|
ຕາມຂ່າວCRI: ວັນທີ 22 ມິຖຸນານີ້ ກອງປະຊຸມສາກົນກ່ຽວກັບບັນຫາອີຣັກທີ່ໄຂເປັນເວລາມື້ໜຶ່ງຢູ່ທີ່ບຼູແຊນໄດ້ປິດປະຊຸມ. ກອງປະຊຸມໄດ້ອອກຖະແຫຼງການຮ່ວມ, ໂດຍໃຫ້ຄຳໝັ້ນສັນຍາວ່າ ຈະສືບຕໍ່ສະໜັບສະໜູນຂະບວນວິວັດສ້າງສາຄືນໃໝ່ຂອງອີຣັກດ້ານການເມືອງ ເສດຖະກິດແລະສັງຄົມ, ແຕ່ບໍ່ໄດ້ສະເໜີມາດຕະການຊ່ອຍເຫຼືອອັນລະອຽດ.
ຖະແຫຼງການໄດ້ຮຽກຮ້ອງບັນດາຝ່າຍຂອງອີຣັກຈົ່ງເຂົ້າຮ່ວມຂະບວນວິວັດການເມືອງອີຣັກໂດຍໄວ, ແລະເຕືອນໃຫ້ລັດຖະບານຂ້າມຜ່ານຂອງອີຣັກທຳຄວາມພະຍາຍາມຫຼາຍກວ່າເກົ່າໃນດ້ານນີ້.
ຖະແຫຼງການຍັງເຕືອນໃຫ້ອີຣັກແລະປະເທດອ້ອມຂ້າງອີຣັກຮ່ວມມືກັນໃນດ້ານຄວາມປອດໄພຕາມເຂດຊາຍແດນ, ຮຽກຮ້ອງໃຫ້ໝົດທຸກປະເທດຟື້ນຟູຫຼືເພີ່ມທະວີການພົວພັນທາງການທູດກັບອີຣັກ, ຮຽກຮ້ອງໃຫ້ປະເທດທີ່ກ່ຽວຂ້ອງຫຼຸດຫຼືຍົກເວັ້ນໜີ້ສິນຂອງອີຣັກ.
ທ່ານລີຈ້າວຊິງ ລັດຖະມົນຕີການຕ່າງປະເທດຈີນທີ່ຮ່ວມປະຊຸມໄດ້ບັນລະຍາຍເຈດຈຳນົງສາມຂໍ້ຂອງລັດຖະບານຈີນໃນບັນຫາອີຣັກຈາກມຸມການເມືອງ ຄວາມປອດໄພແລະເສດຖະກິດ.
|
