|
ຕາມຂ່າວCRI: ວັນທີ 23 ມິຖຸນານີ້ ຢູ່ທີ່ເຊອຸນ, ການເຈລະຈາຂັ້ນລັດຖະມົນຕີຄັ້ງທີ 15 ລະຫວ່າງສ.ເກົາຫຼີກັບສ.ປ.ປ.ເກົາຫຼີໄດ້ສິ້ນສຸດລົງ, ສອງຝ່າຍໄດ້ກ້າວເຖິງຂັ້ນຕົກລົງກັນ 12 ສະບັບ ຄື ແກ້ໄຂບັນຫານິວເຄຼຍແຫຼມເກົາຫຼີດ້ວຍສັນຕິວິທີ ດຳເນີນການຮ່ວມມືທາງມະນຸດສະທຳແລະຟື້ນຟູການເຈລະຈາຂັ້ນນາຍພົນເປັນຕົ້ນ.
ປະກາດແຈ້ງຂ່າວຮ່ວມທີ່ປະກາດຫຼັງການເຈລະຈາສິ້ນສຸດລົງໄດ້ຂຽນວ່າ, ສອງຝ່າຍເໜືອໃຕ້ຖືແຫຼມເກົາຫຼີປາສະຈາກນິວເຄຼຍເປັນເປົ້າໝາຍສຸດທ້າຍ, ຕົກລົງວ່າຈະໃຊ້ມາດຕະການຕິດແທດຕົວຈິງໃນເວລາອັນເໝາະສົມ ຊຸກຍູ້ການແກ້ໄຂບັນຫານິວເຄຼຍແຫຼມເກົາຫຼີຄົບຮອບ 60 ປີດ້ວຍຮູບການສົນທະນາໂດຍສັນຕິ.
ປະກາດແຈ້ງຂ່າວຂຽນວ່າ, ລັດຖະບານສ.ປ.ປ.ເກົາຫຼີຈະແຕ່ງຄະນະຜູ່ແທນເຂົ້າຮ່ວມການເຄື່ອນໄຫວເໜືອໃຕ້ພ້ອມກັນລະລຶກການຟື້ນຟູອະທິປະໄຕແຫຼມເກົາຫຼີທີ່ຈະຈັດຂຶ້ນຢູ່ສ.ເກົາຫຼີໃນເດືອນສິງຫາປີນີ້.
ສອງຝ່າຍຈະຈັດການເຈລະຈາຂັ້ນນາຍພົນລະຫວ່າງເໜືອໃຕ້ຄັ້ງທີສາມຢູ່ພູບາເອັກດູ.
|
