|
ສິ່ງທີ່ຕ້ອງລະວັງໃນຍາມຮ້ອນ
cri
Author: li
 ໃນຍາມຮ້ອນ,ເພື່ອຢາກເຢັນສະບາຍ,ຄົນເຮົາມັກບໍ່ເອົາໃຈໃສ່ນຳການຮັກສາສຸຂະພາບ,ແລ້ວພາໃຫ້ບໍ່ສະບາຍແນວນັນແນວນີ້,ຈົນກະທັ້ງເຈັບໄຂ້ໄດ້ພະຍາດ. ດັ່ງນັ້ນ ຢາກໃຫ້ຫາຍຮ້ອນກໍຕ້ອງເຮັດຕາມຫຼັກວິທະຍາສາດຄືກັນ,ຈະປະໝາດບໍ່ໄດ້.
ໃນຍາມຮ້ອນ,ຖ້າກະເພາະລຳໄສ້ຖືກອາຫານເຢັນໆກະຕຸກເລື້ອຍໆ,ມັນຈະຄັ້ນຮູດໄວເຂົ້າ,ເວລາອາຫານຄ້າງຢູ່ໃນໄສ້ອ່ອນກໍສັ້ນເຂົ້າ,ກະທົບກະເທືອນຮ່າງກາຍດູດຮັບເອົາທາດບຳລຸງໃນອາຫານ. ພ້ອມກັນນັ້ນ ຍ້ອນຮ້ອນຫຼາຍ,ຄວາມຮ້ອນໃນຮ່າງກາຍລະບາຍອອກຊ້າ,ອຸນຫະພູມໃນກະເພາະລຳໄສ້ກໍສູງ,ຖ້າກິນຂອງເຢັນໆເຂົ້າໄປກະຕຸກຢ່າງກະທັນຫັນ,ກໍອາດຈະພາໃຫ້ກະເພາະລຳໄສ້ປັ້ນ,ແລ້ວເຈັບທ້ອງ. ສະນັ້ນ ໃນຍາມຮ້ອນບໍ່ຄວນກິນອາຫານເຢັນຫຼາຍເກີນໄປ.
ໃນຍາມຮ້ອນ,ຕ້ອງລະວັງຢ່ານອນຢູ່ກາງແຈ້ງ. ນີ້ແມ່ນຍ້ອນວ່າໃນຍາມຮ້ອນ,ຄົນເຮົາຈະມີເຫື່ອລະບາຍອອກເລື້ອຍໆ,ເພື່ອລະບາຍຄວາມຮ້ອນໃນຮ່າງກາຍ; ແຕ່ເມື່ອນອນຫຼັບແລ້ວ,ຮ່າງກາຍຢູ່ໃນສະພາວະໂຍະຍານ,ພູມຕ້ານທານຈະຫຼຸດລົງຊົ່ວຄາວ. ເວລານີ້ພໍດີແມ່ນຍາມກາງຄືນ,ອຸນຫະພູມຕ່ຳລົງ,ຖ້າມີລົມເຢັນພັດມາ,ນ້ຳຄ້າງຕົກໃສ່,ມັກຈະພາໃຫ້ເຈັບຫົວ,ເຈັບທ້ອງ,ຂໍ່ກະດູກບໍ່ສະບາຍ,ອາຫານບໍ່ຍ່ອຍແລະຖອກທ້ອງ. ນອນກາງແຈ້ງຍັງມັກຖືກຍຸງກັດ,ອາດຈະເປັນພະຍາດຕ່າງໆເຊັ່ນສະໝອງອັກເສບເປັນຕົ້ນ.
ໃນຍາມຮ້ອນ,ຕ້ອງນອນເວັນຈັກໜ່ອຍ. ນີ້ແມ່ນຍ້ອນວ່າໃນຍາມຮ້ອນ,ອຸນຫະພູມສູງ,ການຂັບຖ່າຍຂອງຄົນເຮົາຈະໄວເຂົ້າ,ສິ້ນເປືອງຫຼາຍ,ມັກຈະເມື່ອຍ. ບວກກັບກາງຄືນກໍຮ້ອນ,ນອນຫຼັບໆຕື່ນໆ,ຈຶ່ງພາໃຫ້ນອນບໍ່ອີ່ມ. ດັ່ງນັ້ນ,ຍາມກາງເວັນນອນຈັກຊົ່ວໂມງໜຶ່ງສອງຊົ່ວໂມງຈະມີຜົນດີຫຼາຍຕໍ່ສຸຂະພາບ,ສາມາດເຮັດໃຫ້ລະບົບຕ່າງໆຂອງຮ່າງກາຍໄດ້ພັກຜ່ອນ,ແມ່ນວິທີດີທີ່ປ້ອງກັນເມົາແດດ.
ໃນຍາມຮ້ອນ ບໍ່ຄວນໃຊ້ພັດລົມດົນເກີນໄປ. ນີ້ແມ່ນຍ້ອນວ່າມັນຈະທຳລາຍການອອກເຫື່ອຢ່າງສະໝ່ຳສະເໝີ,ແລ້ວຈະຮູ້ສຶກເຈັບຫົວ,ວິນຫົວ,ປວດຂາອ່ອນເພຍ, ບໍ່ສະບາຍໝົດຄີງ,ຖ້າອາການໜັກຍັງອາດຈະພາໃຫ້ເປັນພະຍາດອື່ນ. ຖ້ານອນເປີດພັດລົມ,ແຮ່ງມັກເປັນຫວັດ,ໂດຍສະເພາະແມ່ນຜູ້ເຖົ້າແລະເດັກນ້ອຍຕ້ອງລະວັງ.
ເຄື່ອງປັບອາກາດເຮັດໃຫ້ສະພາບແວດລ້ອມເຢັນສະບາຍ. ແຕ່ຖ້າອຸນຫະພູມໃນເຮືອນກັບນອກເຮືອນໂຕນກັນຫຼາຍເກີນໄປ,ມັກເຮັດໃຫ້ເປັນຫວັດ; ຖ້າອຸນຫະພູມໃນຫ້ອງກັບນອກຫ້ອງໂຕນກັນຫຼາຍ,ອາກາດໃນຫ້ອງບໍ່ສົດ,ຈົນພາໃຫ້ເກີດແມ່ພະຍາດຕ່າງໆ. ໃນເວລາພູມຕ້ານທານຂອງຄົນອ່ອນລົງນັ້ນ,ກໍຈະເປັນພະຍາດຍ້ອນ. ດັ່ງນັ້ນ ການໃຊ້ແອໃນຍາມຮ້ອນ,ບໍ່ຄວນປັບໃຫ້ເຢັນຫຼາຍ.
ໃນຍາມຮ້ອນ,ເມື່ອຫາກໍກັບມາຈາກທາງນອກ ມັກອາບນ້ຳເຢັນ,ເພື່ອໃຫ້ເຢັນໄວໆ,ແຕ່ຍ້ອນວ່າຕາກແດດມາແຕ່ທາງນອກ,ຄວາມຮ້ອນໃນໂຕຍັງບໍ່ລະບາຍອອກໝົດເທື່ອ,ຖ້າອາບນຳເຢັນ,ເຢັນລົງໄວໆໃນບາດດຽວ,ຈະເຮັດໃຫ້ຮູຂົນໝົດຄີງຫຸບເຂົ້າທັນທີ,ເຮັດໃຫ້ຄວາມຮ້ອນໃນໂຕລະບາຍອອກບໍ່ໄດ້,ຍັງຈະພາໃຫ້ສາຍເລືອດໃນສະໝອງຫົດເຂົ້າຢ່າງໄວວາ,ຈົນສະໜອງເລືອດໃຫ້ສະໝອງບໍ່ພຽງພໍ,ເຮັດໃຫ້ວິນຫົວ,ຖ້າອາການໜັກ,ອາດຈະສະຫຼົບໄປ; ບໍ່ໜຳ,ໃນເວລານີ້ ພູມຕ້ານທານຂອງຮ່າງກາຍອ່ອນລົງ,ມັກເປັນຫວັດ. ດັ່ງນັ້ນ ວິທີທີ່ດີທີ່ສຸດແມ່ນເຊັດເຫື່ອໃຫ້ແຫ້ງກ່ອນ,ຫຼືລໍຖ້າໃຫ້ເຫື່ອອອກໝົດແລ້ວຈຶ່ງອາບນ້ຳ.
ໃນຍາມຮ້ອນ,ເຫື່ອອອກຫຼາຍ,ບາງຄົນຈຶ່ງກິນນ້ຳຫຼາຍໆບາດດຽວ,ເຮັດແບບນີ້ ມັກພາໃຫ້ຫົວໃຈຫາບແບກໜັກ,ເຮັດໃຫ້ເລືອດຈາງລົງ,ຈົນກະທັ້ງຫົວໃຈເຕັ້ນໄວ,ຫາຍໃຈຝືດແລະອອກເຫື່ອໄຄຄ້າວເປັນຕົ້ນ,ຖ້າຫິວນ້ຳຫຼາຍ,ຄວນກິນໜ້ອຍໜຶ່ງກ່ອນ,ເຊົາບຶດໜຶ່ງແລ້ວຄ່ອຍກິນອີກ.ເຊັ່ນດຽວກັນ,ໃນຍາມຮ້ອນບໍ່ຄວນກິນເຄື່ອງດື່ມແທນນ້ຳລ້າໆ. ໃນເຄື່ອງດື່ມເຊັ່ນນ້ຳອັດລົມ,ນ້ຳໝາກໄມ້ແລະໂຄກເປັນຕົ້ນ,ມີບີນ້ຳຕານແລະສິ່ງແຍກທາດດ້ວຍໄຟຟ້າຂ້ອນຂ້າງຫຼາຍ,ວັດຖຸເຫຼົ່ານີ້ຈະກະຕຸກກະເພາະ,ກະທົບກະເທືອນເຖິງການຍ່ອຍອາຫານ,ຖ້າກິນຫຼາຍ,ຍັງຈະເພີ່ມຄວາມຫາບແບກຂອງໝາກໄຂ່ຫຼັງ,ກະທົບກະເທືອນເຖິງສັບພະຄຸນຂອງໝາກໄຂ່ຫຼັງ. ຖ້າກິນນ້ຳຕານຫຼາຍຈະເຮັດໃຫ້ຄົນອ້ວນ. ດັ່ງນັ້ນ ໃນຍາມຮ້ອນ,ບໍ່ຄວນກິນເຄື່ອງດື່ມຫຼາຍ,ດີທີ່ສຸດກິນນ້ຳລ້າໆ,ໂດຍສະເພາະແມ່ນເດັກນ້ອຍແລະຜູ້ເຖົ້າ,ຍິ່ງບໍ່ຄວນກິນເຄື່ອງດື່ມຫຼາຍ.
|
|
