ຕາມ​ຂ່າວ​ຈາກ​ໜັງສືພິມ​ເຢັນ​ໝິນຢື້​ປ້າວ​ຂອງ​ຈີນ: ຫວ່າງ​ມໍ່ໆ​ນີ້ ພາກສ່ວນ​ທີ່​ກ່ຽວ​ຂ້ອງ​ຂອງ​ລັດ​ຖະ​ບານຈີນ​ໄດ້​ປະກາດ​ເອກະສານ, ຈັດ​ວາງ​ການ​ກໍ່ສ້າງ​ກິດຈະການ​ດ່ວນ​ແຫ່ງ​ຄວາມ​ປອດ​ໄພ​ດ້ານ​ນ້ຳ​ກິນ​ໃນ​ຊົນນະບົດ, ​ໃນ​ປີ​ນີ້​ແລະ​ປີໜ້າ, ຈະ​ເຮັດ​ໃຫ້​ປະຊາ​ກອນ​ໃນ​ຊົນນະ​ບົດ 21 ລ້ານ​ຄົນ​ມີ​ນ້ຳ​ສະ​ອາດ​ກິນ.

ຕາມ​ໄດ້​ຊາບ​, ປະຈຸ​ບັນ ຢູ່​ຈີນ​ມີ​ປະຊາກອນ​ຊົນນະບົດ 300 ລ້ານ​ກວ່າ​ຄົນ​ບໍ່​ມີ​ຄວາມ​ປອດ​ໄພ​ດ້ານ​ນ້ຳ​ກິນ. ​ກິດຈະການ​ດ່ວນ​ທີ່​ເລີ່​ມສ້າງ​ໃນ​ປີ​ນີ້ ຕົ້ນຕໍ​ຈະ​ແກ້​ໄຂ​ບັນຫາ​ທາດ​ນ້ຳ​ໃນ​ເຂດ​ທີ່​ສານ​ຟຼູ​ໂອ​ລິນ​ສູງ ສານ​ອາ​ເຊ​ນິກ​ສູງ ນ້ຳ​ຂົມ​​ແລະ​ເຄັມ ນ້ຳ​ເຊື່ອມ​ພິດ​ແລະ​ໃນ​ນ້ຳ​ມີ​ແມ່​ພະ​ຍາດໝາກ​ເຫຼືອງ​ເປັນຕົ້ນ, ​ແລະ​ແກ້​ໄຂ​ບັນຫາ​ທີ່​ຢູ່​ບາງ​ທ້ອງ​ຖິ່ນ​ມີນ້ຳ​ກິນ​ບໍ່​ພຽງ​ພໍ.