|
|
 |
| (GMT+08:00)
2005-06-28 16:40:08
|
 |
|
ອາເມລິກາຈະປັບປຸງນະໂຍບາຍຕໍ່ອີຣັກບໍ່?(ສຽງ)
cri
Author: mo
|
ຕາມຂ່າວCRI：ວັນທີ 26 ມິຖຸນາ, ທ່ານລາມສ໌ຟິວ ລັດຖະມົນຕີກະຊວງປ້ອງກັນປະເທດອາເມລິກາໄດ້ຕ້ອນຮັບການເຂົ້າສຳພາດຂອງໂທລະພາບຟອກສ໌ອາເມລິກາ, ທ່ານຢືນຢັນວ່າ, ອາເມລິກາກັບກຳລັງປະກອບອາວຸດອີຣັກທີ່ຕ້ານອາເມລິກາແລະຕ້ານລັດຖະບານໄດ້ເຈລະຈາກັນໂດຍທາງລັບ. ທ່ານຍັງກ່າວວ່າ, ການໂຈມຕີພວກປະກອບອາວຸດໃນເຂດແດນອີຣັກຈະແມ່ນພາລະກຳຂອງຊາວອີຣັກເອງ, ຫາກບໍ່ແມ່ນພາລະກຳຂອງກອງທະຫານອາເມລິກາ. ບຸກຄົນວິເຄາະຈຳນວນໜຶ່ງເຫັນວ່າ, ຄວາມເວົ້າຂອງທ່ານລາມສ໌ຟິວໄດ້ສະແດງໃຫ້ເຫັນວ່າ, ນະໂຍບາຍອາເມລິກາຕໍ່ອີຣັກຈະມີການປ່ຽນແປງ.
ວັນທີ 27 ມິຖຸນາ, ຢູ່ອັງກິດ, ໃນເວລາຕີລາຄາຄວາມເວົ້າຂອງທ່ານລາມສ໌ຟິວນັ້ນ, ທ່ານຈາຟາລີ ນາຍົກລັດຖະມົນຕີລັດຖະບານຂ້າມຜ່ານອີຣັກເວົ້າວ່າ, ເປົ້າໝາຍຫລອນໂຈມຕີຂອງອົງການປະກອບອາວຸດອີຣັກບໍ່ສະເພາະແມ່ນແນໃສ່ທະຫານອາເມລິກາປະຈຳອີຣັກ, ການໂຄນລົ້ມລັດຖະບານທີ່ປະຊາຊົນເລືອກຕັ້ງຊຸດປັດຈຸບັນກໍແມ່ນເປົ້າໝາຍໜຶ່ງຂອງພວກເຂົາເຈົ້າ, ແຕ່ທ່ານເຊື່ອວ່າ ອີຣັກຈະຟື້ນຟູຄວາມປອດໄພແລະສະຖຽນລະພາບໄດ້.
ບຸກຄົນວິເຄາະເຫັນວ່າ, ພາຍຫລັງລັດຖະບານຈາຟາລີສ້າງຕັ້ງຂຶ້ນແລ້ວ, ສະຖານະການຄວາມປອດໄພອີຣັກຍັງຄົງປັ່ນປ່ວນຢູ່, ການເຄື່ອນໄຫວທາງການທະຫານຂອງທະຫານອາເມລິກາປະຈຳອີຣັກຮັບຜົນໜ້ອຍທີ່ສຸດ. ກໍແມ່ນຢູ່ໃນກໍລະນີດັ່ງກ່າວ, ອາເມລິກາຈຶ່ງຈຳເປັນເຈລະຈາກັບພວກປະກອບອາວຸດຕ້ານອາເມລິກາ, ສະແຫວງຫາຊ່ອງທາງແກ້ໄຂໂດຍທາງການເມືອງ. ນອກນີ້, ຈຳນວນທະຫານອາເມລິກາທີ່ຕາຍແລະບາດເຈັບເພີ່ມຫລາຍຂຶ້ນຢ່າງບໍ່ຢຸດຢັ້ງນັ້ນ, ເຮັດໃຫ້ລັດຖະບານບຸສຖືກການກ່າວໂຈມຕີນັບມື້ນັບກວ້າງຂວາງແລະຮຸນແຮງຢູ່ພາຍໃນປະເທດ. ສະມາຊິກສະພາອາເມລິການັບມື້ນັບຫລາຍຮຽກຮ້ອງລັດຖະບານບຸສວາງຕາລາງເວລາຖອນທະຫານອາເມລິກາອອກຈາກອີຣັກ.
ຄວາມເວົ້າຂອງທ່ານລາມສ໌ຟິວທີ່ກ່າວໃນວັນທີ 26 ມິຖຸນາໄດ້ສະແດງໃຫ້ເຫັນວ່າ, ນະໂຍບາຍອາເມລິກາຕໍ່ອີຣັກອາດຈະມີການປ່ຽນແປງ. ດ້ານໜຶ່ງ, ອາເມລິກາຈະຜ່ານການເຈລະຈາທາງການເມືອງຈ່ອງດຶງຫລືແບ່ງແຍກອົງການປະກອບອາວຸດອີຣັກ, ປະຕິບັດຕໍ່ອົງການຕໍ່ຕ້ານພາຍໃນປະເທດອີຣັກແລະອົງການອານເຄດາມູຢາຮິດອີຣັກທີ່ນຳໂດຍທ່ານຈາຄາວີ ບຸກຄົນນ້ຳເບີ 3 ຂອງອົງການອານເຄດາຕ່າງກັນ, ແລ້ວໂຈມຕີອົງການຈາຄາວີເປັນຈຸດໜັກ, ຫລຸດກຳລັງໜີບຕໍ່ທະຫານອາເມລິກາປະຈຳອີຣັກ; ອີກດ້ານໜຶ່ງ, ອາເມລິກາຈະຫັນການເຂົ້າຮ່ວມທາງການທະຫານຂະໜາດໃຫຍ່ກັນມາເປັນການສະໜັບສະໜູນແລະອົບຮົມທະຫານອີຣັກເປັນຕົ້ນຕໍ, ມອບໜ້າທີ່ໂຈມຕີອົງການຈັດຕັ້ງປະກອບອາວຸດແລະປົກປັກຮັກສາຄວາມປອດໄພນັ້ນໃຫ້ທະຫານຮັກສາຄວາມປອດໄພອີຣັກ, ເພື່ອຮັບມືກັບກຳລັງໜີບຢູ່ພາຍໃນປະເທດອາເມລິກາແລະຕ່າງປະເທດໃນບັນຫາວາງຕາລາງເວລາຖອນທະຫານ.
ຄວາມເວົ້າຂອງທ່ານລາມສ໌ຟິວໄດ້ເຮັດໃຫ້ມວນຊົນພາຍໃນປະເທດອີຣັກເອົາໃຈໃສ່ນຳ. ມວນຊົນສ່ວນໜຶ່ງເຫັນວ່າ, ອາເມລິກາເຈລະຈາກັບອົງການປະກອບອາວຸດອີຣັກ, ພະຍາຍາມຈັດອົງການປະກອບອາວຸດເຫຼົ່ານີ້ເຂົ້າໃນຂະບວນວິວັດທາງການເມືອງ, ທັງນີ້ມີຜົນດີຕໍ່ການສ້າງສາຄວາມປອດໄພແລະການສ້າງສາການເມືອງອີຣັກຄືນໃໝ່; ຖ້າອາເມລິກາສາມາດວາງຕາລາງເວລາຖອນທະຫານອອກໂດຍໄວ, ຈະໄດ້ລົບລ້າງເຫດຜົນທີ່ອົງການອານເຄດາມູຢາຮິດອີຣັກທີ່ນຳໂດຍທ່ານຈາຄາວີຊົງຕົວຢູ່ອີຣັກນັ້ນ, ມີຜົນດີຟື້ນຟູຄວາມປອດໄພແລະສະຖຽນລະພາບຂອງອີຣັກ. ຊາວອີຣັກອີກສ່ວນໜຶ່ງພັດເຫັນວ່າ, ອົງການປະກອບອາວຸດອີຣັກມີຫລາຍອົງການ, ນອກຈາກອົງການກໍ່ການຮ້າຍທີ່ນຳໂດຍທ່ານຈາຄາວີທັງປະກອບດ້ວຍຄົນຕ່າງປະເທດນັ້ນແລ້ວ, ຍັງມີອົງການຕໍ່ຕ້ານນິກາຍຊຸນນິດຫລາຍອົງການ, ແລະອົງການທະຫານນິກາຍຊຸນນິດທີ່ສັດຊື່ຕໍ່ທ່ານຊາດາມ ທັງມີການພົວພັນກັບພັກຟື້ນຟູສັງຄົມອາລັບ ອະດິດພັກຄອງອຳນາດຂອງອີຣັກ. ຫລາຍອົງການປະກອບອາວຸດຈະສະຫວາມີພັກຍາກ. ພວກເຂົາເຈົ້າຍັງເປັນຫ່ວງວ່າ, ອາເມລິກາເຈລະຈາກັບອົງການປະກອບອາວຸດອີຣັກອາດຈະພາໃຫ້ບັນດາອົງການປະກອບອາວຸດອີຣັກລົບເລວກັນ, ເຮັດໃຫ້ສະຖານະການຄວາມປອດໄພຊຸດຮ້າຍລົງຕື່ມອີກ. ນອກນີ້, ຖ້າອາເມລິກາວາງຕາລາງເວລາຖອນທະຫານທັງຖອນອອກຈາກອີຣັກ, ອົງການປະກອບອາວຸດຕ່າງໆເຊັ່ນ: ອົງການອານເຄດາມູຢາຮິດອີຣັກກໍບໍ່ຫ່ອນຈະຮັບຮູ້ຄວາມຊອບກົດໝາຍຂອງລັດຖະບານຂ້າມຜ່ານ, ການເຄື່ອນໄຫວຫລອນໂຈມຕີດ້ວຍກຳລັງຮຸນແຮງຕ້ານລັດຖະບານຍັງລົບລ້າງຍາກ. ໃນບັນຫາອີຣັກ, ອາເມລິກາຍັງຈະປະເຊີນບັນຫາຫຍຸ້ງຍາກຊະນິດຕ່າງໆນາໆ.
|
|
|
