|
|
 |
| (GMT+08:00)
2005-06-29 15:48:10
|
|
ຈີນຈະດຳເນີນການສຳຫຼວດຫຼາຍວິຊາການຢູ່ຂົ້ວໂລກເໜືອ
cri
Author: q
ຕາມຂ່າວCRI,ໃນງານຖະແຫຼງຂ່າວທີ່ຈັດຂຶ້ນຢູ່ປັກກິ່ງໃນວັນທີ29ມິຖຸນາ,ທ່ານສູທ້ານໂຈ້ວ ຫົວໜ້າຫ້ອງການສຳຫຼວດຂົ້ວໂລກກົມທະເລແຫ່ງຊາດຈີນເຜີຍໃຫ້ຮູ້ວ່າ,ເລີ່ມແຕ່ເດືອນກໍລະກົດປີນີ້ເປັນຕົ້ນໄປ,ຈີນຈະດຳເນີນການສຳຫຼວດສັງລວມຫຼາຍວິຊາການເປັນເວລາ1ປີກວ່າຢູ່ຂົ້ວໂລກເໜືອ.
ຕາມສະເໜີໃຫ້ຮູ້ວ່າ,ໃນພາຍໜ້າບໍ່ດົນ,ນັກສຳຫຼວດວິທະຍາສາດ21ຄົນຂອງຈີນຈະແບ່ງເປັນງວດເດີນທາງໄປພາກພື້ນຂົ້ວໂລກເໜືອ.ພວກເຂົາເຈົ້າຈະດຳເນີນການຄົ້ນຄວ້າ11ລາຍການສຳຫຼວດວິທະຍາສາດຢູ່ສະຖານີຫວງເຮີ ທີ່ໝູ່ເກາະສະປີຈ໌ເບີແກນແຫ່ງນອກແວເຊິ່ງເປັນສະຖານີສຳຫຼວດວິທະຍາສາດທີ່ຈີນສ້າງຂຶ້ນເມື່ອປີກາຍນີ້.ລາຍການສຳຫຼວດວິທະຍາສາດໄດ້ກວມຫຼາຍວິຊາການເຊັ່ນທໍລະນີສາດ,ວິທະຍາສາດລານນ້ຳກ້າມ,ນິເວດວິທະຍາ,ອາກາດວິທະຍາແລະຟີຊິກສາດອາກາດຊັ້ນສູງເປັນຕົ້ນ.
|
|
|
