|
|
 |
| (GMT+08:00)
2005-07-01 20:25:58
|
 |
|
ສື່ມວນຊົນແລະອົງການຈັດຕັ້ງຊາວຈີນຕ່າງດ້າວຢູ່ໄທສະຫຼອງໄທຈີນສ້າງສາຍສຳພັນທາງການທູດຄົບຮອບ 30 ປີ
cri
Author: da
ຕາມຂ່າວສານຊິນຮວາ:ວັນທີ 1 ກໍລະກົດ, ສື່ມວນຊົນແລະອົງການຈັດຕັ້ງຊາວຈີນຕ່າງດ້າວຢູ່ໄທທະຍອຍກັນສະຫຼອງໄທຈີນສ້າງສາຍສຳພັນທາງການທູດຄົບຮອບ 30 ປີດ້ວຍຮູບການຕ່າງໆ.
ໜັງສືພິມອາຊີລາຍວັນຂອງໄທໄດ້ພິມເອກະສານປະຫວັດສາດກ່ຽວກັບໄທຈີນສ້າງສາຍສຳພັນທາງການທູດ ແລະຮູບພາບຫຼວງຫຼາຍກ່ຽວກັບຜູ້ນຳໄທຈີນພົບປະກັນໃນຫຼາຍປີມານີ້.
ວາລະສານເວທີຍຸກສະໄໝໄທໄດ້ພິມລາຍການພິເສດກ່ຽວກັບໄທຈີນສ້າງສາຍສຳພັນການທູດດ້ວຍໄມຕີຈິດຄົບຮອບ 30 ປີ,ໄດ້ຫວນຄືນແລະຈ້ອງມອງການພົວພັນການຮ່ວມມືທາງເສດຖະກິດການຄ້າໃນທຸກດ້ານລະຫວ່າງໄທກັບຈີນ.
ສະຖານີໂທລະພາບທີ 9 ຂອງຝ່າຍທາງການໄທໄດ້ສາຍລາຍການພິເສດກ່ຽວກັບໄທຈີນສ້າງສາຍສຳພັນທາງການທູດຄອບຮອບ 30 ປີໃນເວລາທີ່ມີຜູ້ຊົມຫຼາຍນັ້ນຢ່າງລຽນຕິດ,ໃຊ້ຮູບການສຳພາດບຸກຄົນທີ່ກ່ຽວຂ້ອງຂອງໄທແລະຈີນຢູ່ກັບບ່ອນ,ແນະນຳການພົວພັນການຮ່ວມມືດ້ວຍໄມຕີຈິດລະຫວ່າງໄທກັບຈີນຢ່າງລະອຽດ.
ມື້ດຽວກັນ ສະມາຄົມການຄ້າຈີນໄທ ສະມາຄົມມິດຕະພາບໄທຈີນແລະອົງການຈັດຕັ້ງອື່ນໆພ້ອມດ້ວຍຜູ້ນຳຊາວຈີນຕ່າງດ້າວທີ່ມີຊື່ສຽງກໍໄດ້ກ່າວຄຳອວຍພອນໂດຍຜ່ານສື່ມວນຊົນຂອງທ້ອງຖິ່ນ.
|
|
|
