|
ຕາມຂ່າວCRI: ວັນທີ 28 ມິຖຸນານີ້ ຢູ່ທີ່ປັກກິ່ງ, ທ່ານເສິນໂກຟາງ ຜູ່ຊ່ອຍລັດຖະມົນຕີການຕ່າງປະເທດຈີນກ່າວວ່າ, ໃນຖານເປັນປະເທດຢູ່ຍ່ານເໜືອລະບົບແມ່ນ້ຳລ້ານຊ້າງແມ່ນ້ຳຂອງ, ຈີນເດັດດ່ຽວບໍ່ເຮັດເລື່ອງທີ່ມີຜົນຮ້າຍຕໍ່ປະເທດຢູ່ຍ່ານໃຕ້ແມ່ນ້ຳ.
ໃນງານຊຸມນຸມນັກຂ່າວທີ່ຈັດຂຶ້ນໃນມື້ດຽວກັນ, ທ່ານເສິນໂກຟາງກ່າວວ່າ, ການພັດທະນາແລະນຳໃຊ້ຊັບພະຍາກອນນ້ຳຂອງແມ່ນ້ຳລ້ານຊ້າງແມ່ນ້ຳຂອງຢ່າງສົມເຫດສົມຜົນ ສອດຄ່ອງກັບຜົນປະໂຫຍດສັງລວມຂອງບັນດາປະເທດໃນອະນຸພາກພື້ນ. ການພັດທະນາແລະນຳໃຊ້ດັ່ງກ່າວຕ້ອງຄຳນຶງເຖິງປະສິດທິຜົນເສດຖະກິດຂອງບັນດາປະເທດຢູ່ແຄມຝັ່ງແມ່ນ້ຳແລະຄວາມກ້ຳເກິ່ງກັນດ້ານຊີວະພາບ. ຈີນຢູ່ຍ່ານເໜືອ, ຈະແຈ້ງໂຄງການທີ່ກ່ຽວຂ້ອງຢູ່ພາຍໃນປະເທດຈີນໃຫ້ບັນດາປະເທດຢູ່ຍ່ານໃຕ້ຊາບ, ພະຍາຍາມຫຼຸດແລະແກ້ໄຂບັນຫາຕ່າງໆທີ່ອາດຈະເກີດຂຶ້ນໃນການພັດທະນາ. ຕໍ່ຄວາມສົນໃຈຂອງປະເທດຢູ່ຍ່ານໃຕ້, ຈີນຈະເພີ່ມທະວີການລຸລົ່ງແລະປະສານງານກັບບັນດາປະເທດຢູ່ຍ່ານໃຕ້ ບົນພື້ນຖານປຶກສາຫາລືກັນຢ່າງສະເໝີພາບແລະຮ່ວມມືກັນທີ່ຕ່າງຝ່າຍຕ່າງມີຜົນປະໂຫຍດ, ຊຸກຍູ້ໃຫ້ເສດຖະກິດ ສັງຄົມແລະຊີວະພາບໃນພາກພື້ນແຫ່ງນີ້ພັດທະນາຢ່າງກ້ຳເກິ່ງກັນ.
|
