ຕາມ​ຂ່າວCRI: ວັນ​ທີ 26 ມິຖຸນາ​ນີ້ ນັກ​ຂ່າວ​ໄດ້​ຊາບ​ຈາກ​ຄະນະ​ກຳມະການ​ຈັດຕັ້ງ​ງານ​ກິ​ລາ​ໂອ​ລິມ​ປິກ​ປັກ​ກິ່ງ​ວ່າ, ​ໂຄງການບ້ານໂອ​ລິ​ມປິກ​ງານ​ກິລາ​ໂອ​ລິ​ມປິກ​ປັກ​ກິ່ງ​ປີ 2008 ​ໄດ້​ເລີ່ມ​ລົງ​ມື​ກໍ່​ສ້າງໃນ​ມື້​ດຽວ​ກັນ, ຈະ​ສ້າງ​ສຳ​ເລັດ​ໃນ​ທ້າຍ​ປີ 2007.

​ໃນ​ໄລຍະ​ຈັດ​ງານ​ກິລາ​ໂອ​ລິ​ມປິກ​ປັກ​ກິ່ງ​ແລະ​ງານ​ກິລາ​ຄົນ​ພິການ​ປີ 2008, ບ້ານ​ໂອ​ລິມ​ປິກ​ປັກ​ກິ່ງ​ແມ່ນ​ທີ່​ພັກ​ຂອງນັກ​ກິລາ​ແລະ​ເຈົ້າໜ້າ​ທີ່​ຂອງ​ບັນດາ​ປະ​ເທດ​ໃນ​ໂລກ, ບ້ານ​ໂອ​ລິມ​ປິກ​ແບ່ງ​ອອກ​ເປັນ​ເຂດ​ທີ່​ພັກ​ແລະ​ເຂດ​ສາກົນ. ຢູ່​ໃນ​ເຂດ​ທີ່​ພັກ ນອກຈາກ​ເຮືອນ​ຢູ່​ຂອງ​ນັກ​ກິ​ລາ​ແລ້ວ, ຍັງ​ມີ​​ບັນດາ​ສິ່ງ​ກໍ່ສ້າງບໍລິການ​ນັກ​ກິລາ ​ເຊັ່ນ ຄຼີນິກສັງ​ລວມ ຫ້ອງ​ອາຫານ ຫໍ​ສະ​ໝຸດ​ຫຼາຍ​ສັບ​ພະ​ຄຸນ ສູນ​ບັນ​ເທິງ​ແລະ​ເຂດ​ກິລາ​ຢ່ອນ​ອາລົມ​ເປັນຕົ້ນ. ​ເຂດ​ສາກົນແມ່ນ​ບ່ອນ​ຈັດ​ພິທີ​ຕ້ອນ​ຮັບ​ຄ​ນະ​ຜູ່​ແທນ​ແລະ​ຈັດການ​ເຄື່ອນ​ໄຫວ​ຕ້ອນຮັບ​ອື່ນໆ.