|
|
 |
| (GMT+08:00)
2005-06-24 10:39:59
|
 |
|
ລັດຖະບານຈີນຄັນຢາກປະຕິບັດຫລັກການບໍລິຫານງານຕາມກົດໝາຍຍັງຕ້ອງທຳຄວາມພະຍາຍຈາກຫລາຍດ້ານ
cri
Author: mo
ນັບມາຮອດວັນທີ 1 ກໍລະກົດປີນີ້, ກົດໝາຍອະນຸຍາດການບໍລິຫານທີ່ມີຈຸດປະສົງເຮັດໃຫ້ສິດອຳນາດແລະການກະທຳຂອງລັດຖະບານເປັນແບບສະບັບນັ້ນໄດ້ປະຕິບັດເປັນເວລາ 1 ປີແລ້ວ. ຫາງສຽງເຫັນໂດຍທົ່ວໄປວ່າ, ການປະຕິບັດກົດໝາຍສະບັບນີ້ໄດ້ເສີມຂະຫຍາຍບົດບາດອັນໃຫຍ່ຫລວງຕໍ່ຈີນສ້າງລັດຖະບານທີ່ປົກຄອງຕາມກົດໝາຍແລະປະຕິບັດຫລັກການບໍລິຫານຕາມກົດໝາຍ. ໃນກອງປະຊຸມເວທີປາໄສນັກນິຕິສາດທີ່ຈັດຂຶ້ນຢູ່ປັກກິ່ງແລະອັດລົງໃນວັນທີ 19 ມິຖຸນາ, ທ່ານມາຫວຍເຕີ ນັກນິຕິສາດທີ່ມີຊື່ສຽງຂອງຈີນສະເໜີວ່າ, ໂດຍແນໃສ່ສະພາບການປະຕິບັດກົດໝາຍວ່າດ້ວຍການອະນຸຍາດການບໍລິຫານ, ລັດຖະບານຈີນຍັງຕ້ອງທຳຄວາມພະຍາຍາມຈາກຫລາຍດ້ານ, ເພື່ອປະຕິບັດຫລັກການບໍລິຫານຕາມກົດໝາຍຢ່າງແທ້ຈິງ.
ການບໍລິຫານຕາມກົດໝາຍແມ່ນຄວາມຮຽກຮ້ອງພື້ນຖານລາຍໜຶ່ງຂອງຈີນທີ່ມີຕໍ່ອົງການບໍລິຫານຂອງລັດໃນເວລາຊຸກຍູ້ການປະຕິຮູບໂຄງປະກອບການເມືອງ, ແລະກໍແມ່ນແບບວິທີແລະຫລັກມາດຖານອັນພື້ນຖານຂອງລັດຖະບານໃນການປະຕິບັດງານໃນໄລຍະໃໝ່. ເນື້ອໃນແກນກາງຂອງ"ກົດໝາຍວ່າດ້ວຍການອະນຸຍາດການບໍລິຫານ"ແມ່ນເຮັດໃຫ້ສິດແລະພາລະບົດບາດຂອງລັດຖະບານຈຳກັດຢູ່ໃນການສະໜອງຜະລິດຕະພັນການບໍລິການສາທາລະນະທີ່ມີຄຸນນະພາບດີຢ່າງບັງເກີດຜົນແລະສ້າງສະພາບແວດລ້ອມແຫ່ງການປົກຄອງຕາມກົດໝາຍທີ່ມີຜົນດີຕໍ່ການພັດທະນາເສດຖະກິດຕະຫລາດ. ທ່ານມາຫວຍເຕີ ນັກນິຕິສາດທີ່ມີຊື່ສຽງຂອງຈີນ ແລະສາສະດາຈານມະຫາວິທະຍາໄລການເມືອງແລະກົດໝາຍຈີນເຫັນວ່າ, ເຖິງວ່າກົດໝາຍອະນຸຍາດການບໍລິຫານໄດ້ປະຕິບັດໜຶ່ງປີແລ້ວ, ແຕ່ສັງຄົມຈີນຍັງມີບັນຫາສັງຄົມຈຳນວນໜຶ່ງຍ້ອນອົງການລັດຖະບານໃຊ້ອຳນາດທົ່ວທີບຫລືເໜືອອຳນາດ. ຕໍ່ເລື່ອງນີ້, ທ່ານກ່າວວ່າ:
ທີ່ຈິງແລ້ວ, ບັນຫາສັງຄົມ ການປະທະກັນທາງສັງຄົມຊະນິດຕ່າງໆລ້ວນແຕ່ເກີດຂຶ້ນຍ້ອນອົງການລັດບໍ່ໄດ້ບໍລິຫານຕາມກົດໝາຍຢ່າງເຄັ່ງຄັດ, ຫລືໃຊ້ອຳນາດທົ່ວທີບ, ເໜືອອຳນາດ. ສະນັ້ນ, ຄັນຢາກແກ້ໄຂບັນຫາການບໍລິຫານຕາມກົດໝາຍກໍຕ້ອງເຮັດໃຫ້ການບໍລິຫານຫັນເປັນລະບອບກົດໝາຍກ່ອນ.
ເມື່ອກ່າວເຖິງຊ່ອງທາງຕົວຈິງຫັນການບໍລິຫານເປັນລະບອບກົດໝາຍ, ທ່ານມາຫວຍເຕີເຫັນວ່າ, ໂດຍແນໃສ່ບັນຫາທີ່ມີຢູ່ໃນລະບອບກົດໝາຍການບໍລິຫານຂອງລັດ, ລັດຖະບານຄວນພະຍາຍາມໃນ 5 ດ້ານເຊັ່ນ:ເພີ່ມທັດສະນະຄະຕິກົດໝາຍຂອງເຈົ້າໜ້າທີ່ບໍລິຫານແລະລັດຖະກອນ; ເຮັດໃຫ້ພາລະບົດບາດຂອງທຸກອົງການເປັນແບບສະບັບ; ແກ້ໄຂບັນຫາເຮັດໃຫ້ການນິຕິບັນຍັດເປັນແບບປະຊາທິປະໄຕແລະເປີດເຜີຍ, ທັງຮັບປະກັນການປະຕິບັດກົດໝາຍ; ສ້າງກົດໄກກະຕຸກຄວາມຫ້າວຫັນແລະໜ້າທີ່ຮັບຜິດຊອບເປັນຕົ້ນ.
ໃນນັ້ນ, ການເຮັດໃຫ້ອົງການປົກຄອງລັດແລະພາລະບົດບາດຂອງລັດເປັນແບບສະບັບຖືກທ່ານມາຫວຍເຕີເຫັນວ່າແມ່ນໜ້າທີ່ອັນຮີບດ່ວນ. ທ່ານມາຫວຍເຕີຊີ້ອອກວ່າ, ແຕ່ປະຕິບັດກົດໝາຍອະນຸຍາດການບໍລິຫານໃນ 1 ປິມານີ້, ເຖິງວ່າພາລະບົດບາດອື່ນໆໃນຫລາຍອົງການບໍລິຫານໄດ້ຖືກຍົກເລີກ, ພຽງແຕ່ຢູ່ຂັ້ນຄະນະລັດຖະບານກໍໄດ້ຍົກເລີກວຽກງານພິຈາລະນາອະນຸມັດ 2 ພັນກວ່າລາຍ, ແຕ່ປະສິດທິພາບເຮັດວຽກຂອງອົງການລັດຍັງບໍ່ເດັ່ນຊັດ. ທ່ານເວົ້າວ່າ:
ຄັນຢາກແກ້ໄຂການຫັນປ່ຽນພາລະບົດບາດຂອງອົງການລັດ, ກຳນົດພາລະບົດບາດເປັນແບບກົດໝາຍ, ກໍຕ້ອງວາງກົດໝາຍຈັດຕັ້ງການບໍລິຫານ"ໂດຍໄວເທົ່າທີ່ຈະໄວໄດ້. ໃຊ້ແບບວິທີກົດໝາຍມອບສິດຕຳແໜ່ງໃຫ້ລັດຖະບານຢ່າງສົມຄູ່ກັນ, ຮັບປະກັນໃຫ້ລັດຖະບານປະຕິບັດສິດພາຍໃນຂອບເຂດສິດ. ພ້ອມກັນນັ້ນ, ຕ້ອງດຳເນີນການປະຕິຮູບຢ່າງເຖິງກົກເຖິງຮາກ, ຮັບປະກັນໃຫ້ພາລະບົດບາດຂອງອົງການລັດຈຳກັດໃນພາລະບົດບາດທີ່ຕັດສິນນະໂຍບາຍ ປະຕິບັດແລະຕິດຕາມກວດກາ ເຊິ່ງກົດໝາຍມອບໝາຍໃຫ້.
ທ່ານມາຫວຍເຕີຍັງກ່າວວ່າ, ຂໍກະແຈຂອງການບໍລິຫານຕາມກົດໝາຍແມ່ນຍົກສູງຄຸນນະພາບນິຕິບັນຍັດແລະຫັນເປັນປະຊາທິປະໄຕ, ທັງເພີ່ມປະສິດທິພາບຕົວຈິງໃນການປະຕິບັດກົດໝາຍ. ທ່ານມາຫວຍເຕີກ່າວວ່າ,
ຂ້າພະເຈົ້າເຫັນວ່າ, ໜ້າທີ່ອັນຮີບດ່ວນໃນການແກ້ໄຂບັນຫານິຕິບັນຍັດແມ່ນແກ້ໄຂບັນຫາເຮັດໃຫ້ການນິຕິບັນຍັດເປັນແບບປະຊາທິປະໄຕແລະເປີດເຜີຍ, ຮັບປະກັນໃຫ້ປະຊາຊົນເຂົ້າຮ່ວມ, ຮັບປະກັນທ່າທີເປັນກາງຂອງການນິຕິບັດຍັດ. ນອກນີ້, ພວກຂ້າພະເຈົ້າຄວນຊຳລະການພົວພັນລະຫວ່າງກນວາງກົດໝາຍໃໝ່ກັບການປັບປຸງກົດໝາຍເກົ່າໃຫ້ດີ, ໃນການປະຕິບັດກົດໝາຍຕົວຈິງ, ຮັບປະກັນໃຫ້ອົງການປະຕິບັດກົດໝາຍມີສິດປະຕິບັດກົດໝາຍຢ່າງເປັນອິດສະຫຼະ, ນີ້ແມ່ນດ້ານສຳຄັນກວ່າໝູ່ໃນການບໍລິຫານຕາມກົດໝາຍ.
|
|
|
