ຕາມ​ຂ່າວສານ​ຊິນ​ຮວາ: ວັນ​ທີ 30 ມິຖຸນາ, ທ່ານ​ລີ​ກຸນ ຫົວໜ້າ​ພະ​ແນ​ກ​ທະວີບອາ​ເມ​ລິ​ກາ​ກະ​ຊວງ​ການ​ຕ່າງປະ​ເທດສ.ປ.ປ.​ເກົາຫຼີທັງ​ເປັນຮອງ​ຜູ່​ແທນ​ຝ່າຍ​ສ.ປ.ປ.​ເກົາຫຼີ​ທີ່​ເຂົ້າ​ຮ່ວມ​ການ​ເຈ​ລະຈາ 6 ຝ່າຍ​ໄດ້​ເຂົ້າຮ່ວມ​ກອງ​ປະຊຸມ​ວິຊາ​ການ​ທີ່​ຄະນະ​ກຳມະການ​ນະ​ໂຍບາຍ​ການ​ຕ່າງ​ປະ​ເທດ​ອາ​ເມ​ລິ​ກາຈັດ​ຂຶ້ນຢູ່​ນິວຢອກ, ​ແລະ​ໄດ້​ແລກປ່ຽນ​ກັບ​ເຈົ້າໜ້າ​ທີ່​ອາ​ເມ​ລິ​ກາ​ກ່ຽວ​ກັບ​ການ​ຟື້ນ​ຟູ​ການ​ເຈລະຈາ 6 ຝ່າຍກ່ຽວ​ກັບ​ບັນຫາ​ນິວ​ເຄຼຍ​ແຫຼມ​ເກົາຫຼີ.

ຕາມ​ສື່​ມວນ​ຊົນ​ອາ​ເມ​ລິ​ກາ​ລາຍ​ງານ​ວ່າ, ນອກຈາກ​ທ່ານ​ລີ​ກຸນ​ແລ້ວ, ທ່ານ​ໂຈ​ເຊ​ບ ​ເດ​ທຼາ​ນີ ທູດ​ພິ​ເສດ​ກ່ຽວ​ກັບວຽກ​ງານສ.ປ.ປ.​ເກົາຫຼີຂອງອາ​ເມ​ລິ​ກາ ທ່ານ​ກິ​ສຊິງ​ເກີ ອະ​ດີດ​ລັດ​ຖະ​ມົນຕີ​ການ​ຕ່າ​ງປະ​ເທດ​ອາ​ເມ​ລິ​ກາ ​ແລະ​ເຈົ້າໜ້າ​ທີ່​ສ.​ເກົາຫຼີ​ແລະ​ຍີ່ປຸ່ນ​ກໍ່​ໄດ້​ເຂົ້າ​ຮ່ວມ​ກອງ​ປະຊຸມ.

ພາຍຫຼັງກອງ​ປະຊຸມ​ສິ້ນ​ສຸດ​ລົງ​ແລ້ວ, ທ່ານ​ກິ​ສຊິງ​ເກີ​ກ່າວ​ວ່າ, ການ​ຫາລື​ກັນ​ແມ່ນ​ມີ​ລັກ​ສະ​ນະ​ສ້າງສັນ, ​ເຖິງ​ວ່າ​ຈະ​ຟື້ນ​ຟູ​ການ​ເຈລະຈາ 6 ຝ່າຍໃນ​ເວລາ​ໃດຍັງ​ບໍ່​ທັນ​ມີ​ຕາ​ລາງ​ເວ​ລາ​ອັນ​ຄັກ​ແນ່​ກໍ່ຕາມ, ​ແຕ່​ທ່ານ​ເຕັມ​ໄປ​ດ້ວຍ​ຄວາມ​ຫວັງ​ຕໍ່​ອະນາຄົດ​ການ​ເຈ​ລະ​ຈາ 6 ຝ່າຍ.