|
ຕາມຂ່າວສານຊິນຮວາ: ວັນທີ 21 ມິຖຸນານີ້ ຢູ່ທຳນຽບຂາວ, ພາຍຫຼັງທ່ານບຸສ ປະທານາທິບໍດີອາເມລິກາກັບທ່ານຟານວັນຄາຍ ນາຍົກລັດຖະມົນຕີຫວຽດນາມທີ່ມາຢ້ຽມຢາມໄດ້ເຈລະຈາກັນແລ້ວ ສອງຝ່າຍໄດ້ອອກຖະແຫຼງການຮ່ວມ ໂດຍກ່າວວ່າ ສອງປະເທດຈະຂະຫຍາຍການພົວພັນຄູ່ຂາຮ່ວມມືທີ່ມີໄມຕີຈິດ ລັກສະນະສ້າງສັນແລະຫຼາຍດ້ານບົນພື້ນຖານສະເໝີພາບ ໂຄລົບເຊິ່ງກັນແລະກັນແລະຕ່າງຝ່າຍຕ່າງມີຜົນປະໂຫຍດ.
ຖະແຫຼງການຂຽນວ່າ, ການພົບປະເທື່ອນີ້ພໍດີແມ່ນໃນໂອກາດການພົວພັນອາເມລິກາຫວຽດນາມຫັນເປັນປົກກະຕິຄົບຮອບ 10 ປີ, ຜູ່ນຳທັງສອງໄດ້ສະແດງຄວາມເພິ່ງພໍໃຈນຳຄວາມຄືບໜ້າຂອງການພົວພັນລະຫວ່າງສອງຝ່າຍ. ສອງຝ່າຍກ່າວວ່າ ຈະສືບຕໍ່ສົນທະນາກັນຢ່າງເປີດເຜີຍແລະກົງໄປກົງມາ.
ຖະແຫຼງການຂຽນວ່າ, ທ່ານບຸສກ່າວວ່າ ອອກແຮງສະໜັບສະໜູນຫວຽດນາມເຂົ້າຮ່ວມອົງການການຄ້າໂລກ. ຜູ່ນຳທັງສອງເຫັນດີພ້ອມກັນພະຍາຍາມ ສ້າງເງື່ອນໄຂທີ່ມີຜົນດີໃຫ້ອາເມລິກາລົງທຶນຢູ່ຫວຽດນາມເພີ່ມຂຶ້ນ.
|
