ຕາມ​ຂ່າວສານ​ຊິນ​ຮວາ: ໜັງສືພິມ​ນິວ​ໄລ​ທ໌​ແຫ່ງ​ມຽນມາຂອງຝ່າຍ​ທາງ​ການສະ​ບັບ​ວັນ​ທີ 1 ກໍລະກົດ​ລາຍ​ງານ​ວ່າ, ວັນ​ທີ 30 ມິຖຸນາ, ​ໃນ​ເວລາ​ກ່າວ​ຄຳ​ປາ​ໄສ​ໃນ​ກອງ​ປະຊຸມ​ຜູ່​ແທນ​ສະ​ມາ​ຄົມ​ນັກຮົບ​ເກົ່າ​ມຽນມາ, ທ່ານ​ນາຍ​ພົນ​ເອກ​ຕານ ສະ​ເວ ປະທານ​ຄະນະ​ກຳ​ມະ​ການ​ສັນຕິ​ພາບ​ແລະ​ການ​ພັດ​ທະນາ​ແຫ່ງ​ລັດ​ມຽນມາ​ກ່າວ​ວ່າ, ມຽນມາ​ພວມ​ປະ​ຕິ​ບັດ​ແຜນ​ການ​ເສັ້ນ​ທາງ​ການ​ເມືອງ​ປະ​ຊາ​ທິປະ​ໄຕ 7 ຂໍ້​​​ແຫ່ງການ​ພັດທະນາ​ປະ​ເທດ​ຊາດ, ​ເພື່ອ​ມອບ​ອຳ​ນາດ​ການ​ປົກ​ຄອງ​ຄືນໃຫ້​ປະ​ຊາ​ຊົນ​ຢ່າງ​ມີ​ບາດກ້າວ.

ຕາມ​ໄດ້​ຊາບ, ​ແຜນການ​ເສັ້ນທາງ​ການ​ເມືອງ​ປະຊາທິປະ​ໄຕ 7 ຂໍ້​ທີ່​ມີ​ວັດ​ຖະປະສົງ​ບັນລຸ​ຊົນ​ຊາດ​ປອງ​ດອງ​ກັນ ຊຸກ​ຍູ້​ຂະ​ບວນວິວັດ​ປະຊາທິປະ​ໄຕ ​ເນື້ອ​ໃນຕົ້ນຕໍມີ​ດັ່ງ​ນີ້: ຟື້ນ​ຟູ​ກອງ​ປະ​ຊຸມ​​ແຫ່ງ​ຊາດ​ສ້າງ​ລັດຖະທຳ​ມະນູນ​ທີ່​ໄດ້​ເຊົາ​ມາ​ເປັນ​ເວລາ 8 ປີ ຮ່າງ​ຍັດ​ຕິ​ລັດ​ຖະ​ທຳ​ມະ​ນູນ​ດ້ວຍ​ຮູບ​ການ​ເອົາ​ປະຊາ​ມະຕິ​ທົ່ວ​ປວງ​ຊົນ ຈັດການ​ເລືອກ​ຕັ້ງ​ທົ່ວ​ໄປ​ຕາມ​ກົດ​ໝາຍ​ແລະ​ປະ​ກອບ​ລັດ​ຖະ​ບານ​ຊຸດ​ໃໝ່​ເປັນຕົ້ນ.