|
|
 |
| (GMT+08:00)
2005-07-01 21:51:50
|
 |
|
ຊອກຫາຮ່ອງຮອຍສະຖານທີ່ເກົ່າຂອງທ່ານເຈີ້ງເຫີຢູ່ອິນໂດເນເຊຍ(ສຽງ)
cri
Author: da
|
ປີນີ້ແມ່ນປີທີ່ທ່ານເຈີ້ງເຫີ ນັກເດີນທະເລຜູ້ຍິ່ງໃຫຍ່ຂອງຈີນເດີນມະຫາສະໝຸດເປັນຄັ້ງທຳອິດຄົບຮອບ 600 ປີ.ທ່ານເຈີ້ງເຫີໄດ້ເດີນມະຫາສະໝຸດ 7 ເທື່ອ,ລວມທັງໝົດໄດ້ໄປຮອດ 30 ກວ່າປະເທດແລະເຂດແຄວ້ນໃນອາຊີອາຟຼີກາ,ໄດ້ສ້າງມິດຕະພາບແລະຊຸກຍູ້ການພັດທະນາເສດຖະກິດການຄ້າກັບບັນດາປະເທດ,ເພີ່ມການແລກປ່ຽນດ້ວຍໄມຕີຈິດລະຫວ່າງປະເທດກັບປະເທດ.ໃນລາຍການເຂົ້າສູ່ອາຊຽນມື້ນີ້,ດາລາວັນຈະພາທ່ານໄປຊອກຫາຮ່ອງຮອຍສະຖານທີ່ເກົ່າຂອງທ່ານເຈີ້ງເຫີຢູ່ອິນໂດເນເຊຍ.
ເມືອງຊາມາຣາງແມ່ນເມືອງໃຫຍ່ທີ 5 ຂອງອິນໂດເນເຊຍ,ຕາມເລົ່າລືກັນວ່າ ທ່ານເຈີ້ງເຫີເຄີຍພັກຜ່ອນໃນຖ້ຳຊຳໂປຕົງ,ຖ້ຳນີ້ເລີຍມີຊື່ສຽງເລົ່າລືກັນມາ.ດົນດົນ,ຖ້ຳຊ້ຳໂປຕົງກໍເລີຍຜ້ຽນສຽງເປັນຊາມາຣາງ,ແລະຄ່ອຍໆກາຍເປັນຊື່ຕົວເມືອງ.
ວັດຊຳໂປກົງທີ່ຕັ້ງຢູ່ຊານເມືອງທິດຕາເວັນຕົກສຽງເໜືອຂອງເມືອງຊາມາຣາງ,ເຄີຍສ້ອມແປງຫຼາຍເທື່ອ,ໄດ້ມີປະຫວັດຫຼາຍຮ້ອຍປີ.ວັດນີ້ໄດ້ບັນທຶກການບັນລະຍາຍຂອງຊາວຈີນອິນໂດເນເຊຍກ່ຽວກັບຄຸນງາມຄວາມດີເດີນມະຫາສະໝຸດຂອງທ່ານເຈີ້ງເຫີ ແລະຂະບວນວິວັດທີ່ພວກເຂົາເຈົ້າສ້າງພາລະກິດຢ່າງລຳບາກແລະເຊື່ອມໂຍງເຂົ້າສັງຄົມແຫ່ງນັ້ນ.
ເມືອງຊາມາຣາງອິນໂດເນເຊຍກຳລັງສ້າງວັດເຈີ້ງເຫີໃໝ່
ຢູ່ໃນວັດຊຳໂປກົງຈະເຫັນຮ່ອງຮອຍຂອງທ່ານເຈີ້ງເຫີຢູ່ທຸກໆແຫ່ງ.ຢູ່ໜ້າຖ້ຳມີນ້ຳສ້າງຊຳໂປ ເສັ້ນຜ່າກາງ 3 ແມັດປາຍ,ຕາມເລົ່າລືກັນວ່າແມ່ນທ່ານເຈີ້ງເຫີຂຸດໃນສະໄໝນັ້ນ.ນ້ຳໃນສ້າງນີ້ຖືກຖືເປັນນ້ຳທິບ,ປົວພະຍາດໄດ້.
ໃນວັດຊ້ຳໂປກົງມີຮ່ອງຮອຍຂອງຫຼາຍສາສະໜາ.ໃນການເຄື່ອນໄຫວສາສະໜາທຸກປີ ມີບຸນສາສະໜາເຕົາ,ແລະກໍມີບຸນສາສະໜາອິສລາມ.ໃນວັດຍັງມີຮູບຄວັດຂອງທ່ານຂົງຈືຂອງປັດຊະຍາເມທີຂົງຈື.ຈຸດພິເສດດັ່ງກ່າວຂອງວັດຊຳໂປກົງ,ມີເບື້ອງຫຼັງທີ່ຊາວຈີນຕ່າງດ້າວຢູ່ບັນດາປະເທດອາຊີອາຄະເນທີ່ມີວັດທະນະທຳຕ່າງກັນ,ທັງສ່ອງແສງໃຫ້ເຫັນຊາວຈີນຕ່າງດ້າວກັບປະຊາຊົນປະເທດນັ້ນໄປມາຫາສູ່ກັນແລະເຊື່ອມໂຍງເຂົ້າກັນ.
ທ່ານປະທານຄະນະກຳມະການຈັດຕັ້ງການເຄື່ອນໄຫວລະລຶກທ່ານເຈີ້ງເຫີເດີນມະຫາສະໝຸດແຂວງຈາວາກາງເວົ້າວ່າ,ວັດຊຳໂປກົງໄດ້ຂະຫຍາຍສ້າງເລື້ອຍໆ,ຄົນມາບູຊາຫຼາຍ,ຕາງໜ້າລູກຫຼານຊາວຈີນທີ່ຢູ່ພົ້ນທະເລຮັກສາແລະສືບທອດວັດທະນະທຳຈີນ.ເຖິງວ່າໃນປື້ມປະຫວັດສາດມີການບັນທຶກກ່ອນແລ້ວກໍຕາມ,ແຕ່ຊາວຈີນຢູ່ແຫ່ງນັ້ນກໍຍັງມັກຖືທ່ານເຈີ້ງເຫີເດີນມະຫາສະໝຸດເປັນການເລີ່ມຕົ້ນທີ່ບັນພະບຸລຸດຍ້າຍໄປຢູ່ອິນໂດເນເຊຍ.
ນອກຈາກຊາວຈີນແລ້ວ,ຄົນຊາດອື່ນຢູ່ອິນໂດເນເຊຍກໍເຄົາລົບນັບຖືທ່ານເຈີ້ງເຫີທີ່ສຸດ.ເຈົ້າແຂວງຈາວາກາງເຫັນວ່າ ທ່ານເຈີ້ງເຫີແມ່ນນັກເດີນທະເລຜູ້ຍິ່ງໃຫຍ່ແລະທູດສັນຕິພາບ.ທ່ານເຈົ້າແຂວງເປັນທີ່ປຶກສາຂອງຄະນະກຳມະການຈັດຕັ້ງການເຄື່ອນໄຫວລະລຶກທ່ານເຈີ້ງເຫີເດີນມະຫາສະໝຸດຄົບຮອບ 600 ປີແຂວງຈາວາກາງ,ພາຍໃຕ້ການລິເລີ່ມຂອງທ່ານ,ແຂວງຈາວາກາງຈະຈັດການເຄື່ອນໄຫວອັນຄຶກຄື້ນລະລຶກທ່ານເຈີ້ງເຫີເດີນມະຫາສະໝຸດໃນຕົ້ນເດືອນສິງຫາ,ສົ່ງເສີມນ້ຳໃຈໄປມາຫາສູ່ກັນຢ່າງໄມຕີຈິດຂອງທ່ານເຈີ້ງເຫີ.
ວັດອິສລາມເຈີ້ງເຫີຢູ່ຊູລາບາຢາເທດສະບານແຂວງຈາວາຕາເວັນອອກແຫ່ງອິນໂດເນເຊຍ
ເມື່ອໄດ້ຊົມວັດອິສລາມເຈີ້ງເຫີຢູ່ຊູລາບາຢາເທດສະບານແຂວງຈາວາຕາເວັນອອກອິນໂດເນເຊຍມີຄວາມຮູ້ສຶກພິເສດ.ເຖິງວ່າມັນແມ່ນວັດອິສລາມ,ແຕ່ກຳແພງແມ່ນສີແດງ ດິນຂໍສີຂຽວ,ຄວັດລວດລາຍແຕ້ມຮູບຢູ່ເທິງເສົາຫຼືຂື່,ວັດນີ້ມີຈຸດພິເສດອັນເດັ່ນຊັດຂອງວັດພຸດທະສາສະໜາຈີນ;ປະຕູໃນຫໍໃຫຍ່ພັດໄດ້ຖອດຖອນລັກສະນະອອກແບບຂອງໂບດໂລມັງກະໂຕລິກ.ຢູ່ເທິງກຳແພງວັດອິສລາມ,ໄດ້ຄວັດຮູບແຜ່ນໃຫຍ່ກ່ຽວກັບທ່ານເຈີ້ງເຫີເດີນມະຫາສະໝຸດ.ປະທານມູນນິທິເຈີ້ງເຫີແຂວງຈາວາຕາເວັນອອກອິນໂດເນເຊຍເວົ້າວ່າ,ນີ້ແມ່ນວັດອິສລາມແຫ່ງໜຶ່ງແຫ່ງດຽວໃນໂລກທີ່ເອົາຊື່ທ່ານເຈີ້ງເຫີເປັນຊື່ວັດ,ການອອກແບບພິເສດດັ່ງກ່າວ,ແມ່ນຫວັງໃຫ້ວັດນະທະທຳຂອງຫຼາຍສາສະໜາສາມາດໂຄລົບກັນແລະຢູ່ນຳກັນໂດຍສັນຕິ.
1 2
|
|
|
