|
ຕາມຂ່າວສານຊິນຮວາ: ວັນທີ 1 ກໍລະກົດນີ້ ຢູ່ທີ່ປັກກິ່ງ, ທ່ານນາງໂກເວິຍ ໂຄສົກຖະແຫຼງຂ່າວຂອງກົມວຽກງານສາສະໜາແຫ່ງຊາດຈີນກ່າວວ່າ, ຕໍ່ໄປພາຍໜ້າ ສາສະໜາໂລມັງກາໂຕລິກຈີນຈະອີງຕາມຄວາມຕ້ອງການ ອີງຕາມກົດໝາຍ ກົດບັນຍັດທີ່ກ່ຽວຂ້ອງຂອງຈີນ, ແລະຂໍ້ກຳນົດກ່ຽວກັບການເລືອກຕັ້ງສັງຄະນາຍົກຂອງຄະນະສັງຄະນາຍົກສາສະໜາໂລມັງກາໂຕລິກຈີນ, ສືບຕໍ່ເຮັດວຽກເລືອກຕັ້ງສັງຄະນາຍົກໂດຍຕົນເອງຢ່າງມີແຜນການ.
ເມື່ອກ່າວເຖິງການພົວພັນລະຫວ່າງຈີນກັບວາຕີກັງ, ທ່ານນາງໂກເວິຍກ່າວວ່າ, 2 ຫຼັກການຂອງລັດຖະບານຈີນໃນການຊຳລະແກ້ໄຂການພົວພັນລະຫວ່າງຈີນກັບວາຕີກັງແມ່ນຈະແຈ້ງແລະສະເໝີຕົ້ນສະເໝີປາຍ, ນັ້ນກໍຄື ວາຕີກັງຕ້ອງຕັດອັນທີ່ວ່າການພົວພັນທາງການທູດກັບໄຕ້ຫວັນ, ຮັບຮອງລັດຖະບານສາທາລະນະລັດປະຊາຊົນຈີນແມ່ນລັດຖະບານດຽວທີ່ຊອບກົດໝາຍທີ່ຕາງໜ້າໃຫ້ແກ່ທົ່ວປະເທດຈີນ; ວາຕີກັງບໍ່ຄວນແຊກແຊງວຽກງານພາຍໃນຂອງຈີນ, ລວມທັງບໍ່ໃຫ້ແຊກແຊງວຽກງານພາຍໃນຂອງຈີນດ້ວຍຂໍ້ອ້າງທີ່ວ່າແມ່ນວຽກສາສະໜາ.
|
