|
ຕາມຂ່າວCRI: ວັນທີ 26 ມິຖຸນານີ້ ຄະນະປະຈຳສະພາປະຊາຊົນແຫ່ງຊາດຈີນໄດ້ໄຂກອງປະຊຸມຢູ່ທີ່ປັກກິ່ງ, ສືບຕໍ່ສຳຫຼວດພິຈາລະນາຮ່າງກົດໝາຍຕ່າງໆ ເຊັ່ນ ຮ່າງກົດໝາຍວ່າດ້ວຍສິດຊັບສົມບັດເປັນຕົ້ນ, ແລະປັບປຸງກົດໝາຍຮັບປະກັນສິດແລະຜົນປະໂຫຍດຂອງແມ່ຍິງ, ພ້ອມກັນນັ້ນ ກອງປະຊຸມຍັງຈະສຳຫຼວດພິຈາລະນາບົດລາຍງານການກວດບັນຊີຂອງລັດຖະບານສົກປີທີ່ແລ້ວ.
ຈຸດປະສົງຂອງກົດໝາຍວ່າດ້ວຍສິດຊັບສົມບັດແມ່ນປົກປັກຮັກສາຊັບສົມບັດທີ່ຕ່າງຂຶ້ນກັບລັດ ຮວມໝູ່ແລະເອກະຊົນຢ່າງສະເໝີພາບ. ຍ້ອນໄດ້ສ້າງກົດໝາຍສະບັບດັ່ງກ່າວຈະເຮັດໃຫ້ລະບອບກົດໝາຍປົກປັກຮັກສາຊັບສົມບັດເອກະຊົນຂອງຈີນສົມບູນຂຶ້ນ, ສະນັ້ນຮ່າງກົດໝາຍສະບັບດັ່ງກ່າວຈຶ່ງໄດ້ຮັບຄວາມສົນໃຈຫຼາຍ, ເທື່ອນີ້ເປັນເທື່ອທີສາມທີ່ອົງການນິຕິບັນຍັດຈີນຈະສຳຫຼວດພິຈາລະນາຮ່າງກົດໝາຍ. ນອກຈາກກຳນົດວ່າຈະປົກປັກຮັກສາຊັບສົມບັດທັງເຄື່ອນທີ່ແລະຄົງທີ່ແລ້ວ, ຮ່າງກົດໝາຍຍັງມີສ່ວນກ່ຽວພັນເຖິງບັນຫາຈຸດຮ້ອນໃນສັງຄົມຈີນ ເຊັ່ນ ທີ່ດິນຂອງຊາວກະສິກອນຖືກເກນໃຊ້ ທີ່ດິນຂອງລັດໃນຊົນນະບົດຖືກເອກະຊົນຊື້ຂາຍແລະການມ້າງແລະຍ້າຍເຮືອນຢູ່ຂອງປະຊາຊົນໃນຕົວເມືອງເປັນຕົ້ນ.
|
