ຕາມ​ຂ່າວສານ​ຊິນ​ຮວາ: ຫວ່າງ​ມໍ່ໆ​ນີ້ ປັກ​ກິ່ງ​ເລີ່​ມດຳ​ເນີນ​ການ​ເຄື່ອນ​ໄຫວ​ປົກ​ປ້ອງ​ສ້າງ​ນ້ຳ​ກິນຢູ່​ຊົນນະ​ບົດ​ໂດຍ​ຈຳ​ເພາະ, ຈຸດປະສົງ​ຂອງການ​ເຄື່ອນ​ໄຫວ​ດັ່ງກ່າວ​ແມ່ນ​ເພີ່ມ​ທະ​ວີ​ການ​ປົກ​ປ້ອງ​ແລະ​​ຄຸ້ມຄອງສ້າງ​ນ້ຳ​ກິນຢູ່​ຊົນນະບົດ​ໃນ​ໄລຍະ​ນ້ຳ​ມາກ, ຮັບປະກັນ​ຄວາມ​ປອດ​ໄພ​ດ້ານ​ນ້ຳ​ກິນ​ຂອງ​ຊາວ​ກະສິກອນ.

ຕາມ​ແນະນຳ​ວ່າ, ​ໃນ​ການ​ເຄື່ອນ​ໄຫວ​ໂດຍ​ຈຳ​ເພາະ​ເທື່ອ​ນີ້, ພາກສ່ວນ​ທີ່​ກ່ຽວ​ຂ້ອງ​ຈະ​ສຳ​ຫຼວດຢ່າງ​ເຖິງ​ຖອງ​ກ່ຽວ​ກັບ​ແຫຼ່ງ​ເຊື່ອມ​ພິດ​ບົ່ມຊ້ອນ​ອ້ອມ​​ແອ້ມ​ສ້າງ​ນ້ຳ​ກິນ​ຢູ່​ຊົນນະ​ບົດ​ພາຍ​ໃນ​ຂອບ​ເຂດ​ທີ່​ມີ​ເຄິ່ງເສັ້ນຜ່າ​ກາງ​ຍາວ 30 ​ແມັດ, ​ແລະ​ອີງ​ຕາມ​ລະດັບ​ເຊື່ອມ​ພິດ ວາງ​ມາດ​ຕະ​ການ​ແກ້​ໄຂ​ຊົ່ວຄາວ​ແລະ​ຖາວອນ. ຕາມ​ໄດ້​ຊາບ, ​ໃນ​ການ​ເຄື່ອນ​ໄຫວ​ໂດຍ​ຈຳ​ເພາະ​ເທື່ອ​ນີ້, ພະ​ແນກ​ທຸກ​ຂັ້ນຍັງ​ຈະ​ວາງ​ແຜນ​ລ່ວງ​ໜ້າ​ເພື່ອ​ຮັບ​ມື​ຊຳລະ​​ເຫດການ​ຄວາມ​ປອດ​ໄພ​ດ້ານນ້ຳ​ກິນຢູ່​ຊົນນະ​ບົດ​ທີ່​ເກີດ​ຂຶ້ນຢ່າງ​ກະທັນຫັນ.