ຕາມ​ຂ່າວສານ​ຈີນ: ວັນ​ທີ 25 ມິຖຸນາ​ນີ້ ຢູ່​ທີ່​ນະຄອນ​ໄຫ​​ໂຂ​ວ ​ເທດສະບານ​ແຂວງ​​​ໄຫ​ຫຼໍາ​ຂອງ​ຈີນ, ທ່ານ​ນາງ​ຈ້າວ​ໄປ​ເກີ ຮອງ​ປະທານ​ຄະນະ​ກຳມະການ​ປະຊາກອນ​ກັບ​ການ​ວາງ​ແຜນ​ຄອບຄົວ​ແຫ່ງລັດ​ຈີນ​ກ່າວ​ວ່າ, ຈີນ​ຈະ​ໃຊ້​ມາດ​ຕະການ​ຢ່າງ​ຕັ້ງໜ້າ ຮັບ​ມື​ກັບ​ບັນຫາ​ໃໝ່​ທີ່​ກ່ຽວ​ພັນ​ເຖິງ​ປະຊາກອນ​ກັບ​ການ​ພັດທະນາ.

ຕາມ​ໄດ້​ຊາບ, ຈຳນວນ​ປະຊາກອນຈີນ​ທີ່​ເກີດ​ໃໝ່​ໃນ​ແຕ່ລະ​ປີຍັງ​ຫຼາຍສົມຄວນ, ຄຸນ​ທາດ​ຂອງ​ປະ​ຊາກອນ​ກໍຄອງຄອຍ​ຍົກ​ສູງ​ຂຶ້ນ, ປະຊາກອນຜູ່ສູງ​ອາຍຸ​ໃນ​ທົ່ວສັງຄົມ​ເພີ່ມ​ຂຶ້ນ​ຫຼາຍ ​ໂຣກ​ເອດ​ປະ​ກົດ​ມີ​ທ່ວງທ່າ​ແຜ່​ລະບາດ​ຢູ່​ຈີນ.

ທ່ານ​ນາງ​ຈ້າວ​ໄປ​ເກີ​ກ່າວ​ວ່າ, ຈີນ​ຈະ​ສ້າງ​​ແລະ​ບູລະນະລະບົບ​ປະກັນ​ສັງຄົມ​, ​ແກ້​ໄຂ​ຄວາມ​ຂັດ​ແຍ່ງ​ດ້ານ​ອົງ​ປະກອບ​ຂອງ​ປະຊາກອນ, ພະຍາຍາມ​ຍົກ​ອັດຕາ​ປະກອບ​ອາຊີບ​ຂອງ​ແມ່​ຍິງ​ໃຫ້​ສູງ​ຂຶ້ນ, ຄວບ​ຄຸມ​ຄວາມ​ໄວ​ການ​​ເຄື່ອນໄຫຼຂອງ​ປະຊາກອນ, ​ເພີ່ມ​ທະວີ​ການ​ປ້ອງ​ກັນ​ແລະ​ປິ່ນ​ປົວ​ໂຣກ​ເອດ.