|
ຕາມຂ່າວCRI: ວັນທີ 28 ມິຖຸນາ ຢູ່ປັກກິ່ງ ທ່ານເສີນໂກຟາງ ຜູ້ຊ່ອຍລັດຖະມົນຕີກະຊວງການຕ່າງປະເທດຈີນແນະນຳວ່າ, ກອງປະຊຸມຜູ້ນຳ GMS ຄັ້ງທີ 2 ຈະຈັດຂຶ້ນຢູ່ເມືອງຄຸນມິງ ເທດສະບານແຂວງຢຸນນານ ພາກໃຕ້ຈີນໃນວັນທີ 4 ຫາວັນທີ 5 ກໍລະກົດ,ກອງປະຊຸມຄັ້ງນີ້ຈະວາງທິດຮ່ວມມືໃນອະນາຄົດແລະມາດຕະການຮ່ວມມືຈຸດໜັກພາຍໃຕ້ຫົວຂໍ້ວ່າ"ເພີ່ມການພົວພັນໝູ່ຄູ່,ຈະເລີນຮຸ່ງເຮືອງພ້ອມກັນ".
ມື້ດຽວກັນ ທ່ານເສີນໂກຟາງແນະນຳຕໍ່ສື່ມວນຊົນຈີນແລະຕ່າງປະເທດວ່າ,ທ່ານເວີນເຈຍປາວ ນາຍົກລັດຖະມົນຕີຈີນຈະເຂົ້າຮ່ວມແລະເປັນປະທານກອງປະຊຸມ,ຫົວໜ້າລັດຖະບານຂອງລາວ ກຳປູເຈຍ ມຽນມາ ໄທແລະຫວຽດນາມພ້ອມດ້ວຍຜູ້ອຳນວຍການທະນາຄານພັດທະນາອາຊີຈະເຂົ້າຮ່ວມກອງປະຊຸມຕາມຄຳເຊີນ.ກອງປະຊຸມຈະຜ່ານຮັບຮອງ"ຄຳຖະແຫຼງການຜູ້ນຳ"ແລະເຊັນເອກະສານຮ່ວມມືຫຼາຍສະບັບ,ເນື້ອໃນກວມການຂົນສົ່ງຂ້າມຊາດ ການຄ້າໄຟຟ້າ ການສ້າງທາງດ່ວນຂໍ້ມູນຂ່າວສານ ການປ້ອງກັນແລະຄວບຄຸມພະຍາດສັດ.ນອກນີ້,ກອງປະຊຸມຍັງຈະວາງມາດຕະການເຮັດໃຫ້ທຳນຽມເຂົ້າອອກດ່ານພາສີແລະກວດພະຍາດຂອງບັນດາປະເທດ GMS ກະທັດຮັດລົງແລະວາງແຜນການອະນຸລັກຊີວະຊາດຫຼາຍຢ່າງຂອງບັນດາປະເທດ GMS.
|
