|
ທ່ານປູຕິນກ່າວວ່າຣັດເຊຍຈະສືບຕໍ່ສຸມໃສ່ການປົກປັກຮັກສາຫຼັກການຂອງກົດບັດສະຫະປະຊາຊາດ
cri
Author: q
ຕາມຂ່າວCRI,ວັນທີ27ມິຖຸນາ,ທ່ານປູຕິນ ປະທານາທິບໍດີຣັດເຊຍກ່າວວ່າ, ຣັດເຊຍຈະສືບຕໍ່ສຸມໃສ່ການປົກປັກຮັກສາຫຼັກການຂອງກົດບັດສະຫະປະຊາຊາດ.
ໃນມື້ດຽວກັນ,ກອງປະຊຸມສາກົນລະລຶກສົງຄາມຕ້ານຟັດຊິດໂລກໄດ້ຮັບໄຊຊະນະແລະວັນສ້າງຕັ້ງອົງການສະຫະປະຊາຊາດຄົບຮອບ60ປີໄດ້ຈັດຂຶ້ນຢູ່ມົສກູ,ໃນຈົດໝາຍອວຍພອນທີ່ທ່ານປູຕິນຝາກໄປຍັງກອງປະຊຸມ,ທ່ານກ່າວວ່າ,ອົງການສະຫະປະຊາຊາດສ້າງຕັ້ງຂຶ້ນແລະສົງຄາມຕ້ານຟັດຊິດໄດ້ຮັບໄຊຊະນະແມ່ນສອງເຫດການທີ່ເປັນຂໍກະແຈໃນສະຕະວັດທີ20.ທ່ານກ່າວວ່າ,ອົງການສະຫະປະຊາຊາດຄວນຍຶດໝັ້ນໃຊ້ພາຫະນະການເມືອງແລະທາງການທູດ,ຜ່ານຈາກຮູບການປຶກສາຫາລືແລະໃຊ້ການເຄື່ອນໄຫວຮວມໝູ່ມາແກ້ໄຂການວິວາດກັນແລະການປະທະກັນໃດໆ.ຣັດເຊຍຈະສືບຕໍ່ປົກປັກຮັກສາຫຼັກການຂອງກົດບັດສະຫະປະຊາຊາດແລະຖານະນຳໜ້າຂອງກົດໝາຍລະຫວ່າງຊາດ.
ໃນກອງປະຊຸມດັ່ງກ່າວ,ທ່ານລາຟລົຟ ລັດຖະມົນຕີການຕ່າງປະເທດຣັດເຊຍກ່າວວ່າ,ໃນເວລາໃຊ້ກຳລັງອາວຸດໃນການພົວພັນລະຫວ່າງຊາດຄວນເຄົາລົບກົດບັດສະຫະປະຊາຊາດຢ່າງເຄັ່ງຄັດ,ບໍ່ຄວນໃຊ້ມາດຖານສອງຢ່າງໃນບັນຫານີ້.
|
|
