເຂົ້າໃນໂຄງການກໍ່ສ້າງພື້ນຖານໂຄງລ່າງ.
ຈຸດປະສົງກົກຮາກຂອງນປະເທດອາຊີອາຄະເນທີ່ກໍ່ສ້າງພື້ນຖານໂຄງລ່າງຢ່າງເປັນກະແສນັ້ນແມ່ນຢາກກະຕຸກເສດຖະກິດໃຫ້ເຕີບໂຕ.ໃນຫຼາຍປີທີ່ຜ່ານມາ,ປະເທດອາຊີອາຄະເນບໍ່ຢາກກໍ່ສ້າງໂຄງການໃໝ່ແລະປັບປຸງພື້ນຖານໂຄງລ່າງໂດຍຕະຫຼອດ.ຄຽງຄູ່ກັບການບໍລິໂພກສ່ວນຕົວຫຼຸດໜ້ອຍລົງຊູ່ປີ,ເຈົ້າໜ້າທີ່ລັດຖະບານປະເທດອາຊີອາຄະເນເລີ່ມເຊື່ອວ່າ,ການເພີ່ມທະວີຄ່າໃຊ້ຈ່າຍຂອງລັດຖະບານແລະຄ່າໃຊ້ຈ່າຍສາທາລະນະຈະຊ່ອຍຊຸກຍູ້ເສດຖະກິດໃຫ້ເຕີບໂຕ.ນັກເສດຖະສາດຂອງທະນາຄານແຫ່ງໜຶ່ງຢູ່ສິງກະໂປເຫັນວ່າ,ແຕ່ກ່ອນ ປະເທດອາຊີອາຄະເນລົງທຶນໃນການກໍ່ສ້າງພື້ນຖານໂຄງລ່າງບໍ່ພຽງພໍ,ປະຈຸບັນ ພວກເຂົາເຈົ້າໄດ້ສຳນຶກຮູ້ຄວາມສຳຄັນຂອງການກໍ່ສ້າງພື້ນຖານໂຄງລ່າງແລ້ວ,ແລະກຽມຈະລົງມືແກ້ໄຂບັນຫາໃນດ້ານນີ້.
ບັນດາປະເທດອາຊີອາຄະເນປັບປຸງພື້ນຖານໂຄງລ່າງ ຕ້ອງການທຶນຮອນຫຼາຍຕື້ຈົນຫຼາຍສິບຕື້,ເງິນກ້ອນນີ້ມາຈາກໃສ?ອິນໂດເນເຊຍເຄີຍເວົ້າວ່າ,ຄຽງຄູ່ກັບເສດຖະກິດແລະລາຍຮັບເພີ່ມຂຶ້ນ,ອິນໂດເນເຊຍມີຄວາມສາມາດຫາບແບກຄ່າກໍ່ສ້າງພື້ນຖານໂຄງລ່າງປະມານ 20%.ແຕ່ທີ່ຈິງແລ້ວ ທຶນກໍ່ສ້າງພື້ນຖານໂຄງລ່າງຂອງອິນໂດເນເຊຍແລະປະເທດອາຊີອາຄະເນອື່ນໆ,ສ່ວນຫຼາຍໄດ້ມາຈາກການຈຳໜ່າຍພັນທະບັດແລະກູ້ຢືມຈາກອົງການກອງທຶນສາກົນແລະທະນາຄານໂລກ.ປະຈຸບັນ,ອິນໂດເນເຊຍແລະມາເລເຊຍພວມສົ່ງເສີມໃຫ້ແຜນການລ້ຽງດູຜູ້ເຖົ້າຂອງລັດຖະບານລົງທຶນເຂົ້າໃນໂຄງການກໍ່ສ້າງພື້ນຖານໂຄງລ່າງ,ໄທແລະມາເລເຊຍກໍໄດ້ຜ່ານຮັບຮອງກົດໝາຍສະບັບໃໝ່,ອະນຸຍາດໃຫ້ບໍລິສັດສ່ວນຕົວກໍ່ສ້າງແລະທຸລະກິດທາງຫຼວງທີ່ເກັບຄ່າຜ່ານແລະສ້າງໂຮງໄຟຟ້າເພື່ອຜົນກຳໄລ,ອິນໂດເນເຊຍກໍພິຈາລະນາວາງຂໍ້ກຳນົດຄ້າຍຄືກັນເຂົ້າໃນກົດໝາຍປະເທດຕົນ.
ແຕ່ບຸກຄົນວົງການທະນາຄານພັດເປັນຫ່ວງບັນດາປະເທດອາຊີອາຄະເນເປີດກວ້າງການກໍ່ສ້າງພື້ນຖານໂຄງລ່າງຂະໜາດໃຫຍ່ເກີນໄປ,ພວກເຂົາເຈົ້າເຫັນວ່າ,ສະພາບແວດລ້ອມການລົງທຶນຂອງປະເທດອາຊີອາຄະເນບໍ່ໄດ້ປ່ຽນແປງໃນດ້ານທາດແທ້,ຢາກໄດ້ທຶນຕ່າງປະເທດຍັງຍາກຫຼາຍ.ນັກເສດຖະສາດຜູ້ໜຶ່ງຂອງຢາກາກຕາເຫັນວ່າ,ພື້ນຖານໂຄງລ່າງທີ່ຂີ້ຮ້າຍຂອງອິນໂດເນເຊຍແມ່ນສິ່ງທີ່ເຮັດໃຫ້ຜູ້ລົງທຶນຂອງຕ່າງປະເທດມີຄວາມເປັນຫ່ວງຕະຫຼອດມາ,ອາໄສພື້ນຖານໂຄງລ່າງທີ່ສົນລະວົນປານນີ້ຢາກດູດດຶງທຶນຕ່າງປະເທດແມ່ນຍາກຫຼາຍ,ແຕ່ອິນໂດເນເຊຍພັດຕ້ອງການທຶນຕ່າງປະເທດໂດຍດ່ວນເພື່ອຊຸກຍູ້ການປະຕິບັດໂຄງການກໍ່ສ້າງພື້ນຖານໂຄງລ່າງ,ນີ້ຈັ່ງແມ່ນບັນຫາທີ່ຍາກທັງສອງດ້ານ.
ເຖິງວ່າຈະເປັນແນວນີ້ກໍຕາມ,ໃນອະນາຄົດ,ຢູ່ອາຊີອາຄະເນຍັງມີຫຼາຍໂຄງການພື້ນຖານໂຄງລ່າງຕ້ອງກໍ່ສ້າງ.ຕາມສະຖິຕິຂອງພະແນກຮ່ວມມືສາກົນຂອງທະນາຄານຍີ່ປຸ່ນ,ພາຍໃນ 5 ປີຂ້າງໜ້າ,ປະເທດອາຊີອາຄະເນທີ່ພວມພັດທະນາຈະຕ້ອງການທຶນປະມານ 1 ພັນຕື້ໂດລາສະຫະລັດເພື່ອດັດແປງທາງຫຼວງ ໂຮງໄຟຟ້າ ຊົນລະປະທານແລະໂທລະຄົມເປັນຕົ້ນ.ນັກເສດຖະສາດເວົ້າວ່າ,ຍ້ອນວ່າການພັດທະນາເສດຖະກິດຂອງປະເທດອາຊີອາຄະເນຄືໄທແລະມາເລເຊຍເປັນຕົ້ນຍັງຊ້າຢູ່,ການກໍ່ສ້າງພື້ນຖານໂຄງລ່າງຮອບໃໝ່ແມ່ນປັດໄຈທີ່ຂາດເຂີນບໍ່ໄດ້ໃນການກະຕຸກເສດຖະກິດໃຫ້ເຕີບໂຕ.
|
|
|